ရန်ကုန်မြို့အပြင်ပတ်လမ်းစီမံကိန်း အကောင်အထည်ဖော်ရန် စီစဉ်

နိုင်ငံ၏စီးပွားရေးစင်္ကြံ လမ်းမကြီးတစ်ခုအဖြစ် ပေါ်ထွက် လာစေရန် ရန်ကုန်မိုးပျံအမြန် လမ်းအပြင် ရန်ကုန်မြို့တော်အပြင်ပတ်လမ်းစီမံကိန်းကိုပါ ဆက်လက်အကောင်အထည်ဖော်မည် ဟု ဆောက်လုပ်ရေးဝန်ကြီးဌာန က အောက်တိုဘာ ၁၇ ရက်တွင် သတင်းထုတ်ပြန်သည်။

ထိုသို့ အကောင်အထည် ဖော်ရန် အစိုးရ-ပုဂ္ဂလိကပူး ပေါင်းဆောင်ရွက်မည့် Public Private Partnership (PPP) စနစ်ဖြင့် အကောင်အထည်ဖော် ဆောင်ရွက်မည်ဟု ဝန်ကြီးဌာန က ဆိုသည်။

ပြည်ထောင်စုဝန်ကြီးလေးဦးနှင့် ရန်ကုန်တိုင်းဝန်ကြီးချုပ် ဦးဆောင်သည့် ရန်ကုန်မိုးပျံအ မြန်လမ်းနှင့် ရန်ကုန်မြို့တော်အပြင်ပတ်လမ်းစီမံကိန်းဦးဆောင်ကော်မတီက အောက်တိုဘာ ၁၅ ရက်တွင် ကျင်းပသည့်အစည်းအဝေး၌ ဆုံးဖြတ်ခဲ့ကြောင်း ဆောက်လုပ်ရေးဝန်ကြီးဌာနက ထုတ်ပြန် ထားသည်။

ကော်မတီတွင် ပါဝင်သည့် ပြည်ထောင်စုဝန်ကြီးများသည် ဆောက်လုပ်ရေးဝန်ကြီး ဦးဟန်ဇော်၊ ပို့ဆောင်ရေးနှင့်ဆက်သွယ်ရေးဝန်ကြီး ဦးသန့်စင်မောင်၊ လျှပ်စစ်နှင့် စွမ်းအင်ဝန်ကြီး ဦးဝင်းခိုင်၊ စက်မှုဝန်ကြီးဦးခင်မောင်ချိုတို့ ဖြစ်သည်။

ရန်ကုန်မိုးပျံအမြန်လမ်းသည် ရန်ကုန်မြို့တွင်းပတ်လမ်းဖြစ်ပြီး လက်ရှိ ယာဉ်ကြောပိတ် ဆို့သည့်ပြဿနာများ ဖြေရှင်းရန် နှင့် ရန်ကုန်မြို့တော် အပြင်ပတ်လမ်းစီမံကိန်းသည် အနာဂတ်ဖြစ် ပေါ်လာမည့် ပြဿနာများအတွက် ကြိုတင်ပြင်ဆင်ခြင်း ဖြစ်သည်ဟု ဆောက်လုပ်ရေးဝန်ကြီးဌာန ဒုတိ ယညွှန်ကြားရေးမှူးချုပ်က ပြော သည်။

‘‘ရန်ကုန်မိုးပျံအမြန်လမ်းကို တင်ဒါခေါ်ယူတဲ့ လုပ်ငန်းလုပ် ဆောင်နေတယ်။ အခု အရည်အ ချင်းစစ်ဖို့ ခေါ်ယူထားတယ်’’ဟု ၎င်းက ဆက်လက်ပြောသည်။

ထိုစီမံကိန်းများသည် ရန် ကုန်မြို့ပြဖွံ့ဖြိုးရေး၊ ပို့ဆောင် ဆက်သွယ်ရေးကဏ္ဍဖွံ့ဖြိုးတိုး တက်ရေး၊ ပင်လယ်ကူးသင်္ဘော ဆိပ်ကမ်းများ၊ ကုန်းတွင်းဆိပ် ကမ်း(Dry Ports)အခြေပြုမြို့သစ်များနှင့် သယ်ယူပို့ဆောင်ရေး လမ်းကြောင်းများ အဆင်ပြေစေရန်နှင့် နိုင်ငံ၏ စီးပွားရေးစင်္ကြံ လမ်းမကြီးတစ်ခုအဖြစ် ပေါ်ထွက်လာစေရန် ရည်ရွယ်ကြောင်း ဆောက်လုပ်ရေးဝန်ကြီးဌာနက သတင်းထုတ်ပြန်ထားသည်။

