သိန်းနှစ်ရာဝန်းကျင်မျှတိုက်ခန်းအရောင်းအ၀ယ်ရှိနေသည့် ရန်ကုန်အိမ်ခြံမြေဈေးကွက်

မြို့တွင်းဆက်စပ်မြို့နယ်နှင့်ဆင်ခြေဖုံးမြို့နယ်များတွင် ကျပ်သိန်းထောင်ကျော်သည့် အိမ်ခြံမြေတိုက်ခန်းများအရောင်းအဝယ်မရှိဘဲ ကျပ်သိန်းနှစ်ရာဝန်းကျင်အိမ်ခြံမြေတိုက်ခန်းများသာ အရောင်းအ၀ယ်ရှိကြောင်း အိမ်ခြံမြေဈေးကွက်ကျွမ်းကျင်သူများထံမှသိရသည်။

ဝါဝင်ကာလကတွင်အိမ်ခြံမြေတိုက်ခန်းများအား ကာလပေါက်ဈေးထက် ထက်ဝက်ခန့်လျှော့ကာ ရောင်းချနေသော်လည်း ၀ယ်ယူသူလုံးဝမရှိဘဲ ယခုလစတင်ကာ သာကေတ၊ဒေါပုံ၊ဒဂုံမြို့သစ် တောင်ပိုင်း၊ ဒလ၊ သင်္ယန်းကျွန်း၊လှိုင်၊မရမ်းကုန်း၊အင်းစိန်၊စသည့် မြို့နယ်များတွင် ကျပ်သိန်းနှစ်ရာမှ ကျပ်သိန်းလေးရာဝန်းကျင် အိမ်ခြံမြေ၊တိုက်ခန်းများ အရောင်းအ၀ယ်ရှိလာကြောင်း ယင်းမြို့နယ်ရှိ အိမ်ခြံမြေအကျိုးဆောင်လုပ်ငန်းများထံမှ သိရှိရသည်။

“ အခုတလောမှာတော့ ဒလအိမ်ခြံမြေဈေးကွက်ကတံတားလဲဒီဇင်ဘာ(၁)ရက်နေ့ ပန္နရိုက်မယ်ဆိုတော့ ပြီးခဲ့တဲ့လတွေကထက်ဆိုရင် မဆိုးဘူးပြောရမယ်။အရောင်းကတော့ ထောင်ဂဏန်းတွေတော့ မလှုပ်သေးဘူး။ သိန်း ၂၀၀၊၃၀၀၊၅၀၀တန်လောက်ကအရောင်းအဝယ်ဖြစ်နေတယ်။အငှားကတော့ တစ်သိန်းဝန်းကျင်တွေ ငှားတာများတယ် ” ဒလအိမ်ခြံမြေ မှ မန်နေဂျင်းဒါရိုက်တာ ကိုဇော်ကဆိုသည်။

ယခုလက်ရှိတွင် ၀ါကျွတ်ကာလဖြစ်သောကြောင့် အိမ်ခြံမြေ၊တိုက်ခန်းများကို အမှန်တကယ်ဝယ်ယူနေထိုင်လိုသူများ၊စီးပွားရေးလုပ်ငန်းလုပ်ကိုင်ရန် နေရာလိုအပ်နေသူများနှင့် စီးပွားရေးလုပ်ငန်းရှင်အချို့က ၀ယ်ယူမှုများရှိလာကြောင်း အိမ်ခြံမြေဈေးကွက်မှ စုံစမ်းသိရှိရသည်။

မင်းချို ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။ Credit: iMyanmarHouse.com