နယူးယောက်မြို့၏ အထင်ကရ ခရိုင်စလာအဆောက်အအုံကြီး ရောင်းချတော့မည်

အမေရိကန်ပြည်ထောင်စု၊ နယူးယောက်မြို့၏ အထင်ကရဖြစ်သော ခရိုင်စလာအဆောက်အအုံကြီး အရောင်းဈေးကွက်ဝင်လာသည်။

ခရိုင်စလာအဆောက်အအုံကြီးသည် နယူးယောက်မြို့၊ မန်ဟက်တန်၏ အရှေ့ဘက်တွင် အာ့ထ်ဒက်ကို ဗိသုကာဟန်ဖြင့် ၁၉၃၀ ပြည့်နှစ်၊ မေလ ၃၀ ရက်တွင် အပြီးသတ်ဆောက်လုပ်ခဲ့ခြင်းဖြစ်သည်။

ကမ္ဘာ့အမြင့်မားဆုံးအဆောက်အအုံကြီးအဖြစ် ၁၉၃၁ ခုနှစ်၊ မေလ ၁ ရက်အထိ ရပ်တည်ခဲ့ပြီး ယင်းနောက်တွင် အင်ပိုင်ယာစတိတ် အဆောက်အအုံကြီးက ဖြတ်ကျော်သွားသည်။

အမြင့်ပေ ၁၀၄၆ ပေ (၃၁၈ ဒသမ ၉ မီတာ) မြင့်မားသော အဆောက်အအုံကြီးကို ခရိုင်စလာ ကော်ပိုရေးရှင်း၏ အကြီးအကဲ ဝေါလ်တာ ခရိုင်စလာက ဆောက်လုပ်ခဲ့ခြင်းဖြစ်ပြီး ခရိုင်စလာရုံးချုပ်အဖြစ် ၁၉၃၀ မှ ၁၉၅၀ ပြည့်လွန်အလယ်ပိုင်း ကာလများအထိ အသုံးပြုခဲ့သည်။

ခရိုင်စလာအဆောက်အအုံကြီးကို ခရိုင်စလာမော်တော်ကား ကုမ္ပဏီအတွက် ရည်ရွယ်ကာ ဒီဇိုင်းရေးဆွဲဆောက်လုပ်ခဲ့ခြင်း ဖြစ်သော်လည်း ဆောက်လုပ်မှုကုန်ကျစရိတ်ကို ကော်ပိုရေးရှင်းက ကျခံခဲ့ခြင်းမရှိသောကြောင့် ဝေါလ်တာ ခရိုင်စလာက ကိုယ်တိုင်ကျခံခဲ့ရာ နောင်အခါတွင် သူ၏ကလေးများက အမွေဆက်ခံပိုင်ဆိုင်လာခဲ့သည်။

ခရိုင်စလာမိသားစုက ၁၉၅၃ ခုနှစ်တွင် ပြန်လည်ရောင်းထုတ်လိုက်သော်လည်း အဆောက်အအုံကြီးမှာ ၎င်းတို့၏ အမည်ခေါ်တွင်လျက်ရှိနေဆဲဖြစ်သည်။

လက်ရှိပိုင်ရှင်များမှာ Tishman Speyer Properties နှင့် အရှေ့အလယ်ပိုင်းမှ အဘူဒါဘီ ရင်းနှီးမြှုပ်နှံမှု ကောင်စီတို့က ပိုင်ဆိုင်ထားခြင်းဖြစ်သည်။

အဆောက်အအုံကြီးကို ရောင်းချပေးစေရန်အတွက် CBRE Group အိမ်ခြံမြေကုမ္ပဏီထံ အပ်နှံထားကြောင်း ဝေါစထရိဂျာနယ် သတင်းတစ်ရပ်တွင် ဖော်ပြသည်။

အဘူဒါဘီအစိုးရက ခရိုင်စလာ၏ ရှယ်ယာအများစုကို ၂၀၀၈ ခုနှစ်တွင် ကန်ဒေါ်လာ သန်း ၈၀၀ ဖြင့် ဝယ်ယူခဲ့ခြင်းဖြစ်ပြီး အိမ်ခြံမြေဈေးကွက် ကျွမ်းကျင်ပုဂ္ဂိုလ်များက ပြောကြားရာတွင်မူ ထိုငွေပမာဏ ပြန်လည်ရရှိရန်မှာ ခက်ခဲလိမ့်မည်ဖြစ်ကြောင်း ခန့်မှန်းကြသည်။

ခရိုင်စလာ အဆောက်အအုံကြီးသည် ပြုပြင်မွမ်းမံမှုများစွာပြုလုပ်ရန် လိုအပ်နေရာ နှစ်ပေါင်း ၉၀ နီးပါးသက်တမ်းရှိ အဆောက်အအုံကြီးကို မွမ်းမံရမည်မှာ စိန်ခေါ်မှုတစ်ရပ်လည်း ဖြစ်သည်။

ထို့အပြင် အဆောက်အအုံတည်ရှိရာ မြေနေရာ၏ ငှားရမ်းခမှာလည်း တစထက်တစမြင့်တက်လာနေသည်။

အဆိုပါနေရာကို Cooper Union ပုဂ္ဂလိက ကောလိပ်ကျောင်းမှ ပိုင်ဆိုင်ထားခြင်းဖြစ်ပြီး လွန်ခဲ့သော ၂၀၁၇ ခုနှစ်အတွင်း ခရိုင်စလာ အဆောက်အအုံပိုင်ရှင်များက မြေငှားရမ်းခအဖြစ် ကန်ဒေါ်လာ ၇ ဒသမ ၇၅ သန်း ပေးခဲ့ရသည်ဟု ဆိုသည်။

၂၀၁၈ တွင် နှစ်စဉ်မြေငှားရမ်းခမှာ ကန်ဒေါ်လာ ၃၂ ဒသမ ၅ သန်းသို့ ခုန်တက်သွားခဲ့ပြီး ၂၀၂၈ ခုနှစ်တွင် ကန်ဒေါ်လာ ၄၁ သန်းသို့ ရောက်ရှိဖွယ်ရှိသည်ဟု ခန့်မှန်းထားသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)