တူရကီဘီလျံနာကြီးက ဥရောပရှိ ဇိမ်ခံဟိုတယ်ကြီးများကို ရောင်းထုတ်ရန် စီစဉ်နေပြီး ဝယ်လက်ရှာဖွေလျက်ရှိ

တူရကီ ဘီလျံနာကြီး ဖီရစ် ဆာဟန့်ခ်၏ Dogus Holding AS ကုမ္ပဏီသည် Capri Palace ဟိုတယ်အပါအဝင် ဥရောပတောင်ပိုင်းတစ်ခွင်ရှိ ဇိမ်ခံဟိုတယ်ကြီးများအားလုံးကို ရောင်းထုတ်ရန် စီစဉ်နေပြီး ဝယ်လက်ရှာဖွေလျက်ရှိသည်။

Dogus Holding AS ကုမ္ပဏီသည် Zuma and Nusr-Et အပါအဝင် စားသောက်ဆိုင်အုပ်စုကြီးကိုလည်း ပိုင်ဆိုင်ထားသည်။

လက်ရှိအားဖြင့် Villa Dubrovnik နှင့် စပိန်နိုင်ငံ ၊ မက်ဒရစ်မြို့ရှိ Hotel Villa Magna ၊ အီတလီနိုင်ငံ ရောမမြို့ရှိ Aldrovandi Villa Borghese Hotel တို့ကို ရောင်းချရန် အလားအလာရှိသော ဝယ်လက်တို့နှင့် ဆွေးနွေးလျက်ရှိကြောင်း ထဲထဲဝင်ဝင် သိရှိထားသူတစ်ဦးက ပြောကြားသည်။

အဆိုပါဟိုတယ်များအနက် အချို့ကို မူလက ပိုင်ဆိုင်ခဲ့သည်မှာ ချမ်းသာကြွယ်ဝသည့် မိသားစုများက ပိုင်ဆိုင်ခဲ့ခြင်းဖြစ်ပြီး တစုတစည်းတည်း ရောင်းချသည်ထက် ဟိုတယ်တစ်လုံးချင်းသာ ရောင်းချသွားမည်ဖြစ်သည်ဟု ဆိုသည်။

ဟိုတယ်များကို ဝယ်ယူကြမည့် အလားအလာရှိသော ဝယ်လက်တို့မှာ ပေါ်တူဂီ၊ စပိန်၊ အီတလီ၊ အာရှနှင့် အရှေ့အလယ်ပိုင်းဒေသတို့မှ ဖြစ်သည်ဟု ဆိုသည်။

ထို့အပြင် တူရကီနိုင်ငံ၊ အစ္စတန်ဘူလ်မြို့တော်ရှိ Grand Hyatt ဟိုတယ်ရောင်းချရန်လည်း ဝယ်လက်ရှာဖွေလျက်ရှိနေသည်။

Dogus Holding AS ၏ ဟိုတယ်များသည် ချမ်းသာကြွယ်ဝသူများနှင့် အကျော်အမော်ပုဂ္ဂိုလ်တို့အကြား နာမည်ကျော်သည်။

အီတလီနိုင်ငံရှိ Capri Palace ဟိုတယ်တွင် အခန်းပေါင်း ၆၈ ခန်း ပါဝင်ပြီး ယခုလအတွင်း တစ်ညတည်းခိုနှုန်းပေါက်ဈေးမှာ ယူရိုငွေ ၈၁၆၃ (မြန်မာငွေ သိန်း ၁၅၀ ကျော်- ၂၀၁၈ ၊ အောက်တိုဘာ ၁၂ ရက်ငွေလဲနှုန်း ၁ ယူရိုလျှင် မြန်မာငွေ ၁၈၄၆ ကျပ်ဖြင့် တွက်ချက်ထားပါသည်) ခန့်အထိ ကျသင့်ခဲ့သည်။

မစ္စတာ ဆာဟန့်ခ်သည် တူရကီ၏ အချမ်းသာဆုံးပုဂ္ဂိုလ်တစ်ဦးဖြစ်ခဲ့ပြီး Turkiye Garanti Bankasi AS တွင် ၎င်းပိုင်ဆိုင်ထားသော ကန်ဒေါ်လာ ၅ ဒသမ ၅ ဘီလီယံတန်ကြေးရှိ ရှယ်ယာ ၃၁ ရာခိုင်နှုန်းကို ရောင်းထုတ်ခဲ့ပြီးနောက် တူရကီပြည်တွင်းနှင့် ပြည်ပတို့တွင် ဟိုတယ်များ၊ အပန်းဖြေစခန်းများ၊ စားသောက်ဆိုင်လုပ်ငန်းများတွင် အလုံးအရင်း ရင်းနှီးမြှုပ်နှံမှုများ ပြုလုပ်ခဲ့ခြင်း ဖြစ်သည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)