ဧရာဝတီတိုင်းဒေသကြီး အတွင်း တည်ဆောက်မည့် မုန်တိုင်းဒဏ်ခံအဆောက်အအုံ ၁၇ လုံးကို စံချိန်စံညွှန်းမီဆောက်လုပ် ရေး အစိုးရအဖွဲ့တာဝန်ရှိသူများ က ဆောက်လုပ်ခွင့်ရ ကုမ္ပဏီ များနှင့် တွေ့ဆုံဆွေးနွေးခဲ့သည်။
ဧရာဝတီတိုင်းဒေသကြီး မြို့ နယ်ခုနစ်ခုတွင် အမျိုးသားသဘာ ဝဘေးအန္တရာယ်ဆိုင်ရာ စီမံခန့်ခွဲ မှုကော်မတီ ရန်ပုံငွေဖြင့် မုန်တိုင်း ဒဏ်ခံ အဆောက်အအုံ ၁၇ လုံး ဆောက်လုပ်ရန် တင်ဒါအောင် ထားသည့် ကုမ္ပဏီ ၁၀ ခုနှင့် သြဂုတ် ၁၆ ရက်၌ တွေ့ဆုံဆွေး နွေးခဲ့ကြောင်း တိုင်းဒေသကြီး ဘေးအန္တရာယ်ဆိုင်ရာ စီမံခန့်ခွဲ မှု ဦးစီးဌာန ဦးစီးမှူး၊ ညွှန်ကြား ရေးမှူး ဦးသန်းစိုးက ပြောသည်။
‘‘ဝန်ကြီးချုပ် သဘောတူညီ ချက်နဲ့ အစိုးရကိုယ်စားစောင့် ကြည့်စစ်ဆေးမယ့် ပုဂ္ဂလိကစစ် ဆေးရေးအဖွဲ့ ငါးဖွဲ့လည်း ငှား ရမ်းထားတယ်။ ကုမ္ပဏီတွေရဲ့ လုပ်ငန်းတွေကို စစ်ဆေးရေးအ ပိုင်းလည်း ဆွေးနွေးတယ်။ ကျွန် တော်တို့ဒေသမှာက သဘာဝ ဘေးတွေ ခြိမ်းခြောက်မှုရှိနေတဲ့ အတွက် ဘေးဒဏ်ခံအဆောက် အအုံတွေရဲ့ ကြံ့ခိုင်မှုကလည်း အရေးပါတယ်’’ ဟု ဦးသန်းစိုးက ပြောသည်။
တစ်လုံးလျှင် လူငါးရာ ခိုလှုံနိုင်သော မုန်တိုင်းဒဏ်ခံအဆောက်အအုံ ၁၇ လုံးကို ရေကြည်၊ ကျောင်းကုန်း၊ ဖျာပုံ၊ ဘိုကလေး၊ ဒေးဒရဲ၊ ဟိုင်းကြီး ကျွန်းနှင့် အင်္ဂပူမြို့နယ်တို့တွင် တည်ဆောက်မည်ဖြစ်ပြီး စီမံကိန်း မကြာမီစတင်မည်ဖြစ်သည်။
ကမ်းရိုးတန်းဒေသတစ်ခု ဖြစ်၍ မုန်တိုင်းနှင့် လေပြင်းဘေး သာမက ရေဘေးနှင့်ဆူနာမီ ငလျင်အန္တရာယ်ပါ သတိပြုရန် လိုနေသည့် ဧရာဝတီတိုင်းဒေသ ကြီးအတွင်း အထက်ပါစီမံကိန်း ပြီးစီးပါက မုန်တိုင်းဒဏ်ခံအ ဆောက်အအုံ ၇၇ လုံးရှိလာမည် ဖြစ်သည်။
Credit: 7Daydaily
