အိန္ဒိယမြို့များတွင် ကမ္ဘာ့အမြန်ဆုံးမြင့်တက်သော လူနေအိမ်ခြံမြေဈေးနှုန်းများ ရှိနေ

အိန္ဒိယ၏ လူနေအိမ်ခြံမြေဈေးနှုန်းများသည် ယခုနှစ် ဒုတိယသုံးလပတ်တွင် အလျင်အမြန် မြင့်တက်ခဲ့ကြောင်း ကမ္ဘာ့အိမ်ခြံမြေအတိုင်ပင်ခံကုမ္ပဏီ Knight Frank မှ ၎င်းဒုတိယသုံးလပတ်အတွက် ထုတ်ပြန်လိုက်သော ကမ္ဘာ့မြို့များ၏ လူနေအိမ်ခြံမြေညွှန်းကိန်းစာရင်းအရ သိရသည်။

စာရင်း၏ ထိပ်တန်းမြို့ ၁၀ မြို့တွင် အိန္ဒိယမြို့ ၃ မြို့ပါဝင်သည်။ ကမ္ဘာ့အမြန်ဆုံးနှုန်းဖြင့် အမီဒါဘတ်ရှိ ပျမ်းမျှလူနေအိမ်ခြံမြေဈေးနှုန်းသည် ပြီးခဲ့သည့်နှစ် ဇွန်လထက် ယခုနှစ် ဇွန်တွင် ၁၉ ဒသမ ၄ ရာခိုင်နှုန်း မြင့်တက်ခဲ့သည်။

ဟိုက်ဒရာဘတ်ရှိ လူနေအိမ်ခြံမြေဈေးနှုန်းများသည်လည်း ကမ္ဘာ့တတိယအမြန်ဆုံးနှုန်းအဖြစ် ၁၆ ရာခိုင်နှုန်း မြင့်တက်ခဲ့သည်။ ပူနေးမြို့တွင်လည်း ၁၃ ဒသမ ၅ ရာခိုင်နှုန်း မြင့်တက်ခဲ့သည်။

“အိန္ဒိယစီးပွားရေးဟာ ၂၀၁၈ ခုနှစ် ပထမသုံးလပတ်အထိ တစ်နှစ်တာအတွင်း ၈ ဒသမ ၂ ရာခိုင်နှုန်း မြင့်တက်ခဲ့ပါတယ်။ ဒါဟာ အိမ်ခြံမြေဝယ်လိုအားနဲ့ သုံးစွဲသူယုံကြည်မှု ကျယ်ပြန့်လာတာပါ” ဟု Knight Frank က တရားဝင်ထွက်ရှိထားသော စီးပွားရေးကိန်းဂဏန်းအချက်အလက်များကို ကိုးကား၍ အစီရင်ခံခဲ့သည်။

အမီဒါဘတ်နောက်မှ ကမ္ဘာ့ဒုတိယအမြန်ဆုံးနှုန်းအဖြစ် တူရကီနိုင်ငံ အစ္စမီးယားမြို့က ၁၆ ဒသမ ၂ မြင့်တက်နှုန်းဖြင့် မြင့်တက်ခဲ့သည်။ ယင်းကမ္ဘာ့မြင့်တက်မှုနှုန်းအမြန်ဆုံး ၁၀ မြို့တွင် ဟောင်ကောင်က မြင့်တက်နှုန်း ၁၅ ဒသမ ၁ ရာခိုင်နှုန်းဖြင့် အဆင့် ၆ နေရာတွင် ရပ်တည်ခဲ့ပြီး ဟိုဘာ့ထ်၊ ဘူဒါပတ်စ်၊ ရော်တာဒမ်၊ အမ်ဒတာဒမ်နှင့် ဗန်ကူးဗားတို့လည်း ပါဝင်ခဲ့သည်။

ကမ္ဘာတွင် အာရှက ပြီးခဲ့သည့်နှစ်ဇွန်မှ ယခုနှစ်ဇွန်အထိ တစ်နှစ်တာအတွင်း မြင့်တက်နှုန်း ၅ ဒသမ ၁ ရာခိုင်နှုန်းဖြင့် ပျမ်းမျှလူနေအိမ်ခြံမြေဈေးနှုန်းအမြင့်တက်ဆုံးဒေသဖြစ်ခဲ့သည်။ မြောက်အမေရိကနှင့် ၀ ဒသမ ၁ ရာခိုင်နှုန်းသာ ကွာဟခဲ့သည်။

Knight Frank က ကမ္ဘာ့မြို့ပေါင်း ၁၅၀ ကို စောင့်ကြည့်လေ့လာကာ အဆိုပါစာရင်းကို ထုတ်ပြန်ခဲ့ခြင်းဖြစ်သည်။ ထိုမြို့များအနက် ၁၂၃ မြို့တွင် လူနေအိမ်ခြံမြေဈေးနှုန်းများ မြင့်တက်ခဲ့ကြောင်း သိရသည်။

ခင်အေးချမ်း ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။ Credit: iMyanmarHouse.com