စစ်ကိုင်းတိုင်းဒေသကြီး၌ ရင်းနှီးမြှုပ်နှံမှုလုပ်ငန်းများ လုပ်ကိုင်မည်ဆိုပါက မြေအသုံးချခွင့် ရရှိရေးဆောင်ရွက်ပေးမည့်အပြင် ဝင်ငွေခွန်ကင်းလွတ်ခွင့် ငါးနှစ်မှ ခုနစ်နှစ်အထိရရှိမည်

စစ်ကိုင်းတိုင်း ဒေသကြီးဖွံ့ဖြိုးတိုးတက်ရန်နှင့် နိုင်ငံတော်အတွက် အကျိုးဖြစ်ထွန်းစေမည့် အလုပ်အကိုင်အခွင့်အလမ်းကောင်းများ ပေါ်ထွက်လာစေရန်အတွက် ရင်းနှီး မြှုပ်နှံမှုလုပ်ငန်းများ လုပ်ကိုင်မည်ဆိုပါက သတ်မှတ်ဒေသအလိုက် ဝင်ငွေခွန်ကင်း လွတ်ခွင့်ရရှိမည်ဖြစ်ကြောင်း သိရသည်။

စီးပွားရေးလုပ်ငန်းရှင်များအနေ ဖြင့် စစ်ကိုင်းတိုင်းဒေသကြီးအတွင်း မြို့ ကြီးများဖြစ်သည့် မုံရွာ၊ ရွှေဘိုနှင့်စစ်ကိုင်း မြို့နယ်များတွင် ရင်းနှီးမြှုပ်နှံမှုလုပ်ငန်း များလုပ်ကိုင်မည်ဆိုပါက ဝင်ငွေခွန် ကင်းလွတ်ခွင့် ငါးနှစ်ရရှိမည်ဖြစ်ပြီး ကျန်မြို့နယ် ၃၄ ခုတွင်ဝင်ငွေခွန်ကင်းလွတ်ခွင့်ခုနစ်နှစ်အထိရရှိမည်ဖြစ်သည်။

'' စစ်ကိုင်းတိုင်းဒေသကြီး မြို့ကြီး သုံးမြို့မှာ ဝင်ငွေခွန်ကင်းလွတ်ခွင့် ငါးနှစ်နဲ့ ကျန် ၃၄ မြို့နယ်မှာခုနစ် နှစ်ခံစား ခွင့်ပေးပါမယ်။ ဥပမာအနေနဲ့တော့ စက်ရုံတည်ဆောက်ရေး နှစ်နှစ်နဲ့ ကျန်တဲ့ ဝင်ငွေရမယ့်သုံးနှစ်အထိ ဝင်ငွေခွန် ဆောင်စရာမလိုဘူး။ လုပ်ငန်းလည်ပတ် မှုအပေါ်မှာပဲ ဝင်ငွေခွန်ကင်းလွတ်ခွင့် ပေးတာပါ''ဟု စစ်ကိုင်းတိုင်းဒေသကြီး စီမံကိန်းနှင့် ဘဏ္ဍာရေးဝန်ကြီး ဦးစိုးဦး က ပြောကြားသည်။

ရင်းနှီးမြှုပ်နှံမှုလုပ်ငန်းများ အတွက် စက်ပစ္စည်းနှင့် စက်ကိရိယာများ တင်သွင်းခြင်းအား အကောက်ခွန်ကင်း လွတ်ခွင့်လျှောက်ထားနိုင်ကြောင်း၊ လုပ်ငန်းမှရရှိသောအမြတ်ငွေပေါ်တွင် ပြန် လည်ရင်းနှီးမြှုပ်နှံလျှင် ရရှိသည့်အမြတ် ငွေအပေါ် ဝင်ငွေခွန်ကင်းလွတ်ခွင့် (သက်သာခွင့်) လျှောက်ထားနိုင် ကြောင်းနှင့် ရင်းနှီးမြှုပ်နှံမှုလုပ်ငန်း အပေါ်မူတည်၍ မြေအသုံးချခွင့်ရရှိရေး ကိုပါ တိုင်းဒေသကြီးအစိုးရအဖွဲ့မှကူညီ ဆောင်ရွက်ပေးမည်ဖြစ်သည်။

၂ဝ၁၈-၂ဝ၁၉ ဘဏ္ဍာနှစ်၊ ဒီဇင်ဘာလကုန်အထိ စစ်ကိုင်းတိုင်းဒေသ ကြီး၏ ရင်းနှီးမြှုပ်နှံမှုကဏ္ဍတွင် မြန်မာ နိုင်ငံသား ရင်းနှီးမြှုပ်နှံမှုဥပဒေအရ လုပ်ငန်းပေါင်း ၄၅ ခုရှိပြီး ရင်းနှီးမြှုပ်နှံမှု ပမာဏ ၁၇၁၅၂၉ ဒသမ ၄ဝ၄ ကျပ် သန်းရှိ ကြောင်းနှင့် နိုင်ငံခြားသားရင်းနှီး မြှုပ်နှံမှု ဥပဒေအရလုပ်ငန်းပေါင်း ၁၆ ခု ရှိသဖြင့် ရင်းနှီးမြှုပ်နှံမှုပမာဏအားဖြင့် အမေရိကန်ဒေါ်လာ သန်း ၂၇၇၇ ဒသမ ဝ၈၆ ရှိကြောင်း တိုင်းဒေသကြီး အစိုးရအဖွဲ့ထံမှသိရသည်။

Credit: Yangon Media Group