အာမခံအပေါင်ပစ္စည်းမယူလျှင် အတိုးနှုန်း ၁၆ ရာခိုင်နှုန်းအထိတိုးမြှင့်ယူနိုင်ဟု ဗဟိုဘဏ်ထုတ်ပြန်

ဘဏ်များက ထုတ်ချေးငွေအပေါ် အာမခံအပေါင်ပစ္စည်းမယူပါက အတိုးနှုန်း ၁၆ ရာခိုင်နှုန်းအထိ အမြင့်ဆုံးတိုးမြှင့်ရယူနိုင်ကြောင်း ဗဟိုဘဏ်က ဇန်နဝါရီ ၁၅ ရက်တွင် ထုတ်ပြန်ကြေညာသည်။

ပြည်တွင်းဘဏ်များသည် အများပြည်သူသို့ ချေးငွေထုတ်ပေးရာတွင် အပေါင်ပစ္စည်းယူလျှင် ၁၃ရာခိုင်နှုန်းရယူပြီး ဖေဖော်ဝါရီ ၁ ရက်ကစ၍ အပေါင်ပစ္စည်း မပါပါက အထက်ပါအတိုင်းအတိုးနှုန်းရယူ နိုင်သည်ဟု ဗဟိုဘဏ်က ဆိုသည်။ဘဏ်များက ထုတ်ချေးငွေ ကို ဗဟိုဘဏ်အတိုးနှုန်း ၁၀ ရာ ခိုင်နှုန်းထက် ၃ ရာခိုင်နှုန်းပေါင်း ၍ အမြင့်ဆုံး ၁၃ ရာခိုင်နှုန်းနှင့် ဘဏ်အပ်ငွေများကို ဗဟိုဘဏ် အတိုးနှုန်းအောက် ၂ ရာခိုင်နှုန်း လျော့၍ ၈ ရာခိုင်နှုန်းရယူနိုင်သည် ဟု ဗဟိုဘဏ်က သတ်မှတ်ထား သည်။

ဗဟိုဘဏ်က ချေးငွေထုတ် ပေးနိုင်သည့် အာမခံအပေါင် ပစ္စည်းများအဖြစ် မြေနှင့် အ ဆောက်အအုံ၊ ရွှေ၊ စိန်နှင့် အဖိုး တန်ကျောက်မျက်၊ ငွေစုလက် မှတ်၊ အစိုးရ ငွေတိုက်စာချုပ်၊ စာရင်းသေအပ်ငွေ၊ အပေါင်ပြု နိုင်သည့် ငွေချေးသက်သေခံလက် မှတ်များနှင့် လွှဲပြောင်းနိုင်သော စာချုပ်စာတမ်းများ၊ လက်ရောက် အပေါင် (Pledge)၊ ချေးငွေအာမ ခံဖြင့် ချေးငွေများနှင့် ဗဟိုဘဏ်က ထပ်မံသတ်မှတ်သော အပေါင် ပစ္စည်းများပါဝင်သည်။

ယခု ထုတ်ပြန်သည့် ညွှန် ကြားချက်အရ ဗဟိုဘဏ်က အထက်ပါအပေါင်ပစ္စည်းများမှအပ အခြားအာမခံပစ္စည်းများကို ရယူ ၍ဖြစ်စေ၊ အာမခံအပေါင်ပစ္စည်း မယူဘဲဖြစ်စေ ဘဏ်ထုတ်ချေးငွေ ကို အတိုးနှုန်း ၁၆ ရာခိုင်နှုန်းအထိ ရနိုင်ကြောင်း သတ်မှတ်ခြင်းဖြစ် သည်။

ထိုနှုန်းသည် ချေးငွေနှင့်ပတ်သက်သည့် အခကြေးငွေများအ ပါအဝင် စုစုပေါင်းကောက်ခံနိုင် သည့် နှုန်းဖြစ်ပြီး မည်သည့်နည်း နှင့်မျှ ၁၆ ရာခိုင်နှုန်းထက် အတိုး နှုန်းကျော်လွန်ကောက်ခံခြင်းမပြု ရဟု ဗဟိုဘဏ်က ဆိုသည်။

သို့သော် အများပြည်သူများ ၏ဘဏ်အပ်ငွေအတိုးနှုန်း ၈ ရာ ခိုင်နှုန်းကိုမူ မပြောင်းဘဲ ဆက်လက်တည်ရှိရမည်ဟု ဗဟိုဘဏ် က ဆိုသည်။

‘‘အပေါင်ပစ္စည်းမပါဘဲ ဖြစ်တဲ့အတွက်ကြောင့် ဘဏ်တွေက ငွေပိုရလာမယ်။ ဒါပေမဲ့ ဆုံးရှုံး နိုင်ခြေပိုများလာမှာဖြစ်တော့ ဆုံးရှုံးနိုင်မှုနည်းသထက်နည်းအောင် လုပ်ပြီးမှ ချေးလို့ရမယ်’’ဟု အသေးစား၊ အလတ်စားများဘဏ်၊ အမှုဆောင်အရာရှိချုပ် ဒေါက် တာဇေယျာညွန့်က ပြောသည်။

Credit: 7Daydaily