ဘာရိန်းနိုင်ငံနှင့် ဆော်ဒီအာရေးဗီးယားတို့ကို ဆက်သွယ်ပေးမည့် ၁၅ မိုင်ရှည်လျားသည့် တံတားကြီးကို ကန်ဒေါ်လာ ၄ ဘီလီယံ အကုန်အကျခံကာ ၂၀၂၁ ခုနှစ်တွင် စတင်ဆောက်လုပ်မည်

ကန်ဒေါ်လာ ၄ ဘီလီယံခန့် ကုန်ကျမည်ဖြစ်ကာ ဘာရိန်းနိုင်ငံနှင့် ဆော်ဒီအာရေးဗီးယားတို့ကို ဆက်သွယ်ပေးမည့် ၁၅ မိုင်ရှည်လျားသော တံတားကြီးကို ၂၀၂၁ ခုနှစ်တွင် စတင်ဆောက်လုပ်မည်ဖြစ်ကြောင်း အရှေ့အလယ်ပိုင်းအခြေစိုက် သတင်းဝက်ဘ်ဆိုက်တစ်ခုတွင် ဖော်ပြသည်။

တံတားကြီးကို King Hamad Causeway ဟု အမည်ပေးထားပြီး ၃ နှစ်အတွင်း အပြီးသတ်ဆောက်လုပ်မည်ဖြစ်ကြောင်း ဘာရိန်းနိုင်ငံဆိုင်ရာ ဆော်ဒီသံအမတ်ကြီးက ပြောကြားခဲ့သည်။

“King Hamad Causeway ဆောက်လုပ်ဖို့အတွက် တင်ဒါခေါ်ယူမှုတွေကို နောင် ၆ လကြာရင် စတင်ခေါ်ယူသွားမှာဖြစ်ပါတယ်” ဟု ဆော်ဒီသံအမတ်ကြီး အဗ္ဗဒူလာ အယ်လ် ရှိတ်ခ်က ပြောကြားသည်။

စီမံကိန်းအတွက် ကုန်ကျစရိတ်မှာ ကန်ဒေါ်လာ ၃ ဘီလီယံမှ ၄ ဘီလီယံအကြားရှိနိုင်ပြီး လက်ရှိ ရှိရင်းစွဲဖြစ်သော King Fahd Causeway တံတားကြီးနှင့်အပြိုင်ဖောက်လုပ်မည် ဖြစ်သည်။

၂၅ ကီလိုမီတာ (၁၅ မိုင်) ရှည်လျားမည့် တံတားတွင် ရထားများ၊ မော်တော်ကားများ ဖြတ်သန်းသွားလာနိုင်မည်ဟု ဆိုသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)