စင်္ကာပူဇိမ်ခံအိမ်ဈေးများ ပထမနှစ်ဝက်အတွင်း ၁၁ ဒသမ ၅ ရာခိုင်နှုန်း မြင့်တက်

မြို့အရွယ်အစားရှိ စင်္ကာပူနိုင်ငံရှိ ဇိမ်ခံအိမ်ဈေးနှုန်းများသည် ကမ္ဘာတစ်ဝန်း ဇိမ်ခံအိမ်ဈေးနှုန်းများ ကျဆင်းနေမှုကို ဆန့်ကျင်၍ ဂျပန်နိုင်ငံမြို့တော် တိုကျိုရှိ ဇိမ်ခံအိမ်ဈေးများနှင့်အတူ ယခု ၂၀၁၈ ခုနှစ် ပထမနှစ်ဝက်အတွင်း ၁၁ ဒသမ ၅ ရာခိုင်နှုန်း မြင့်တက်ခဲ့ကြောင်း ကမ္ဘာ့အိမ်ခြံမြေသုတေသနနှင့် အတိုင်ပင်ခံကုမ္ပဏီ Knight Frank ၏ ထုတ်ပြန်ချက်အား ကိုးကား၍ Singapore Business Review စီးပွားရေးမဂ္ဂဇင်းက ဖော်ပြခဲ့သည်။

"စင်္ကာပူတွင် အိမ်ခြံမြေဈေးကွက်ပြန်လည်နာလန်ထူမှုဟာ developer တွေရဲ့ မြေလေလံဆွဲမှုအားကောင်းမှုတွေနဲ့ မြင့်တက်နေတဲ့ နိုင်ငံခြားဝယ်လိုအားတို့ရဲ့ အကျိုးဆက်တစ်ရပ်ဖြစ်ပါတယ်" ဟု Knight Frank ၏ နိုင်ငံတကာလူနေအိမ်ခြံမြေသုတေသနခေါင်းဆောင် ကိတ်အဲဗရတ်အယ်လင်က ပြောကြားခဲ့သည်။

သို့သော်လည်း သူမက စင်္ကာပူသည် လူနေအိမ်ခြံမြေဈေးကွက်အတွက် ဈေးကွက်တည်ငြိမ်စေရေးစည်းမျဉ်းတင်းကျပ်မှုသစ်တွေကို ချမှတ်အကောင်အထည်ဖော်လိုက်ပြီဖြစ်ကြောင်း၊ ရင်းနှီးမြှုပ်နှံသူများအနေဖြင့်မူ ယင်းစည်းမျဉ်းတင်းကျပ်မှုများနှင့်ပတ်သက်၍ မချိတင်ကဲ ဖြစ်နိုင်ကြောင်းလည်း မှတ်ချက်ပြုခဲ့သည်။

တိုကျိုတွင် ဇိမ်ခံအိမ်ဈေးနှုန်းများသည် ၉ ဒသမ ၄ ရာခိုင်နှုန်း မြင့်တက်ခဲ့သည်။ စီးပွားရေးဈေးကွက်အခြေအနေ၊ စင်္ကာပူနှင့်ဟောင်ကောင်တို့နှင့် ယှဉ်ပါက နှိုင်းဆနိုင်သော တန်ဖိုးနှင့် ၂၀၂၀ အိုလံပစ်မတိုင်မီ ရင်းနှီးမြှုပ်နှံမှုတို့ကြောင့် မြင့်တက်ခဲ့ခြင်းဖြစ်ကြောင်း Knight Frank က သုံးသပ်ခဲ့သည်။

စင်္ကာပူ၊ တိုကျိုပြီးလျှင် အလယ်အလတ်မြင့်တက်မှုနှုန်းအဖြစ် ပေကျင်းနှင့် ရှန်ဟိုင်းတို့တွင် ဇိမ်ခံအိမ်ဈေးများ ၇ ဒသမ ၃ ရာခိုင်နှုန်းနှင့် ၃ ဒသမ ၃ ရာခိုင်နှုန်းစီ မြင့်တက်ခဲ့ကြသည်။

တရုတ်ပထမတန်းစားမြို့ပြများတွင် ဇိမ်ခံအိမ်ဈေးဆက်လက်မြင့်တက်နေမည်ဟု ခန့်မှန်းရကြောင်းလည်း အဲဗရတ်အယ်လင်က ပြောကြားခဲ့သည်။

ကမ္ဘာတစ်ဝန်း ၎င်းတို့လေ့လာခဲ့သည့် မြို့ပြ ၂၀ ခုတွင် ပျမ်းမျှဇိမ်ခံအိမ်ဈေးများသည် ယခုနှစ် ပထမနှစ်ဝက်အတွင်း ၄ ဒသမ ၂ ရာခိုင်နှုန်း ကျဆင်းခဲ့ကြောင်း Knight Frank ၏ ထုတ်ပြန်ချက်အရ သိရသည်။

ခင်အေးချမ်း ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။ Credit: iMyanmarHouse.com