နော်ဝေအစိုးရပိုင် ရင်းနှီးမြှုပ်နှံမှု ရန်ပုံငွေအဖွဲ့က ဂျပန်အိမ်ခြံမြေဈေးကွက်သို့ ယန်းငွေ ၉၃ ဘီလီယံနီးပါး သုံးစွဲကာ ဝင်ရောက်လာ

နော်ဝေအစိုးရပိုင် ရင်းနှီးမြှုပ်နှံမှု ရန်ပုံငွေအဖွဲ့  (sovereign wealth fund) သည် ဂျပန်အိမ်ခြံမြေဈေးကွက်သို့ ယန်းငွေ ၉၃ ဘီလီယံနီးပါး သုံးစွဲကာ ဝင်ရောက်လာသည်။

တိုကျိုမြို့ရှိ လက်လီအရောင်းဆိုင်နှင့် ရုံးခန်းအဆောက်အအုံ ၅ ခု၏ ရှယ်ယာအများစုကို ယန်းငွေ ၉၂ ဒသမ ၇၅ ဘီလီယံ (ကန်ဒေါ်လာ ၈၂၃ သန်း) သုံးစွဲကာ ဝင်ရောက်လာခြင်း ဖြစ်သည်။

နော်ဝေနိုင်ငံပိုင် ကန်ဒေါ်လာ ၁ ထရီလီယံပမာဏရှိသော ပင်စင်ရန်ပုံငွေကို စီမံခန့်ခွဲနေသည့် နော်ဝေဘဏ်ရင်းနှီးမြှုပ်နှံမှုစီမံခန့်ခွဲရေး (NBIM)  အဖွဲ့သည် တိုကျိုတွင် အိမ်ခြံမြေစတုရန်းမီတာ ၁၂၃၀၀ ခန့် ဝယ်ယူရန်အတွက် ဂျပန်မှ Tokyu Land Corporation နှင့် ပူးတွဲကုမ္ပဏီတစ်ခု တည်ထောင်ခဲ့သည်။

NBIM က ရှယ်ယာ ၇၀ ရာခိုင်နှုန်း ပိုင်ဆိုင်မည်ဖြစ်ပြီး Tokyu Land က ကျန် ၃၀ ရာခိုင်နှုန်းကို ပိုင်ဆိုင်မည်ဖြစ်ကာ ပူးတွဲဖက်စပ် ကုမ္ပဏီကို ကြီးကြပ်ကွပ်ကဲပေးမည်ဟု ဆိုသည်။

စုစုပေါင်း တန်ဖိုးပမာဏမှာ ယန်းငွေ ၁၃၂ ဒသမ ၅ ဘီလီယံ (ကန်ဒေါ်လာ ၁ ဒသမ ၁၈ ဘီလီယံ) ဖြစ်သည်။

NBIM သည် နော်ဝေအစိုးရ ပင်စင်ရန်ပုံငွေအဖွဲ့ကိုယ်စား ယခုရင်းနှီးမြှုပ်နှံမှုကို ပြုလုပ်ခဲ့ခြင်း ဖြစ်သည်။

ပင်စင်ရန်ပုံငွေအဖွဲ့သည် နော်ဝေ၏ ပေါကြွယ်ဝသော အရံရေနံများစွာ ပိုင်ဆိုင်ထားပြီး ကမ္ဘာပေါ်တွင် အကြီးမားဆုံး နိုင်ငံပိုင် ရန်ပုံငွေတစ်ရပ်ဖြစ်သည်ဟု သတ်မှတ်ထားခြင်းခံရသည်။

ပြီးခဲ့သော စက်တင်ဘာလ အချက်အလက်များအရ ပင်စင်ရန်ပုံငွေ၏ ၂ ဒသမ ၅ ရာခိုင်နှုန်း (ကန်ဒေါ်လာ ၂၅ ဘီလီယံ) ကို အိမ်ခြံမြေကဏ္ဍတွင် ရင်းနှီးမြှုပ်နှံမှုများ ပြုလုပ်ခဲ့သည်။

အိမ်ခြံမြေကဏ္ဍတွင် စုစုပေါင်း ၇ ရာခိုင်နှုန်းအထိ ရင်းနှီးမြှုပ်နှံခွင့်ပြုထားသည်ဟု ဆိုသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)