တိုက်တန်းနစ်သင်္ဘောကြီး၏ လက်မှတ်များ ရောင်းချပေးခဲ့ဖူးသည့် အဆောက်အအုံကြီးရှိ လူနေခန်းတစ်ခန်း ပေါင် ၁၀ သန်းကျော်ဖြင့် အရောင်းဈေးကွက်ဝင်လာ

တိုက်တန်းနစ်သင်္ဘောကြီး၏ လက်မှတ်များ ရောင်းချပေးခဲ့ဖူးသည့် အဆောက်အအုံကြီးရှိ လူနေခန်းတစ်ခန်း ပေါင် ၁၀ သန်းကျော်ဖြင့် အရောင်းဈေးကွက်ဝင်လာသည်။

အဆောက်အအုံတည်နေရာမှာ အင်္ဂလန်နိုင်ငံ၊ လန်ဒန်မြို့တွင်ဖြစ်ပြီး ယခုရောင်းချမည့်အခန်းတွင် အိပ်ခန်း ၃ ခန်းပါဝင်ကာ အကျယ်အဝန်းအားဖြင့် စတုရန်းပေ ၃၅၀၀ ကျော် ကျယ်ဝန်းသည်။

Oceanic House ဟုအမည်ရှိသော အဆောက်အအုံကြီးသည် RMS Titanic သင်္ဘောကြီး၏ ပထမဆုံးခရီးစဉ်အတွက် လက်မှတ်များ ရောင်းချပေးခဲ့သည့်ရုံးစိုက်ခဲ့ရာ ဖြစ်သည်။

ကွပ်ခ်စပါးလမ်းပေါ်တွင် တည်ရှိပြီး ၁၉၀၇ ခုနှစ်တွင် ဆောက်လုပ်ခဲ့ခြင်းဖြစ်ကာ ဗြိတိသျှသင်္ဘောကုမ္ပဏီ White Star Line ၏ ရုံးချုပ်စိုက်ရာဖြစ်ခဲ့သည်။

ယင်းကုမ္ပဏီမှ ပြေးဆွဲသော တိုက်တန်းနစ်သင်္ဘောကြီးသည် ၁၉၁၂ ခုနှစ်တွင် ပထမဆုံးခရီးစဉ်ထွက်ခဲ့စဉ်တွင်ပင် နစ်မြုပ်သွားခဲ့သည်။

Oceanic House အဆောက်အအုံကြီးကို အင်္ဂလန် developer များဖြစ်သော Oceanic Property Holdings Ltd နှင့် Misland Capital Ltd တို့က မွမ်းမံထိန်းသိမ်းခဲ့ခြင်း ဖြစ်သည်။

အဆောက်အအုံကြီး၏ မြင့်မိုရ်ပိတ်အမိုးခုံးနှင့် ပင်မဝင်ပေါက်ရှိ လက်ရန်းပွတ်လုံးများကို ပြန်လည်မွမ်းမံခဲ့ခြင်း ဖြစ်သည်။

အတွင်းပိုင်းကိုမူ ရာနှုန်းပြည့်မွမ်းမံမှုများပြုလုပ်ခဲ့ပြီး လူနေခန်း ၆ ခန်းနှင့် duplex penthouse ခန်းတစ်ခန်းအဖြစ် ပြန်လည်ဖွဲ့စည်း ခဲ့သည်။

အိပ်ခန်း ၃ ခန်းပါ ယခုအခန်းကို ပြီးခဲ့သောစက်တင်ဘာလအတွင်းက စတင်ဈေးကွက်တင်ခဲ့ခြင်းဖြစ်ကြောင်း ဗြိတိန်အိမ်ခြံမြေ ဝက်ဘ်ဆိုက်တစ်ခုဖြစ်သော Rightmove တွင် ဖော်ပြသည်။

အကျယ်အဝန်း ၃၅၈၈ စတုရန်းပေရှိပြီး ကြမ်းပြင်အောက်အပူပေးစနစ်၊ ငါးရိုးသဏ္ဍာန်ပုံဖော်ကြမ်းခင်း၊ နံနက်စာစားခန်း၊ ညစာစားခန်းတို့ ပါဝင်သည်။

Master Bedroom တွင် ရေချိုးခန်း ၂ ခန်း၊ နံရံမြှုပ်ဗီရိုများ ပါဝင်သည့် အဝတ်အစားထားသိုခန်း ၂ ခန်းတို့ ပါဝင်ကြောင်း Strutt & Parker အိမ်ခြံမြေကုမ္ပဏီ၏ ကြော်ငြာတွင် ဖော်ပြသည်။

တိုက်တန်းနစ်သင်္ဘောကြီးသည် အင်္ဂလန်နိုင်ငံ၊ ဆောက်သမ်တန်မှ အမေရိကန်ပြည်ထောင်စု၊ နယူးယောက်မြို့သို့ ဦးတည်ကာ ၁၉၁၂ ခုနှစ်၊ ဧပြီလ ၁၅ ရက်တွင် စတင်ထွက်ခွာခဲ့ပြီး ခရီးသည်နှင့် သင်္ဘောဝန်ထမ်းပေါင်း ၁၅၀၀ ကျော်သေဆုံးခဲ့ရသည်။

White Star Line သည် ၁၉၂၉ ခုနှစ်အထိ ရုံးဖွင့်ခဲ့ပြီးနောက်ပိုင်းတွင် ဘာကလေဘဏ်၏ လန်ဒန်ရုံးဖြစ်လာကာ တဖန် ကာကွယ်ရေးဝန်ကြီးဌာနရုံးဖြစ်လာခဲ့ပြန်သည်။

၁၉၉၀ ပြည့်လွန်ကာလများတွင်ကား Texas Embassy အမည်ဖြင့် စားသောက်ဆိုင်ဖွင့်လှစ်ခဲ့ရာ ၂၀၁၂ ခုနှစ်အထိ ဖြစ်သည်။

ခေါ်ဈေး- ပေါင် ၁၀ ဒသမ ၅ သန်း (ကန်ဒေါ်လာ ၁၃ ဒသမ ၈၄ သန်း)

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)