ဘရုစ်ဝီလီက အိုင်ဒါဟိုပြည်နယ်ရှိ ဧက ၂၀ ကျယ်ဝန်းသော စံအိမ်ကို ကန်ဒေါ်လာ ၅ သန်းကျော်ဖြင့် ရောင်းချ

ကမ္ဘာကျော် အက်ရှင်သရုပ်ဆောင် ဘရုစ်ဝီလီ၏ အမည်အပြည့်အစုံမှာ ဝေါလ်တာ ဘရုစ် ဝီလီဖြစ်ပြီး ၁၉၅၅ ခုနှစ်၊ မတ်လ ၊ ၁၉ ရက်တွင် အနောက်ဂျာမနီ (ယခင်က ဂျာမနီနိုင်ငံ ၂ ခြမ်းကွဲနေခဲ့သည်) တွင် မွေးဖွားခဲ့သည်။

ဖခင် ဒေးဗစ်ဝီလီမှာ အမေရိကန်စစ်သည်တစ်ဦးဖြစ်ပြီး မိခင် မာလင်းမှာ ဂျာမနီနိုင်ငံသူတစ်ဦး ဖြစ်သည်။

ဘရုစ်ဝီလီသည် အက်ရှင်သူရဲကောင်းတစ်ဦးအဖြစ် တင်စားခံရပြီး ရုပ်ရှင်ဇာတ်ကားပေါင်း ၇၀ ကျော်တွင် ပါဝင်သရုပ်ဆောင်ခဲ့သည်။

ထင်ရှားသော ဇာတ်ကားအချို့မှာ Armageddon (၁၉၉၈), The Sixth Sense (၁၉၉၉),Sin City (၂၀၀၅) နှင့် The Expendables 2 (၂၀၁၂ ) တို့ ဘရုစ်ဝီလီက အိုင်ဒါဟိုပြည်နယ်ရှိ ဧက ၂၀ ကျယ်ဝန်းသော စံအိမ်ကို ကန်ဒေါ်လာ ၅ သန်းကျော်ဖြင့် ရောင်းချဖြစ်ကြသည်။

ကမ္ဘာကျော် Ghost ကားမှ မင်းသမီး ဒီမီမိုးရ်သည် ဘရုစ်ဝီလီ၏ ဇနီးဟောင်း ဖြစ်၏။ ယခုအခါ ဘရုစ်ဝီလီက အိုင်ဒါဟိုပြည်နယ်၊ ဟိုင်လေမြို့ရှိ နေအိမ်ကို ကန်ဒေါ်လာ ၅ ဒသမ ၅ သန်းဖြင့် ရောင်းချလိုက်ရာ အဆိုပါမြို့တွင် စံချိန်တင် ဈေးနှုန်းလည်း ဖြစ်သည်။

ဧက ၂၀ အကျယ်အဝန်းရှိပြီး ရေကန်ကြီးကမ်းစပ်ဘေးတွင် တည်ရှိကာ အရောင်းဈေးကွက်တင်ထားခဲ့သည်မှာ ၇ နှစ်ကြာမြင့်ခဲ့ပြီးမှ ရောင်းထွက်ခဲ့ခြင်း ဖြစ်သည်။

ယင်းနောက်ပိုင်း ၂၀၁၆ ခုနှစ်အတွင်း ဈေးကွက်ပြန်တင်ခဲ့ရာတွင်မူ Engel & Völkers Sun Valley နှင့် Keller Williams အိမ်ခြံမြေကုမ္ပဏီ ၂ ခုမှတစ်ဆင့် ကန်ဒေါ်လာ ၁၅ သန်းဖြင့်ပင် တပြိုင်တည်း ဈေးကွက်တင်ခဲ့သည်။

အပြီးသတ် အရောင်းအဝယ်ဖြစ်သွားသော ဈေးနှုန်းမှာ ဈေးကွက်တင်ခဲ့ဈေးက ခေါ်ဈေး၏ အစွန်းထွက်သာရှိသော်လည်း ဈေးကွက်တင်ခဲ့သည့် ဈေးနှုန်းမှာမူ ဟိုင်လေတွင် ဈေးအကြီးဆုံးခေါ်ဈေးဖြစ်ခဲ့သည်။

အရောင်းဈေးကွက်တင်ခဲ့သည်မှာ Engel & Völkers Sun Valley မှ အိမ်ခြံမြေအကျိုးဆောင် ထရာဗစ် ဂျုန်းစ် ဖြစ်သည်။

စတုရန်းပေ ၈၄၀၀ ကျယ်ဝန်းသော စံအိမ်ကြီးကို ဘရုစ်ဝီလီက ရာနှုန်းပြည့် ပြန်လည်မွမ်းမံဆောက်လုပ်မှုများ ၂၀၀၃ ခုနှစ်အတွင်း ပြုလုပ်ခဲ့သည်။

လက်ရှိအချိန်တွင် အိပ်ခန်း ၆ ခန်း၊ ဧည့်ဂေဟာအိမ်တစ်လုံးနှင့် အားကစားလေ့ကျင့်ရေးခန်းမတို့ ပါဝင်သည်။

ဘရုစ်ဝီလီက စံအိမ်ဝန်းကြီးအတွင်း စမ်းချောင်းငယ်များ၊ ရေကန်များစွာ ဖြည့်သွင်းမွမ်းမံခဲ့သည်။

အပူပေးရေကန်ကြီးတွင် ရေလွှာလျှောများ၊ ရေတံခွန်များ ပါဝင်သည်။ ဘရုစ်ဝီလီသည် ယခင်ကလည်း ၎င်းပိုင်ဆိုင်သော အိမ်ခြံမြေများကို အရောင်းအဝယ်လုပ်ခဲ့ဖူးရာ အဆိုပါသတင်းများကို iMyanmarHouse.com ဝက်ဘ်ဆိုက်ကြီးတွင် တင်ပြခဲ့ပြီးဖြစ်ပါသည်။ ပြန်လည်ဖတ်ရှုလိုပါက

(၁) https://www.imyanmarhouse.com/news/read/702372 (၂) https://www.imyanmarhouse.com/news/read/705498 အင်တာနက်လင့်ခ်များတွင် ပြန်လည်ဖတ်ရှုနိုင်ပါသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)