စင်္ကာပူရှိ ၃၅ ထပ်မိုးမျှော်တိုက်ကြီးတစ်လုံးကို ဒေါ်လာ သန်း ၇၀၀ ကျော်ဖြင့် အရောင်းအဝယ်ဖြစ်

ဟောင်ကောင်အခြေစိုက် အိမ်ခြံမြေရင်းနှီးမြှုပ်နှံမှု ကုမ္ပဏီကြီးဖြစ်သော Gaw Capital Partners သည် စင်္ကာပူနိုင်ငံ၊ တန်ဂျောင် ပဂါးအရပ်ရှိ ၃၅ ထပ်မိုးမျှော်တိုက်ကြီးကို စင်္ကာပူဒေါ်လာ သန်း ၇၁၀ ဖြင့် ဝယ်ယူလိုက်ကြောင်း ရှန်ဟိုင်းအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။

အရောင်းအဝယ်ဖြစ်ခဲ့သော မိုးမျှော်တိုက်ကြီး၏ အမည်မှာ Robinson 77 ဖြစ်ပြီး CLSA Capital Partners ကုမ္ပဏီက ရောင်းချခဲ့ခြင်း ဖြစ်သည်။

CLSA Capital Partners သည် တရုတ်ပြည်မကြီးမှ CITIC Group က ထိန်းချုပ်ထားသည့် ကုမ္ပဏီတစ်ခုဖြစ်ပြီး အရောင်းအဝယ်ဖြစ်ခဲ့ သည်မှာ စင်္ကာပူဒေါ်လာ သန်း ၇၁၀ (ကန်ဒေါ်လာ ၅၂၆ သန်း) ဖြင့်ဖြစ်သည်။

အဆိုပါအဆောက်အအုံကြီးကို စင်္ကာပူဒေါ်လာ သန်း ၅၃၀ ဖြင့် ဝယ်ယူခဲ့ပြီး ၂ နှစ်ခန့်အကြာတွင် ယခုဈေးနှုန်းဖြင့် ရောင်းထွက်ခဲ့ခြင်းဖြစ်ရာ CITIC Group အတွက် စင်္ကာပူဒေါ်လာ သန်း ၂၀၀ နီးပါး မြတ်စွန်းခဲ့ခြင်းလည်း ဖြစ်သည်။

Gaw Capital အတွက်မူ စင်္ကာပူတွင် ကူးသန်းရောင်းဝယ်ရေးဆိုင်ရာ ဒုတိယမြောက်အဆောက်အအုံတစ်လုံး ပိုင်ဆိုင်လာခြင်းလည်း ဖြစ်သည်။

စင်္ကာပူတွင် ရုံးခန်းငှားရမ်းလိုသည့်ကုမ္ပဏီများ မြင့်တက်လာမှုနှင့်အတူ ရုံးခန်းနေရာများ အလွန်ရှားပါးလာမှုကြောင့် ရုံးခန်းငှားရမ်းခမှာ ပြီးခဲ့သော ၂၀၁၈ ခုနှစ်အတွင်း ၇ ဒသမ ၄ ရာခိုင်နှုန်းခန့် မြင့်တက်ခဲ့သည်။

CLSA Capital Partners သည် ယခုအဆောက်အအုံကြီးကို Savills Investment Management ၏ ကုမ္ပဏီခွဲတစ်ခုထံမှ ၂၀၁၆ ခုနှစ်၊ နိုဝင်ဘာလအတွင်း စင်္ကာပူဒေါ်လာ ၅၂၆ သန်းဖြင့် ဝယ်ယူခဲ့ပြီး ပြန်လည်မွမ်းမံမှုလုပ်ငန်းများအတွက် စင်္ကာပူဒေါ်လာ သန်း ၃၀ အကုန်အကျခံ မွမ်းမံခဲ့သေးသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)