ဗီယက်နမ်အိမ်ခြံမြေဈေးကွက်သည် နိုင်ငံခြားရင်းနှီးမြှုပ်နှံသူတို့အတွက် ရွှေတွင်းဖြစ်လာလျက်ရှိ

ဗီယက်နမ်အိမ်ခြံမြေဈေးကွက်သည် နိုင်ငံခြားရင်းနှီးမြှုပ်နှံသူတို့အတွက် ရွှေတွင်းဖြစ်လာလျက်ရှိကြောင်း ဟနွိုင်းအခြေစိုက် သတင်းဝက်ဘ်ဆိုက်တစ်ခုတွင် ဖော်ပြသည်။

ပြီးခဲ့သော ဇူလိုင်လကုန်တွင် နိုင်ငံခြားသား ၁၀၀ ရာခိုင်နှုန်းပိုင်ဆိုင်သည့် အိမ်ခြံမြေ developer ဖြစ်သော Alpha King သည် ဟိုချီမင်းမြို့တော် ခရိုင်အမှတ် ၁ တွင် အိမ်ခြံမြေဆောက်လုပ်ရေးစီမံကိန်း ၃ ခု မိတ်ဆက်ခဲ့သည်။

အဆိုပါစီမံကိန်းများမှာ တုံ ဒပ်ခ် သန်လမ်း၊ အမှတ် ၂ တွင် အဆင့်မြင့် အသင့်နေလူနေခန်းများစီမံကိန်း၊ ထရန်ဟောင်ဒေါင်လမ်း-အမှတ် ၂၈၉ တွင် A-class ရုံးခန်းအဆောက်အအုံစီမံကိန်းနှင့် ကောင်းကွမ်လမ်း-အမှတ် ၈၇ တွင် Alpha City ကွန်ပလက်စ်စီမံကိန်းတို့ ဖြစ်ကြသည်။

Alpha King ၏ အမှုဆောင်အရာရှိချုပ် ဂျင်မီချန်းက ပြောကြားရာတွင် ယင်းစီမံကိန်းများကို အပြီးသတ်ဆောက်လုပ်ရန် ၂ နှစ်မှ ၃ နှစ်ခန့် အချိန်ယူရမည်ဖြစ်ကြောင်း ပြောကြားသည်။

ဂျပန်ကုမ္ပဏီ ဟီနိုကီယာကလည်း ဗီယက်နမ်မှ TWG နှင့် လက်တွဲကာ ဗီယက်နမ်တွင် ပထမဆုံးဆောက်လုပ်ရေးစီမံကိန်းတစ်ခု အကောင်အထည်ဖော်ရန် ပြင်ဆင်နေသည်။

TWG ၏ အမှုဆောင်အရာရှိချုပ် လီကောက်မင်း၏ ပြောကြားချက်အရ ဂျပန်ဟန်အကောင်အထည်ဖော်မည့် အိမ်ရာစီမံကိန်းကို မိမိတို့ ကုမ္ပဏီ ၂ ခုက ၅၀/၅၀ အချိုးပိုင်ဆိုင်လုပ်ကိုင်ကြမည်ဖြစ်ပြီး စီမံကိန်းဧရိယာမှာ ၉ ဒသမ ၇ ဟက်တာရှိသည်ဟု ပြောကြားသည်။

ဗီယက်နမ် အိမ်ခြံမြေလောကသို့ ၂၀၁၈ ခုနှစ် ပထမ ၆ လတာကာလအတွင်း နိုင်ငံခြားတိုက်ရိုက်ရင်းနှီးမြှုပ်နှံမှု ကန်ဒေါ်လာ ၅ ဒသမ ၅ ဘီလီယံရှိခဲ့ရာ စုစုပေါင်း နိုင်ငံခြားတိုက်ရိုက်ရင်းနှီးမြှုပ်နှံမှုပမာဏ၏ ၂၇ ဒသမ ၃ ရာခိုင်နှုန်း ရှိခဲ့သည်။

အဆိုပါပမာဏမှာ ၂၀၁၇ ခုနှစ်နှင့် ၂၀၁၆ ခုနှစ် ၂ နှစ်ပေါင်း နိုင်ငံခြားတိုက်ရိုက်ရင်းနှီးမြှုပ်နှံမှု ပမာဏထက်ပင် များပြားနေပြီ ဖြစ်သည်။

၂၀၁၇ ခုနှစ်အတွင်း ဗီယက်နမ်အိမ်ခြံမြေလောကသို့ နိုင်ငံခြားတိုက်ရိုက်ရင်းနှီးမြှုပ်နှံမှု ကန်ဒေါ်လာ ၂ ဘီလီယံရှိခဲ့ပြီး ၂၀၁၆ ခုနှစ်တွင် ၁ ဒသမ ၇ ဘီလီယံ ရှိခဲ့သည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)