နယူးယောက်ရှိ ကမ္ဘာကျော် ခရိုင်စလာ အဆောက်အအုံကြီးကို အမှုရှုံးကာ လက်လွတ်ဆုံးရှုံးသွားသော အိမ်ခြံမြေလုပ်ငန်းရှင် ဘီလျံနာကြီးက သူ၏နေအိမ်ကို ကန်ဒေါ်လာ ၄၄ သန်းဖြင့် အရောင်းဈေးကွက်တင်လာ

အမေရိကန် အိမ်ခြံမြေလုပ်ငန်းရှင် ဘီလျံနာကြီး မိုက်ကယ်ဖြုစ် (Michael Fuchs) က နယူးယောက်ပြည်နယ်၊ Long Island ၊ Hamptons အရပ် Meadow Lane အမှတ် ၇၉၇ ရှိ သူ၏စံအိမ်ကို ကန်ဒေါ်လာ ၄၄ သန်းဖြင့် ဈေးခေါ်ကာ အရောင်းဈေးကွက်တင်လာသည်။

RFR Holding ၏ ပူးတွဲတည်ထောင်သူ မိုက်ကယ်ဖြုစ်နှင့် စီးပွားဖက်ဖြစ်သူ Aby Rosen တို့သည် နယူးယောက်မြို့လယ် မန်ဟက်တန်အရပ်ရှိ ကမ္ဘာကျော် ခရိုင်စလာ အဆောက်အအုံကြီးကို အမှုရှုံးကာ လက်လွတ်ဆုံးရှုံးခဲ့ပြီးနောက်ပိုင်း မိုက်ကယ်ဖြုစ်က သူ၏နေအိမ်ကို ရောင်းချရန် စီစဉ်လာခြင်းလည်း ဖြစ်သည်။

မိုက်ကယ်ဖြုစ်သည် ယခုရောင်းချမည့် ဆောက်သမ်ပ်တန်အရပ်ရှိ စံအိမ်ကို ၂၀၁၄ ခုနှစ်အတွင်း ကန်ဒေါ်လာ ၆ သန်းဖြင့် ဝယ်ယူခဲ့ခြင်း ဖြစ်သည်။

(▲ ခြံအကျယ် ၃ ဧက ရှိသည်။ ဓာတ်ပုံ-Bespoke Real Estate)

(▲ ပင်လယ်ကမ်းခြေ မျက်နှာစာ ၄၀၄ ပေ ပိုင်ဆိုင်ထားသည်။ ဓာတ်ပုံ-Bespoke Real Estate)

ပင်မစံအိမ်မှာ စတုရန်းပေ ၄၆၀၀ ကျယ်ဝန်းပြီး အိပ်ခန်း ၇ ခန်း၊ ရေချိုးခန်း ၆ ခန်း ပါဝင်သည်။

အိပ်ခန်း ၂ ခန်းပါ လှေအိမ် ဆောက်လုပ်ရန် စီစဉ်ထားမှုမှာလည်း အသင့်အနေအထား ဖြစ်နေသည်။

ခြံဝန်းအတွင်း အပူပေးစနစ်ပါ ရေကူးကန်၊ တင်းနစ်ကွင်းတို့ ပါဝင်ပြီး သာယာလှပသော ရှုမျှော်ခင်းများ ပိုင်ဆိုင်ထားကာ ကမ်းခြေသို့ လမ်းလျှောက်သွားရုံဖြစ်သည်။

(▲ မီးဖိုဆောင်။ ဓာတ်ပုံ-Bespoke Real Estate)

(▲ လေဝင်လေထွက်ကောင်းသော ဧည့်ခန်း။ ဓာတ်ပုံ-Bespoke Real Estate)

(▲ လင်းလင်းချင်းချင်းရှိသော စံအိမ်။ ဓာတ်ပုံ-Bespoke Real Estate)

(▲ တင်းနစ်ကွင်း။ ဓာတ်ပုံ-Bespoke Real Estate)

မန်ဟက်တန်မှ တရားသူကြီးတစ်ဦးက RFR ၏ ခရိုင်စလာအဆောက်အအုံကြီးအား မြေနေရာ ငှားရမ်းထားမှု ပယ်ဖျက်လိုက်ပြီး အာ့ထ်ဒက်ကို ဗိသုကာဟန်ဖြင့် ဆောက်လုပ်ထားသည့် ကမ္ဘာကျော်အထင်ကရ ခရိုင်စလာ အဆောက်အအုံကြီးအား ဖယ်ရှားပေးရန် ဇန်နဝါရီ ၂၇ ရက်တွင် အမိန့်ချမှတ်ခဲ့သည်။

၇၇ ထပ်မြင့်မားသော ခရိုင်စလာအဆောက်အအုံကြီးတည်ရှိရာ မြေနေရာကို Cooper Union က ပိုင်ဆိုင်ခြင်း ဖြစ်သည်။

တရားရုံးမှတ်တမ်းများအရ RFR သည် ပြီးခဲ့သောနှစ် ဇွန်လတွင် မြေငှားရမ်းခ မပေးတော့ကြောင်း၊ မြေငှားခ အကြွေး ဒေါ်လာ ၂၁ သန်း ရှိနေကြောင်း ဖော်ပြထားသည်။

(▲ ခရိုင်စလာအဆောက်အအုံကြီးကို လက်လွှတ်လိုက်ရပြီးနောက် ဖြုစ်က သူ၏နေအိမ်ကို ရောင်းချလာသည်။ ဓာတ်ပုံ-Brian Zak/ NY Post)

(▲ မိုက်ကယ်ဖြုစ်နှင့် ဇနီးဟောင်း Alvina Collardeau တို့ကို နယူးယောက်မြို့တွင် ၂၀၁၁ ခုနှစ်က တွေ့ရပုံ။ ဓာတ်ပုံ-WireImage)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Billionaire real estate mogul who just lost the Chrysler Building lists historic Hamptons home for $44M

Photo Credit- Bespoke Real Estate, Brian Zak/ NY Post, WireImage