ရန်ကုန်တိုင်းဒေသကြီး အစိုးရအဖွဲ့ ဆောက်လုပ်ရေးဝန်ကြီးဌာနနှင့် ပုဂ္ဂလိကကုမ္ပဏီတို့ပူးပေါင်း၍ နေရေးအခက်အခဲဖြစ်မှုကိုဖြေရှင်းပေးမည်

ရန်ကုန်တိုင်းဒေသကြီး အစိုးရအဖွဲ့ ဆောက်လုပ်ရေးဝန်ကြီးဌာနနှင့် ပုဂ္ဂလိကကုမ္ပဏီနှင့် ပူးပေါင်းထားသည့် Yangon Metropolitan Development Company တို့ပူးပေါင်း၍ ပြည်သူများ၏နေရေးအခက်အခဲဖြစ်မှုကိုဖြေရှင်းပေးမည်ဖြစ်ကြောင်း ရန်ကုန်ဝန်ကြီးချုပ်က ဖေဖော်ဝါရီ ၂၄ တွင်ပြောသည်။

ရန်ကုန်မြို့ အိမ်ရာအရောင်းပြခန်း (Yangon City Gallery) ဖွင့်ပွဲအခမ်းအနားကို ဖေဖော်ဝါ၇ီ ၂၄ နံနက်(၇)နာရီခွဲတွင် ဗိုလ်တထောင်မြို့နယ်ရှိ ဗိုလ်ချုပ်အောင်ဆန်းလမ်းရှိ မြို့ပြနှင့်အိမ်ရာ အဆောက်အဦ၌ ပြုလုပ်ခဲ့ရာ ရန်ကုန်တိုင်းဒေသကြီး အစိုးရအဖွဲ့၊ ဝန်ကြီးချုပ်ဦးဖြိုးမင်းသိန်း တက်ရောက်ခဲ့ရာ အမှာစကားပြောကြားစဉ် ထည့်သွင်းပြောဆိုခဲ့သည်။

ဝန်ကြီးချုပ်က အမှာစကားပြောကြားရာတွင် " ဒီနေ့ဟာ ရန်ကုန်မြို့တော်ကြီးအတွက် အလွန်မင်္ဂလာရှိတဲ့ နေ့တစ်ရပ်ဖြစ်တယ်လို့ ကျွန်တော့် အနေနဲ့ ပြောချင်ပါတယ်။ ဘာကြောင့်လဲဆိုရင် ရန်ကုန်မြို့မှာ နေထိုင်ရေးအတွက် အခက်အခဲဖြစ်နေတဲ့ သူတွေအားလုံးကို ဖြေရှင်းဆောင်ရွက်ပေးမယ့် Yangon City Gallery တစ်ခုကို အခု ဖွင့်လှစ်လိုက်နိုင်ခဲ့ခြင်းပဲ ဖြစ်ပါတယ်။ ဒီနေရာဟာ ရန်ကုန်တိုင်းအတွင်း နေထိုင်စရာ အခက်အခဲဖြစ်နေသူတွေကို ဖြေရှင်းဆောင်ရွက်ပေးမယ့် နေရာဖြစ်ပါတယ်။ ကျွန်တော်တို့ရဲ့ ပထမခြေလှမ်းကို စတင်လိုက်နိုင်တာပဲ ဖြစ်ပါတယ်။ ရန်ကုန်မှာ တန်ဖိုးနည်း၊ တန်ဖိုးသင့်၊ တန်ဖိုးမြင့်အိမ်ရာတွေကို တည်ဆောက်ပြီး ပြည်သူလူထုကို ဒီနေရာကနေ ဖြန့်ချီ ရောင်းချပေးဖို့ ဆောင်ရွက်သွားမှာ ဖြစ်ပါတယ်။ " ဟု ပြောကြားသည်။

ယခုကဲ့သို့ ကြိုးပမ်းဆောင်ရွက်မှုများကို အစိုးရ၊ ပုဂ္ဂလိက လုပ်ငန်းရှင်များ၊ ပြည်သူများ ပူးပေါင်း ဆောင်ရွက်ကြမည် ဆိုရင် မျှော်မှန်းချက်ကို ရောက်နိုင်မည်ဖြစ်ပြီး ၀ိုင်းဝန်းကြိုးပမ်း ကြရန်လည်း ၀န်ကြီးချုပ်က တိုက်တွန်းပြောကြားသည်။

“ ရန်ကုန်တိုင်းဒေသကြီး အစိုးရအဖွဲ့ ဘက်ကနေ ပုဂ္ဂလိကနဲ့ ပူးပေါင်းထားတဲ့ Yangon Metropolitan Development Company ရယ်၊ ဆောက်လုပ်ရေး ဝန်ကြီးဌာနရယ် ပူးပေါင်းပြီး ဒီနေရာမှာ အများပြည်သူရဲ့ နေရေး အခက်အခဲဖြစ်နေမှု တွေကို ဖြေရှင်းဆောင်ရွက်ပေးဖို့ ကြိုးပမ်းဆောင်ရွက်သွားမှာ ဖြစ်ပါတယ်။ ဒီ့အတွက် ဒီနေ့ ရန်ကုန်မြို့မှာ အလွန်အင်မတန် မင်္ဂလာရှိပါတယ်။ နေရေးအခက်အခဲ ဖြစ်နေသူတွေအားလုံး အတွက် ဒီနေရာက အခွင့်အလမ်းကောင်းတွေကို ဖန်တီးပေးဖို့အတွက် ဆက်လက်ကြိုးပမ်း ဆောင်ရွက်ကြရမှာ ဖြစ်ပါတယ်။ ဒီကြိုးပမ်းဆောင်ရွက်မှုကို အစိုးကရော၊ ပုဂ္ဂလိက ကဏ္ဍရော၊ ဘဏ်တွေရော၊ အာမခံ ကုမ္ပဏီတွေရော၊ လုပ်ငန်းရှင်တွေရော၊ နေရေးအခက်အခဲ ရှိတဲ့သူတွေ အားလုံးက စနစ်တကျ ပူးပေါင်းဆောင်ရွက်ကြမယ်ဆိုရင် ကျွန်တော်တို့ရဲ့ မျှော်မှန်းချက်ကို ရောက်နိုင်မှာဖြစ်ပါတယ်။ ဒီအတွက် အားလုံးဝိုင်းဝန်း ကြိုးပမ်းကြဖို့ လိုပါတယ်။” ဟု ၀န်ကြီးချုပ်က ပြောကြားသည်။

မင်းချို ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။ Credit: iMyanmarHouse.com