ဂျပန်တွင် ပြန်လည်ပြည့်ဖြိုးမြဲစွမ်းအင်သုံး တိုက်ခန်း ၁၅၀၀ ခန့်ကို သုံးနှစ်အတွင်း တည်ဆောက်မည်

လုံးချင်းအိမ်သစ်များ၏ ထက်ဝက်က ၂၀၂၀ ပြည့်နှစ်မကုန်မီ ကာဗွန်ကင်းစင်ကြမည့် ဂျပန်တွင် ၎င်းကာဗွန်ကင်းစင်သောနေအိမ် စီမံချက်ကို လုံးချင်းအိမ်များသာမက တိုက်ခန်းများအထိပါ တိုးချဲ့တော့မည်ဖြစ်ကြောင်း Nikkei Asian Review ဂျပန်စီးပွားရေးဂျာနယ်၌ ဖော်ပြပါရှိခဲ့သည်။

ဂျပန်သည် ၂၀၁၅ ခုနှစ် ဖန်လုံအိမ်ဓာတ်ငွေ့ထုတ်လွှတ်မှုဆိုင်ရာ ပဲရစ်သဘောတူစာချုပ်တွင် ပါဝင်လက်မှတ်ရေးထိုးထားသည့် နိုင်ငံတစ်နိုင်ငံဖြစ်သည်။

ဂျပန်၏ လုံးချင်းအိမ်သစ် ထက်ဝက်ထက်မနည်းအား ကာဗွန်ကင်းစင်သော နေအိမ်များအဖြစ် ၂၀၂၀ ပြည့်နှစ်မကုန်မီ စီမံပြီးနောက် ၂၀၂၁ ခုနှစ်မကုန်မီ ကာဗွန်ကင်းစင်သော တိုက်ခန်း ၁၅၀၀ ခန့်ကို တည်ဆောက်မည်ဖြစ်ကြောင်း သိရသည်။

လောင်စာစွမ်းအင်သုံးစွဲမှုသုညအဆင့် အဆောက်အအုံ၊ နေအိမ် အပါအဝင် အမည်နာမများစွာဖြင့် သိကြသည့် စွမ်းအင်ဇီးရိုးနေအိမ်များသည်

မေလက ဂျပန်အစိုးရသည် ယင်းစွမ်းအင်ဇီးရိုးနေအိမ်များအတွက် စံချိန်စံညွှန်းများကို ၎င်းတို့နိုင်ငံနှင့် သပ္ပာယဖြစ်အောင် ပြင်ဆင်ခဲ့သည်။

Nomura Real Estate Development ကုမ္ပဏီက Greater Tokyo တွင် စွမ်းအင်ဇီးရိုးကွန်ဒိုစီမံကိန်း သုံးခုကို စီစဉ်နေသည်ဟု သိရသည်။ ထိုစီမံကိန်းများမှ အခန်းပေါင်း ၁၀၀ ဝန်းကျင် ထွက်ရှိမည်ဖြစ်သည်။

Daikyo ကုမ္ပဏီကလည်း အိုဆာကာမြို့အနီး ဟျောဂိုစီရင်စုတွင် အဆောက်အအုံအမိုးထိပ်၌ ဆိုလာပြားများ တပ်ဆင်ထားသည့် ကွန်ဒိုစီမံကိန်းတစ်ခု စီစဉ်နေသည်။ ယင်းအဆောက်အအုံက အခြားသာမန်အဆောက်အအုံများ၏ လောင်စာစွမ်းအင်သုံးစွဲမှုအောက် ရာခိုင်နှုန်း ၈၀ သာ သုံးစွဲမည်ဖြစ်ကြောင်း သိရသည်။

ချီဘာစီရင်စုတွင်လည်း Mitsubishi Estate က အလားတူစီမံကိန်းတစ်ခုကို ဖော်ဆောင်နေပြီဖြစ်သည်။

၂၀၁၆ ခုနှစ်က ဂျပန်နိုင်ငံ၏ ကာဗွန်ထုတ်လွှတ်မှု ၁၆ ရာခိုင်နှုန်းသည် နေအိမ်များမှ ဖြစ်ခဲ့သည်။ ဂျပန်က ၂၀၂၀ ပြည့်နှစ်မကုန်မီ ဆောက်လုပ်မှုသစ်အများစုအား စွမ်းအင်ဇီးရိုးနေအိမ်၊ အဆောက်အအုံစံချိန်စံညွှန်းများနှင့်အညီ ချမှတ်ဆောင်ရွက်စေရေးအတွက် ကာဗွန်နည်းပါးသော လူ့အဖွဲ့အစည်းလမ်းစဉ်တွင် ၂၀၁၂ ခုနှစ်၌ ထုတ်ပြန်ခဲ့ကြောင်း သိရသည်။

ခင်အေးချမ်း ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။ Credit: iMyanmarHouse.com