ဆော်ဒီအာရေးဘီးယားထံ ဆင်းရဲသည့်နိုင်ငံများမှ တင်ရှိနေသော အကြွေး ကန်ဒေါ်လာ ၆ ဘီလီယံကို လျှော်ပစ်မည်

ဆင်းရဲသည့်နိုင်ငံများက ပေးဆပ်ရန်ရှိနေသော အကြွေးကန်ဒေါ်လာ ၆ ဘီလီယံကို လျှော်ပစ်မည်ဖြစ်ကြောင်း ဆော်ဒီအာရေးဘီးယား အစိုးရက ထုတ်ပြန်ကြေညာလိုက်သည်။

အဆိုပါငွေပမာဏသည် အမျိုးသားဝင်ငွေ၏ ၁ ဒသမ ၉ ရာခိုင်နှုန်းခန့်ရှိသည့်ပမာဏဖြစ်သည်။

ဆော်ဒီအစိုးရက အကြွေးလျှော်ပေးမည့် အစီအစဉ်တွင် မည်သည့်နိုင်ငံများ ပါဝင်သည်ကိုမူ မသိရသေးချေ။

အဆိုပါ ဆုံးဖြတ်ချက်ကို ဆော်ဒီအာရေးဘီးယားအစိုးရ၏ အစည်းအဝေးတွင် ဆုံးဖြတ်ချက်ချခဲ့ခြင်း ဖြစ်သည်။

ကုလသမဂ္ဂဆိုင်ရာ ဆော်ဒီ၏ အမြဲတမ်းကိုယ်စားလှယ်အဖွဲ့ ဒုတိယကော်မတီမှ ဥက္ကဌ မိုဟာမက် ဘင် အဗ္ဗဒူရာမန် အယ်လ် ကာဒီက ပြောကြားရာတွင် ယခုအစီအစဉ်သည် ကုလသမဂ္ဂ၏ ၂၀၃၀ ပြည့်နှစ် စဉ်ဆက်မပြတ်ဖွံ့ဖြိုးရေးစီမံကိန်းကို အထောက်အကူပြုရန် ရည်ရွယ်ခြင်းဖြစ်ကြောင်း ပြောကြားသည်။

ဆော်ဒီ၏ နိုင်ငံပိုင်သတင်းအေဂျင်စီဖြစ်သော Saudi Press Agency (SPA) ၏ ဖော်ပြချက်အရ ဆော်ဒီအာရေးဘီးယားသည် ကမ္ဘာပေါ်တွင် ငွေကြေးအများပြားဆုံး ထောက်ပံ့ကူညီလျက်ရှိသော နိုင်ငံများတွင် အပါအဝင်ဖြစ်ပြီး အမျိုးသားဝင်ငွေ၏ ၁ ဒသမ ၉ ရာခိုင်နှုန်းကို ထောက်ပံ့ပေးလျက်ရှိခြင်းဖြစ်ပြီး ကုလသမဂ္ဂ၏ ရည်မှန်းချက်ဖြစ်သော ၀ ဒသမ ၇ ရာခိုင်နှုန်းထက် များစွာကျော်လွန်လျက်ရှိကြောင်း ဖော်ပြသည်။

လွန်ခဲ့သော ဆယ်စုနှစ် ၃ ခုအတွင်း နိုင်ငံတကာ အကူအညီပေးရေးနှင့် လူသားချင်းစာနာမှုဆိုင်ရာ အစီအစဉ်များသို့ ဆော်ဒီ၏ ထောက်ပံ့ခဲ့မှုမှာ ကန်ဒေါ်လာ ၁၀၀ ဘီလီယံကျော်ရှိခဲ့သည်ဟု ဆိုသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)