ကန်ဒေါ်လာ ၁ ဒသမ ၇ သန်း တန်ကြေးရှိသည့် နေအိမ်ကြီးကို အက်ဆေးတစ်ပုဒ်ရေးကာ ၂၅ ဒေါ်လာ ပေးသွင်းရုံဖြင့် ရရှိနိုင်မည့် အခွင့်အလမ်း

ကနေဒါနိုင်ငံ၊ အယ်လ်ဘာတာပြည်နယ်ရှိ အမျိုးသမီးတစ်ဦးက ကန်ဒေါ်လာ ၁ ဒသမ ၇ သန်း တန်ကြေးရှိသော နေအိမ်ကို ကန်ဒေါ်လာ ၂၅ ဒေါ်လာ ပေးသွင်းကာ အက်ဆေးတစ်ပုဒ်ရေးသားပေးပို့ရုံဖြင့် ဆုရသူအား နေအိမ်ပေးအပ်သွားမည့် ပြိုင်ပွဲတစ်ခုကို ဇန်နဝါရီလ အစောပိုင်းက ကြေညာခဲ့သည်။

ကြိုတင်အသိပေးထားသည့် အချက်တစ်ခုကား အကယ်၍ ပြိုင်ပွဲကျင်းပနေစဉ်အတွင်း နေအိမ်ဝယ်လက်ပေါ်လာပါက ပြိုင်ပွဲကို ဖျက်သိမ်းမည်ဖြစ်ပြီး ပြိုင်ပွဲဝင်ကြေးအဖြစ် ပေးသွင်းထားသည့်ငွေများကို ပြန်လည်ပေးအပ်သွားမည်ဟု ဆိုသည်။

နေအိမ်တည်ရှိသည့်နေရာမှာ အယ်လ်ဘာတာပြည်နယ်၊ ကယ်လ်ဂါရီမြို့၏ အနောက်တောင်ဘက် ၆၅ ကီလိုမီတာအကွာတွင် တည်ရှိသော မီလာဗေးလ်အမည်ရှိ ရွာကလေးတွင်ဖြစ်ပြီး ပင်လယ်ရေမျက်နှာပြင်အထက် ၁၁၈၅ မီတာ အမြင့်တွင် တည်ရှိသည်။

နေအိမ်ပေးအပ်မည့် အမျိုးသမီးကြီးမှာ အယ်လာ ဝက်ဂ်နာဟု အမည်ရပြီး အဆိုပါနေအိမ်တွင် ၂၀၁၁ ခုနှစ်ကတည်းက နေထိုင်ခဲ့ခြင်းဖြစ်သည်။

တောတောင်များ၏ သာယာလှပသော ရှုခင်းများရှိသည့် ထိုနေရာကို အယ်လာက ချစ်မြတ်နိုးသည်။

သို့ရာတွင် ကျန်းမာရေးအခြေအနေကြောင့် နေအိမ်ကို အဆင့်မြှင့်မွမ်းမံရန် လိုအပ်လာသောကြောင့် ရောင်းထုတ်ရန် ဆုံးဖြတ်လိုက်ခြင်းလည်း ဖြစ်သည်။

အယ်လာက စတုရန်းပေ ၅၀၀၀ ကျယ်ဝန်းသည့်နေအိမ်ကို ပြီးခဲ့သော ၂၀၁၈ ခုနှစ်အတွင်း ကန်ဒေါ်လာ ၁ ဒသမ ၇ သန်းဖြင့် ဈေးကွက်တင်ခဲ့သော်လည်း ရောင်းမထွက်ချေ။

“ဒီအိမ်လေးဟာ အနုပညာလက်ရာတစ်ခုပဲလို့ ကျွန်မက မြင်တယ်”ဟု အယ်လာက ဆိုသည်။

ကာလအတန်ကြာ ရောင်းမထွက်ချိန်တွင် အယ်လာက စိတ်ကူးသစ်တစ်ခု ရလာသည်။

ယင်းမှာ ပြိုင်ပွဲဝင်ပေါင်း ၆၈၀၀၀ ခန့်ကို ဝင်ကြေး ၂၅ ဒေါ်လာဖြင့် အက်ဆေးတစ်ပုဒ်ရေးသားယှဉ်ပြိုင်စေကာ အကောင်းဆုံး ရေးသားနိုင်သူကို နေအိမ်ပေးအပ်မည့် အစီအစဉ်ဖြစ်သည်။

ရေးသားရမည့် အကြောင်းအရာမှာ မိမိအကြောင်းနှင့် နေအိမ်ကို အဘယ်ကြောင့်ရသင့်သည်ဆိုသည့်အကြောင်း စာတစ်မျက်နှာ ရေးသားရမည်ဖြစ်ပြီး စာလုံးရေ ၃၅၀ ထက် မပိုရဟု သတ်မှတ်ထားသည်။

စာတိုက်မှ ရေးသားပေးပို့လိုပါက PO BOX 74 MILLARVILLE AB, CANADA T0L 1K0 လိပ်စာသို့ ပေးပို့ရမည်ဖြစ်ပြီး အီးမေးလ်ဖြင့် ပေးပို့လိုပါက sioni@telus.net သို့ ပေးပို့ရမည်ဟု ဆိုသည်။

ဇကာတင်အဖြစ် ပြိုင်ပွဲဝင် ၅၀၀ ဦးရွေးချယ်ကာ ဒိုင်လူကြီးများမှ အမှတ်ပေးရွေးချယ်သွားမည် ဖြစ်သည်။

ပြိုင်ပွဲဝင် အက်ဆေးပေးပို့နိုင်မည့်ကာလကို ၃ လ သတ်မှတ်ထားပြီး ၃ လကုန်ဆုံး၍ သတ်မှတ်ပြိုင်ပွဲဝင်ဦးရေ ၆၈၀၀၀ မပြည့်သေးပါက ၆ လအထိ သက်တမ်းတိုးပေးမည် ဖြစ်သည်။ သို့ရာတွင် သတ်မှတ်ဦးရေသို့ အနည်းငယ်သာ လိုသည့်ပမာဏရရှိမှသာဖြစ်သည်။

အကယ်၍ ပြိုင်ပွဲဝင်ဦးရေ အလွန်နည်းနေလျှင် (သို့မဟုတ်) နေအိမ်ဝယ်လက်ပေါ်လာလျှင် (သို့မဟုတ်) အိမ်ပိုင်ရှင် ကွယ်လွန်သွားလျှင် ပြိုင်ပွဲဖျက်သိမ်းမည်ဖြစ်ပြီး ပြိုင်ပွဲဝင်ကြေးများကို ပေးပို့ထားသည့်လိပ်စာအတိုင်း ပြန်လည်ပို့ပေးမည် ဖြစ်သည်။

ကနေဒါဥပဒေအရ ယခုပြိုင်ပွဲမှာ မဲနှိုက်ရွေးချယ်သည့်စနစ်မဟုတ်သောကြောင့် နေအိမ်ကို ထီအဖြစ် ကံစမ်းခြင်းမျိုးမဟုတ်ကြောင်းလည်း ပြိုင်ပွဲစည်းမျဉ်းများတွင် အိမ်ရှင်က ထည့်သွင်းရေးသားထားသည်ကို တွေ့ရသည်။

ပြိုင်ပွဲဝင်မည့်သူသည် အသက် ၁၈ နှစ်ပြည့်ပြီးသူဖြစ်ရမည်ဖြစ်ပြီး တစ်ဦးလျှင် တစ်ကြိမ်သာ ဝင်ရောက်ယှဉ်ပြိုင်ခွင့်ရှိသည်ဟု သတ်မှတ်ထားသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)