ကမ္ဘာကျော် အိမ်ခြံမြေသူဌေးကြီး လီကာရှင်းသည် ဟောင်ကောင်တွင် ၂၀၁၆ ခုနှစ်၊ စက်တင်ဘာလအတွင်း လူနေမြေကွက်တစ်ခုကို ဟောင်ကောင်ဒေါ်လာ ၁ ဒသမ ၉၅ ဘီလီယံ (ကန်ဒေါ်လာ ၂၄၈ သန်း) ဖြင့် ဝယ်ယူခဲ့ပြီး နှစ်နှစ်ကြာ ငြိမ်သက်နေခဲ့ရာမှ ယခုအခါ ပထမဆုံးအကြိမ်အဖြစ် ဟောင်ကောင်တွင် ဆောက်လုပ်ရေးစီမံကိန်းတစ်ခု အကောင်အထည်ဖော်နိုင်မည့် မြေနေရာတစ်ခုကို ကန်ဒေါ်လာ ၄ ဒသမ ၆ ဘီလီယံဖြင့် ဝယ်ယူလိုက်ပြီဖြစ်သည်။
ယခုဝယ်ယူမှုကို လီကာရှင်း၏ ရင်းနှီးမြှုပ်နှံရေးကုမ္ပဏီတစ်ခုမှတစ်ဆင့် ဝယ်ယူခဲ့ခြင်း ဖြစ်သည်။
ဟောင်ကောင်၏ တောင်ဘက်၊ ဝေါင်ချောက်ဟန် မြေအောက်ဘူတာရုံနှင့် ကပ်လျက်တွင် တည်ရှိသော ဆောက်လုပ်ရေးစီမံကိန်း၏ အဆင့် ၃ ကို လီကာရှင်း၏ CK Asset Holdings က လေလံအောင်မြင်ကာ ဝယ်ယူနိုင်ခဲ့ခြင်းလည်း ဖြစ်သည်။
အရောင်းအဝယ်ဖြစ်သည့် ဈေးနှုန်းကို ထုတ်ပြန်ကြေညာခဲ့ခြင်းမရှိသော်လည်း ဟောင်ကောင်ဒေါ်လာ ၃၆ ဘီလီယံခန့်ဖြစ်ဖွယ်ရှိသည်ဟု ခန့်မှန်းကြသည်။
မကြာသေးမီကာလများအတွင်း တရုတ်ရင်းနှီးမြှုပ်နှံသူတို့အကြား ဟောင်ကောင်ရှိ မြေနေရာများအပေါ် စိတ်ဝင်စားမှုများ ကျဆင်းလာနေရာ လီကာရှင်း၏ ယခုနောက်ဆုံးဝယ်ယူမှုမှာ အဆိုပါအခြေအနေနှင့် ဆက်နွှယ်မှုရှိဖွယ်ရှိသည်။
တရုတ်ပြည်မကြီးတွင် အိမ်ခြံမြေဈေးနှုန်းများ အလွန်မြင့်တက်လာနေရာ ပြည်မကြီး အိမ်ခြံမြေကုမ္ပဏီများက ဟောင်ကောင်တွင် မြေယာဝယ်ယူမှုများ ပြောင်းလဲပြုလုပ်လာကြသည်။
ရှန်းဇန်အခြေစိုက် Logan Property Holdings နှင့် ကွမ်ကျိုးအခြေစိုက် KWG Property တို့က လူနေမြေနေရာတစ်ခုကို ဟောင်ကောင်ဒေါ်လာ ၁၆ ဒသမ ၉ ဘီလီယံဖြင့် ဝယ်ယူလိုက်မှုမှာ မကြာသေးမီကာလများအတွင်း အမြင့်မားဆုံးဈေးနှုန်း ဖြစ်ခဲ့သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
