ပြည်ပ အိမ်ခြံမြေ သတင်း | Posted by စည်သူအောင်
အမေရိကန်သမ္မတ၏ အိမ်တော်ဖြစ်သော အိမ်ဖြူတော်၏ ဆက်ဆံရေးဒါရိုက်တာဟောင်း အန်သိုနီ စကာရာမတ်ခ်စီသည် ဇနီးဖြစ်သူ ပျော်ရွှင်စေရန်အတွက် ကန်ဒေါ်လာ ၁၀ သန်းတန်နေအိမ်ကို အရောင်းဈေးကွက်တင်လာသည်။
ပြီးခဲ့သောနှစ်အတွင်း အန်သိုနီသည် နယူးယောက်ပြည်နယ်၊ ဆောက်သမ်ပ်တန်ရှိ ကမ်းခြေနေအိမ်တစ်လုံးကို ကန်ဒေါ်လာ ၃ ဒသမ ၉၉ သန်းဖြင့် အရောင်းဈေးကွက်တင်ခဲ့ပြီး နယူးယောက်မြို့အရှေ့ဘက်၊ လောရင့်စ်ကုတ်လမ်း အမှတ် ၃၀ ရှိ ပိုမိုကြီးမားသော နေအိမ်တစ်လုံးကို ကန်ဒေါ်လာ ၇ ဒသမ ၄၉ သန်းဖြင့် ဝယ်ယူခဲ့သည်။
ယင်းနောက် ၂၀၁၈ အတွင်းတွင်ပင် လောရင့်စ်ကုတ်လမ်းနေအိမ်ကို ပြန်လည်အရောင်းဈေးကွက်တင်ခဲ့ပြန်သော်လည်း ရောင်းမထွက်ခဲ့ချေ။
ယခုအချိန်တွင်မူ ဆောက်သမ်ပ်တန်ရှိ သေးငယ်သော နေအိမ်ကို မရောင်းတော့ဘဲ လောရင့်စ်ကုတ်လမ်းနေအိမ်ကိုပင် ပြန်လည်ဈေးကွက်တင်လာသည်။
လောရင့်စ်ကုတ်လမ်းနေအိမ်တွင် အိပ်ခန်း ၈ ခန်း ပါဝင်ပြီး ဟမ့်ပ်တန်ရှိ နာမည်ကျော် developer ဖြစ်သော Joe Farrell က ဆောက်လုပ်ပေးခဲ့ခြင်းဖြစ်ကာ ကန်ဒေါ်လာ ၉ ဒသမ ၇၅ သန်းဖြင့် ဈေးကွက်ဝင်လာမည် ဖြစ်သည်။
သေးငယ်သော နေအိမ်ကို မရောင်းဘဲထားပြီး လောရင့်စ်ကုတ်လမ်းနေအိမ်ကို ရောင်းချခြင်းမှာ ဇနီးဖြစ်သူ ဒိုင်ဒရီဘောလ် ပျော်ရွှင်စေရန် ဖြစ်သည်ဟု ဆိုသည်။
ဒိုင်ဒရီဘောလ်သည် ၂၀၁၇ ခုနှစ်အတွင်း ကိုယ်ဝန် ၉ လရှိနေချိန်တွင် ကွာရှင်းပြတ်စဲခွင့် လျှောက်ထားခဲ့ဖူးသည်။ ဒိုင်ဒရီဘောလ် မကျေနပ်သည့်အကြောင်းရင်းမှာ အန်သိုနီသည် ၎င်းကို မတိုင်ပင်ဘဲ အိမ်ဖြူတော်ဆက်ဆံရေးဒါရိုက်တာ ရာထူးကို ယူခဲ့သောကြောင့်ဖြစ်သည်ဟု ဆိုသည်။
သို့ရာတွင် အန်သိုနီသည် အဆိုပါရာထူးတွင် ၁၀ ရက်(၂၀၁၇ ခုနှစ်၊ ဇူလိုင်လ ၂၁ ရက်မှ ဇူလိုင်လ ၃၁ ရက်အထိ) သာ တာဝန်ထမ်းဆောင်ခဲ့ရပြီး ဒေါ်နယ်ထရမ့်က ရာထူးမှ ထုတ်ပယ်ခြင်းခံခဲ့ရသည်။
“ဒိုင်ဒရီဟာ ဆောက်သမ်ပ်တန်က ကမ်းခြေအိမ်ကို တကယ်မြတ်နိုးပြီး မရောင်းချင်ဘူး။ ဒါကြောင့် တခြားအိမ်တစ်လုံးကိုပဲရောင်းဖို့ သူတို့ ဆုံးဖြတ်လိုက်တာပါ”ဟု သတင်းရင်းမြစ်တစ်ခုက ပြောကြားသည်။
အန်သိုနီသည် CBS ရုပ်သံဌာနမှ ဇန်နဝါရီ ၂၁ ရက်က ထုတ်လွှင့်ခဲ့သော “Celebrity Big Brother” အစီအစဉ်တွင် ပါဝင်ခဲ့သေးသည်။
အန်သိုနီ၏ နေအိမ်ကို အရောင်းဈေးကွက်တင်ပေးခဲ့သည်မှာ Brown Harris Stevens အိမ်ခြံမြေကုမ္ပဏီမှ ဂျိန်း ဘက်ကွတ်ခ်နှင့် မာ့ခ် ဘာရွန်တို့ ဖြစ်ကြသည်။
Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)
