ဗီယက်နမ်အိမ်ခြံမြေလောကသို့ နိုင်ငံခြားအိမ်ခြံမြေအကျိုးဆောင်များ အလုံးအရင်းဝင်ရောက်လျက်ရှိနေ

ဗီယက်နမ်အိမ်ခြံမြေလောကသို့ နိုင်ငံခြားအိမ်ခြံမြေအကျိုးဆောင်များ အလုံးအရင်းဝင်ရောက်လျက်ရှိနေပြီး နိုင်ငံခြား အကျိုးဆောင်များ နှင့် အိမ်ခြံမြေအတိုင်ပင်ခံကုမ္ပဏီသစ်များစွာ ဝင်ရောက်နေလျက်ရှိခြင်းကြောင့် အိမ်ခြံမြေလောကမှာ လှုပ်လှုပ်ရှားရှားဖြစ်လျက်ရှိ နေသည်။

ဗီယက်နမ်အိမ်ခြံမြေလောကတွင် ၁၅ နှစ်ကျော် လုပ်ငန်းလည်ပတ်လျက်ရှိသည့် ပြည်ပအိမ်ခြံမြေအကျိုးဆောင်များအပြင် Savills ၊ CBRE ၊ Colliers International နှင့် Jones Lang LaSalle (JLL) တို့ကဲ့သို့ ကမ္ဘာကျော်အိမ်ခြံမြေကုမ္ပဏီကြီးများလည်း ဝင်ရောက်လာသည်။

မကြာသေးမီကပင် စင်္ကာပူအခြေစိုက် အိမ်ခြံမြေကုမ္ပဏီကြီး PropNex သည်လည်း ဗီယက်နမ်အိမ်ခြံမြေလောကသို့ ခြေချလာသည်။

PropNex ၏ အမှုဆောင်အရာရှိချုပ် အစ္စမေးလ် ဂါဖောရ်၏ ပြောကြားချက်အရ ဗီယက်နမ်၏ စီးပွားရေးတိုးတက်နေမှု၊ အိမ်ခြံမြေ ဈေးကွက်အတွက် အကောင်းမြင်ခန့်မှန်းချက်များရှိမှုတို့ကြောင့် ဗီယက်နမ်သည် PropNex အတွက် အမှတ်တံဆိပ်တည်ထောင်နိုင်ရန် အရေးကြီးသည့်နေရာတစ်ခု ဖြစ်လိမ့်မည်ဖြစ်ကြောင်း ပြောကြားသည်။

ဗီယက်နမ်သည် စင်္ကာပူ၊ မလေးရှားနှင့် အင်ဒိုနီးရှားတို့ပြီးလျှင် PropNex ၏ နောက်ဆုံးရုံးစိုက်ရာ ဖြစ်လာသည်။

PropNex သည် ဗီယက်နမ်တွင် ခန့်အပ်ထားသည့်ဝန်ထမ်းပေါင်း ၇၀ ကျော်သာ ရှိသေးသော်လည်း အင်ဒိုနီးရှားတွင် ၈၀၀၊ မလေးရှား တွင် ၁၀၀ နှင့် စင်္ကာပူတွင် ၇၄၅၄ ဦးအထိ ခန့်အပ်ထားခဲ့ပြီးဖြစ်သည်။

PropNex မတိုင်မီကလည်း အခြားအိမ်ခြံမြေအကျိုးဆောင်ကုမ္ပဏီဖြစ်သော ERA Asia-Pacific သည် ERA Vietnam ကို တည်ထောင်ကာ ဗီယက်နမ်အိမ်ခြံမြေလောကတွင် နယ်ပယ်ချဲ့ထွင်လာခဲ့သည်။

ဗီယက်နမ်အခြေစိုက် ပုဂ္ဂလိက ရင်းနှီးမြှုပ်နှံမှု ကုမ္ပဏီတစ်ခုဖြစ်သော Eurocapital Group ၏ အိမ်ခြံမြေကဏ္ဍ ကုမ္ပဏီခွဲ Eurocapital JSC နှင့် franchise သဘောတူညီချက်ရယူကာ ဗီယက်နမ်တွင် ခြေချခဲ့ခြင်းလည်း ဖြစ်သည်။

ERA Asia-Pacific ၏ အမှုဆောင်အရာရှိချုပ် ဂျက်ခ် ချူဝါက ပြောကြားရာတွင် ဗီယက်နမ်သည် အလားအလာကောင်းများစွာ ရှိနေသည့် နိုင်ငံဖြစ်ပြီး ပြီးခဲ့သော ၂၀၁၇ ခုနှစ်အတွင်း အိမ်ခြံမြေရောင်းချမှုပမာဏ ကြီးကြီးမားမားဖွံ့ဖြိုးတိုးတက်မှုများရှိခဲ့ကြောင်း၊ မြို့ပြအသွင်ကူးပြောင်းရေး တိုးတက်မှုရစေရန် အစိုးရ၏ အကောင်အထည်ဖော်ဆောင်ရွက်မှုများကြောင့်ဖြစ်ကြောင်း ပြောကြားသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)