သြစတြေးလျအိမ်ခြံမြေတွင် တရုတ်ရင်းနှီးမြှုပ်နှံမှု ကျဆင်းလာ

၂၀၁၇-၂၀၁၈ ခုနှစ်အတွင်း သြစတြေးလျအိမ်ခြံမြေတွင် တရုတ်ရင်းနှီးမြှုပ်နှံမှုသည် သြစတြေးလျဒေါ်လာ ၁၂ ဒသမ ၇ ဘီလျံ (အမေရိကန်ဒေါ်လာ ၉ ဘီလျံ) ရှိခဲ့ကြောင်း၊ ယင်းသည် ၂၀၁၆-၂၀၁၇ ခုနှစ်တွင် ရှိခဲ့သည့် သြစတြေးလျဒေါ်လာ ၁၅ ဒသမ ၃ ဘီလျံအောက် ၁၇ ရာခိုင်နှုန်း ကျဆင်းခဲ့ကြောင်း သြစတြေးလျ၏ နိုင်ငံခြားရင်းနှီးမြှုပ်နှံမှုသုံးသပ်ချက်ဘုတ်အဖွဲ့မှ ယခုနောက်ဆုံးထွက်ရှိလာသော နှစ်ပတ်လည်အစီရင်ခံစာသစ်အရ သိရသည်။

သို့သော်လည်း သြစတြေးလျတွင် နိုင်ငံခြားအိမ်ခြံမြေရင်းနှီးမြှုပ်နှံမှု လေးဒေါ်လာတိုင်းတွင် တစ်ဒေါ်လာမှာ တရုတ်၏ရင်းနှီးမြှုပ်နှံမှုဖြစ်ဆဲဖြစ်ကြောင်း တရုတ်ထိပ်တန်းအိမ်ခြံမြေဝက်ဘ်ဆိုက်ဒ် Juwai.com က ထောက်ပြထားသည်။

"သြစတြေးလျလူနေအိမ်ခြံမြေကို တရုတ်ရဲ့ဝယ်လိုအားကျဆင်းလာပေမဲ့လည်း တရုတ်ဟာ သြစတြေးလျလူနေအိမ်ခြံမြေအများစုရဲ့ ဝယ်လက်ဟာ တရုတ်ဖြစ်ဆဲပါပဲ။ ၂၀၁၇-၂၀၁၈ မှာ တရုတ်ရဲ့ ဝယ်ယူမှုကို အခြင်းအရာသုံးရပ်က သက်ရောက်ခဲ့ပါတယ်။ သြစတြေးလျဘဏ်တွေက ကတိပြုထားတဲ့ အိမ်ချေးငွေတွေကို မမျှော်လင့်ဘဲ ဖျက်သိမ်းလိုက်တာရယ်၊ နိုင်ငံခြားသားအိမ်ဝယ်ယူမှုအခွန်အကောက်မြင့်မားလာတာရယ်နဲ့ တရုတ်ကနေငွေကြေးစီးဆင်းမှုကို ထိန်းချုပ်လိုက်တာရယ်တွေပဲဖြစ်ပါတယ်။" ဟု Juwai.com ၏ စီအီးအိုနှင့် ဒါရိုက်တာ ကယ်ရီလောက ပြောကြားခဲ့သည်။

အမေရိကန်ပြီးလျှင် တရုတ်သည် သြစတြေးလျတွင် ကဏ္ဍအားလုံး၌ ဒုတိယအကြီးဆုံးနိုင်ငံခြားရင်းနှီးမြှုပ်နှံမှုငွေကြေးရင်းမြစ်ကြီးဖြစ်သည်။ တရုတ်သည် သြစတြေးလျတွင် ၂၀၁၇-၂၀၁၈ အတွင်း သြစတြေးလျဒေါ်လာ ၂၃ ဒသမ ၇ ဘီလျံ ရင်းနှီးမြှုပ်နှံခဲ့ပြီး ၂၀၁၆-၂၀၁၇ တွင် ရှိခဲ့သည့် သြစတြေးလျဒေါ်လာ ၃၈ ဒသမ ၉ ဘီလျံအောက် လျော့နည်းခဲ့သည်။

သြစတြေးလျတွင် အမေရိကန်၏ ရင်းနှီးမြှုပ်နှံမှုမှာ ၂၀၁၇-၂၀၁၈ တွင် သြစတြေးလျဒေါ်လာ ၃၆ ဒသမ ၅ ဘီလျံ ရှိသည်။

သြစတြေးလျတွင် အိမ်ခြံမြေသည် ဒုတိယအကြီးဆုံးရင်းနှီးမြှုပ်နှံမှုကဏ္ဍဖြစ်သည်။ အိမ်ခြံမြေကဏ္ဍသည် နိုင်ငံခြားရင်းနှီးမြှုပ်နှံမှုအားလုံး၏ ၃၂ ရာခိုင်နှုန်း ရှိပြီး ၃၉ ရာခိုင်နှုန်းရှိသည့် ဝန်ဆောင်မှုကဏ္ဍအောက် ဒုတိယဖြစ်ကာ ၁၀ ရာခိုင်နှုန်းရှိသည့် သတ္တုတွင်းလုပ်ငန်းကဏ္ဍအထက်ဖြစ်သည်။

ဗစ်တိုးရီးယားပြည်နယ်က လူနေအိမ်ခြံမြေရင်းနှီးမြှုပ်နှံမှုအများဆုံးဖြစ်သော ၄၆ ရာခိုင်နှုန်းကို လက်ခံရရှိပြီး ဒုတိယအများဆုံးအဖြစ် နယူးဆောက်သ်ဝေးလ်ပြည်နယ်က ၂၃ ရာခိုင်နှုန်းနှင့် ကွင်းစ်လန်းပြည်နယ်က တတိယအများဆုံးအဖြစ် ၁၇ ရာခိုင်နှုန်းလက်ခံရရှိခဲ့သည်။

"၂၀၁၉ ခုနှစ်မှာလည်း တရုတ်ဝယ်လက်ဖွံ့ဖြိုးမှုဟာ မကျဆင်းပေမဲ့လည်း

တန့်နေပြီး သြစတြေးလျရဲ့ အကြီးဆုံးနိုင်ငံခြားဝယ်လက်အဖြစ်ဆက်လက်တည်ရှိကာ နိုင်ငံခြားဝယ်လက်အားလုံးရဲ့ ၂၂ ရာခိုင်နှုန်းလောက်ရှိလိမ့်မယ်လို့ ကျွန်မတို့ထင်ပါတယ်" ဟုလည်း သူမက ပြောကြားခဲ့သည်။

ခင်အေးချမ်း ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။ Credit: iMyanmarHouse.com