အစိုးရပိုင်အဆောက်အအုံ၊တိုက်ခန်းနှင့်မြေကွက်စုစုပေါင်း (၁၈)ခုတင်ဒါစနစ်ဖြင့် ရောင်းချမည်

အစိုးရပိုင်မြေ အဆောက်အအုံ၊ တိုက်ခန်းနှင့် မြေကွက်စုစုပေါင်း (၁၈) ခုကို ပုဂ္ဂလိက သို့တင်ဒါစနစ်ဖြင့် ရောင်းချမည်ဖြစ်ကြောင်း ပုဂ္ဂလိကပိုင်ပြုလုပ်ရေးကော်မရှင်ရုံးမှသိရသည်။

၎င်းအဆောက်အအုံများတိုက်ခန်းများနှင့်မြေကွက် ၁၈ ခုသည် ကချင်၊ ကရင်၊ ရှမ်း၊ မန္တလေးနှင့် ရန်ကုန်တို့တွင် တည်ရှိပြီး အိတ်ဖွင့်တင်ဒါ စနစ်ဖြင့်ရောင်းချသွားမည်ဖြစ်သည်။

ဝယ်ယူလိုသူများအနေဖြင့် မြေနှင့်အဆောက်အအုံတစ်ခုချင်း တင်ဒါတင်သွင်းရမည်ဖြစ်ပြီး ဒီဇင်ဘာ ၁၂ ရက်နေ့အပြီးတည်သွင်းရမည်ဖြစ်သည်။

ဝယ်ယူလိုသူများသည် မြေ နှင့်အဆောက်အအုံ၊ တိုက်ခန်းနှင့် မြေကွက်များကို သွားရောက် ကြည့်ရှုနိုင်ပြီး တင်ဒါတင်သွင်းရာတွင်လည်းသွားရောက်ကြည့်ရှုထားကြောင်း ဝန်ခံချက်တင်ပြရ မည်ဟုဆိုထားသည်။

အဆိုပါအဆောက်အအုံနှင့် မြေကွက် ၁၈ ခုတွင် ရှမ်းပြည်နယ်၊ တာချီလိတ်ရှိ မြေကွက်နှင့်အဆောက်အအုံရှစ်ခု၊ နမ့်ခမ်းမြို့ ရှိ နှစ်ခုတို့ပါဝင်သည်။ ရန်ကုန်တိုင်းတွင် ဂိုဒေါင်နှင့်တိုက်ခန်း တစ်ခုစီ၊ မန္တလေးတိုင်းတွင် မြေကွက်နှစ်ကွက်၊ ကရင်ပြည်နယ်တွင် မြေကွက်တစ်ကွက်နှင့် ကချင်ပြည်နယ်တွင် မြေကွက်နှင့် အဆောက်အအုံနှစ်ခုတို့ ဖြစ်သည်။

မင်းချို ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။ Credit: iMyanmarHouse.com