ရန်ကုန်မိုးပျံအမြန်လမ်းမ ကြီးစီမံကိန်းအပိုင်း(၁)အတွက် တည်ဆောက်လိုသည့်ကုမ္ပဏီ များကို ကြိုတင်အရည်အချင်းစစ် နိုင်ရန် ဆန်ခါတင်အရည်အသွေး ပြည့်မီမှု(RFQ)တင်ပြရန် ဆောက် လုပ်ရေးဝန်ကြီးဌာနက စက်တင် ဘာလဆန်းတွင် ဖိတ်ခေါ်ခဲ့သည်။ စိတ်ဝင်စားမှုရှိပါက အောက်တို ဘာလကုန်တွင် ပြန်လည်တင်ပြ ရန် ဖိတ်ခေါ်ခဲ့သည်။ ကုမ္ပဏီများ တောင်းဆိုမှုကြောင့် ထိုစီမံကိန်း အတွက် RFQ တင်ပြမှုကို ဝန်ကြီး ဌာနက ၁၄ ရက်နောက်ဆုတ်ပေး ခဲ့သည်။ လက်ရှိတွင် RFQ တင် ပြရန် လျှောက်လွှာဝယ်ယူထား သည့် ကုမ္ပဏီ ၃၂ ခုရှိသည်ဟု အထက်ပါဒုတိယညွှန်ကြားရေး မှူးချုပ်က ပြောသည်။

ကုမ္ပဏီများက တင်ပြရမည့် ကဏ္ဍသည် ဒီဇိုင်းကဏ္ဍ၊ အင်ဂျင် နီယာပိုင်းဆိုင်ရာကဏ္ဍ၊ ငွေကြေးဆိုင်ရာ ဘဏ္ဍာရေးကဏ္ဍ၊ ဆောက်လုပ်ရေးကဏ္ဍ၊ လုပ်ငန်းလည်ပတ်ခြင်းနှင့် ပြုပြင်ထိန်း သိမ်းမှုကဏ္ဍတို့ပါဝင်သည်။ အရည်အချင်းပြည့်မီသော တင်ဒါ အောင်မြင်သူများကိုသာ နောက် တစ်ဆင့်ဖြစ်သည့် စီမံကိန်းအဆို ပြုလွှာတင်သွင်းခွင့်ပြုမည်ဖြစ် သည်။

မိုးပျံအမြန်လမ်းမကြီးကို ရန်ကုန်မြို့တွင်း၊ ရန်ကုန်ဆိပ်ကမ်း၊ ရန်ကုန်အပြည်ပြည်ဆိုင်ရာ လေဆိပ်၊ မင်္ဂလာဒုံစက်မှုဇုန်နှင့် ရန်ကုန်-မန္တလေးအမြန်လမ်းများ သို့ လွယ်ကူစွာချိတ်ဆက်သွားလာ နိုင်ရန်ဖြစ်သည်ဟု ဝန်ကြီးဌာနက ဆိုသည်။

ယင်းစီမံကိန်းတည်ဆောက် ရန် မြန်မာအပါအဝင် ၁၂ နိုင်ငံမှ ကုမ္ပဏီ ၅၃ ခုက ပြီးခဲ့သည့်ဇွန်လ ၌ စိတ်ဝင်စားကြောင်း လျှောက် လွှာတင်ခဲ့သည်။ ပြည်တွင်းကုမ္ပ ဏီ ၁၆ ခု၊ တရုတ်ကုမ္ပဏီ ၁၃ ခု၊ ဂျပန်ကုမ္ပဏီခုနစ်ခု၊ ကိုရီးယား ကုမ္ပဏီလေးခု၊ အိန္ဒိယကုမ္ပဏီ သုံးခု၊ ထိုင်းကုမ္ပဏီနှစ်ခု၊ တူရကီ ကုမ္ပဏီနှစ်ခု၊ မြန်မာ-မလေးရှား ကုမ္ပဏီတစ်ခုနှင့် ပြင်သစ်၊ မလေးရှား၊ အင်ဒိုနီးရှား၊ ဖိလစ်ပိုင်၊ ဗီ ယက်နမ်ကုမ္ပဏီတစ်ခုစီတို့ လာ ရောက်လျှောက်ထားသည်ဟု ဝန်ကြီးဌာနက ထုတ်ပြန်သည်။

Credit: 7Daydaily