မြိတ်တောင်ရပ်ကွက်တွင် မြေဂရန် ပြုလုပ်ပေးမည်

တနင်္သာရီတိုင်း၊ မြိတ်မြို့၊ မြိတ်တောင်ရပ်ကွက်အတွင်း နေထိုင်သူများအား ယခုလမှ စတင်၍ မြေဂရန် ပြုလုပ်ပေးမည်ဖြစ်ကြောင်း သက်ဆိုင်ရာဌာနများထံမှ သိရသည်။

၂၀၁၈ ခုနှစ်၊ ဒီဇင်ဘာလ ၂၇ ရက်က တနင်္သာရီတိုင်းအစိုးရအဖွဲ့ဝန်ကြီးချုပ် အပါအဝင် တိုင်းအစိုးရအဖွဲ့နှင့် ပြည်သူလူထု မြိတ်မြို့ရှိ ပုလဲရတနာခန်းမ၌ တွေ့ဆုံစဉ် မြေဂရန်မရရှိသေးကြောင်း ပြည်သူတစ်ဦးမှ တင်ပြတောင်းဆိုခဲ့ခြင်းအပေါ် ဝန်ကြီးချုပ်က အမြန်ပြုလုပ်ပေးရန် ညွန်ကြားခဲ့ပြီးနောက် ယင်းသို့ စီစဉ်လာခြင်းဖြစ်သည်။

မြေဂရန်ပြုလုပ်ပေးရန်အတွက် လက်ရှိအချိန်၌ ဂရန်မရရှိသေးသည့် နေအိမ်များ၏ စာရင်းများကို ပြုစုနေပြီး စာရင်းများပြုစုပြီးပါက မြို့နယ်အထွေထွေ အုပ်ချုပ်ရေးဦးစီးဌာနသို့ အမြန်ဆုံးတင်ပြ သွားမည်ဖြစ်ကြောင်း မြိတ်မြို့နယ် လယ်ယာမြေစီမံခန့်ခွဲရေးနှင့်စာရင်းအင်းဦးစီးဌာန ဦးစီးမှူး ဦးအောင်ဗိုလ်ဝင်းက ပြောသည်။

“မြေပေးမိန့် (မြေချလက်မှတ်) ရှိသူတွေက ဂရန်ကိုအမြန်ဆုံးရနိုင်တယ်”ဟု ၎င်းက ပြောသည်။

မြေဂရန်လျှောက်ရာ၌ လျှောက်ထားသူ၏ လက်ဝယ်တွင် မြေပေးမိန့် ပျောက်သွားခြင်း၊ ပျက်စီးသွားခြင်းမျိုးရှိပါက မြေပေးမိန့် (မြေချလက်မှတ်) အသစ်ပြန်လည်လျှောက်ထားရမည်ဖြစ်ပြီး အိမ် သို့မဟုတ် အဆောက်အအုံ တစ်စုံတစ်ရာ မဆောက်လုပ်ထားသူများအား ဂရန်ထုတ်ပေးမည်မဟုတ်ကြောင်း ဦးအောင်ဗိုလ်ဝင်းက ဆိုသည်။

မြိတ်တွင် မြို့ပေါ်ရပ်ကွက်အများစုတွင် နေထိုင်သူများမှာ မြေဂရန်ရှိသူများ ဖြစ်ကြသည့်အတွက် မြေဂရန် မရှိသူများသည့် မြိတ်တောင်ရပ်ကွက်ကို ဦးစားပေး ပြုလုပ်ပေးခြင်းဖြစ်ကြောင်း ၎င်းက ဆိုသည်။

မြိတ်တောင်ရပ်ကွက်တွင် နှစ် ၃၀ မြေဂရန်မရသေးသည့် ကွင်းပေါင်း ၈ ခု ရှိပြီး ၎င်းတို့အနက် ကွင်း ၅ ခုကို ဦးစားပေး ပြုလုပ်ပေးမည်ဖြစ်ကြောင်း ၎င်းက ဆိုသည်။

ဦးစားပေးပြုလုပ်မည့် ကွင်း ၅ ကွင်းသည် မြေယာအထောက်အထားခိုင်မာမှုရှိပြီး ကျန် ၃ ကွင်းမှာ ပြန်လည်တိုင်းတာရမည့် မြေဖြစ်ကြောင်း ဦးအောင်ဗိုလ်ဝင်းက ဆိုသည်။

အထောက်အထားခိုင်မာမှုများ အပေါ်မူတည်၍ မြေဂရန်ပြုလုပ်ပေးသည့် လုပ်ငန်းမှာ အများဆုံး နှစ်နှစ်ခန့်အထိ ကြာမြင့်နိုင်ကြောင်း ၎င်းက ပြောသည်။

မြေဂရန်ပြုလုပ်ပေးမည့်ကိစ္စနှင့် ပတ်သက်ပြီး မြို့နယ်လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာနက တင်ပြလာသည့်အပေါ် သက်ဆိုင်ရာဌာနများနှင့် အစည်းအဝေးခေါ်ယူ၍ ဆောင်ရွက်သွားမည်ဖြစ်ကြောင်း မြိတ်မြို့နယ်၊ အထွေထွေ အုပ်ချုပ်ရေးမှူး ဦးဝင်းသူအောင်က ပြောသည်။

မြိတ်တောင်ရပ်ကွက်တွင် အိမ်ခြေ ၆၀၂၈ အိမ်ရှိပြီး အိမ်ခြေ ၂၃၀၀ ခန့်မှာ နှစ် ၃၀ မြေဂရန် လက်ဝယ်ရှိပြီး အိမ်ခြေ ၃၇၀၀ ကျော်မှာ မြေပုံကြမ်းကိုင်၍ နေထိုင်နေကြကြောင်း မြိတ်တောင်ရပ်ကွက် အုပ်ချုပ်ရေးမှူးထံမှ သိရသည်။

“နိုင်ငံ့အခွန်လည်းရ ပြည်သူတွေလည်း စိတ်ချမ်းသာမယ့် နှစ် ၃၀ ဂရန် ပြုလုပ်ပေးမယ်ဆိုရင် ရပ်ကွက်နေပြည်သူတွေ ဝမ်းသာကြမှာပါ”ဟု မြိတ်တောင် ရပ်ကွက်နေ ဒေါ်မာမာလွင်က ပြောသည်။

မြိတ်တောင်ရပ်ကွက် ရပ်ကွက်ခွဲ ပေါင်း ၂၀ ခန့် ရှိကြောင်း မြိတ်တောင်ရပ်ကွက် အုပ်ချုပ်ရေးမှူးရုံးထံမှသိရသည်။

Credit: The Voice