၁၉၇၄ ခုနှစ်က ရိုက်ကူးထုတ်လုပ်ခဲ့သည့် The Godfather Part II ဇာတ်ကားတွင် ဗီတို ကော်လီယွန်အဖြစ် ပါဝင်သရုပ်ဆောင်ကာ အကောင်းဆုံးဇာတ်ပို့ အော်စကာဆုရခဲ့သူ ဟောလိဝုဒ်ဂန္ထဝင်ကြယ်ပွင့် သရုပ်ဆောင်မင်းသားကြီး ရောဘတ်ဒီနီရိုးသည် အင်္ဂလန်နိုင်ငံ၊ လန်ဒန်မြို့ ၊ Covent Garden ခရိုင်တွင် ဇိမ်ခံဟိုတယ်ကြီးတစ်လုံး ဆောက်လုပ်ရန် စီစဉ်ထားမှုကို ဖျက်သိမ်းလိုက်ကြောင်း
ဗြိတိန်အခြေစိုက် သတင်းဝက်ဘ်ဆိုက်တစ်ခုတွင် ဖော်ပြသည်။
ဝက်စ်မင်စတာကောင်စီက ရောဘတ်ဒီနီရိုး၏ အခန်း ၈၃ ခန်းပါ ဝယ်လင်
တန်ဟိုတယ် (The Wellington ) စီမံကိန်းကို ၂၀၁၆ ခုနှစ်ကတည်းကပင်
ခွင့်ပြုချက် ပေးထားပြီးလည်း ဖြစ်သည်။
ရောဘတ်ဒီနီရိုးသည် BD Hotels အုပ်စုနှင့် ပူးပေါင်းအကောင်အထည်ဖော်ရန် စီစဉ်ခဲ့ခြင်း ဖြစ်သည်။
The Wellington ကို ၂၀၁၉ ခုနှစ်တွင် ဖွင့်လှစ်နိုင်ရန် ထိုစဉ်က ရည်မှန်းခဲ့သည်။
အမေရိကန်အခြေစိုက် BD Hotels ကို တည်ထောင်သူ အိုင်ရာ ဒရပ်ကီယာက ပြောကြားရာတွင် ပြောင်းလဲနေသော စီးပွားရေးပုံရိပ်ကြောင့် စီမံကိန်းကို အကောင်အထည်ဖော်ဖြစ်မည်မဟုတ်ကြောင်းနှင့် စီးပွားရေးအခြေအနေများ ပြောင်းလဲပါက စီမံကိန်းကို ရှေ့ဆက်ဖြစ်လိမ့်မည်ဖြစ်ကြောင်းလည်း ပြောကြားသည်။
စထရင်းလမ်း၊ ဝယ်လင်တန်လမ်း၊ တာဗီစတော့ခ်လမ်း၊ ဘာလေးလမ်းနှင့် အိတ်ဇီတာလမ်းထောင့်တို့တွင် တည်ရှိသော အဆောက်အအုံ ၆ လုံးနေရာတွင် တည်ဆောက်သွားမည့် စီမံကိန်းလည်း ဖြစ်သည်။
စီမံကိန်းကို ခွင့်ပြုခဲ့သည့်အတွက် ထိုစဉ်က ရောဘတ်ဒီနီရိုးပြောကြားခဲ့သည်မှာ မိမိတို့၏ ရည်မှန်းချက်အပေါ် ယုံကြည်မှုထားပေးသည့်အတွက် ကျေးဇူးတင်ရှိကြောင်း ပြောကြားခဲ့ဖူးသည်။
နောက်ပိုင်းတွင် ဥရောပသမဂ္ဂမှ ဗြိတိန်နှုတ်ထွက်လိုက်ပြီးနောက်ပိုင်း စီးပွားရေးနှင့် အိမ်ခြံမြေဈေးကွက်တွင် အခြေအနေများစွာ ပြောင်းလဲသွားခဲ့သည်။
အိမ်ခြံမြေဈေးကွက်တွင်ဆိုလျှင် ငှားရမ်းခများ ခေါင်ခိုက်လာလျက်ရှိနေသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
