၂၀၁၈ ခုနှစ် ဒုတိယသုံးလပတ်အတွင်း စင်္ကာပူရှိ ပုဂ္ဂလိကအိမ်ဈေးများသည် ပထမသုံးလပတ်ထက် ၃ ဒသမ ၄ ရာခိုင်နှုန်း မြင့်တက်ခဲ့ကြောင်း၊
ယင်းဒုတိယသုံးလပတ်မြင့်တက်နှုန်းသည် ပထမသုံးလပတ် မြင့်တက်နှုန်း ၃ ဒသမ ၉ ရာခိုင်နှုန်းနှင့် နှိုင်းယှဉ်လျှင်မူ ၀ ဒသမ ၅ ရာခိုင်နှုန်း လျော့နည်းခဲ့ကြောင်း စင်္ကာပူမြို့ပြပြန်လည်ဖွံ့ဖြိုးရေးအာဏာပိုင်အဖွဲ့ (URA) က ပြီးခဲ့သည့်
သောကြာ (ဇူလိုင် ၂၇) တွင် ထုတ်ပြန်ခဲ့သည်။
"ယခုလို ပုဂ္ဂလိကအိမ်ဈေးနှုန်းမြင့်တက်နေတာဟာ ဒီဒုတိယသုံးလပတ်နဲ့ဆို သုံးလပတ်လေးခုဆက်တိုက်ရှိပါပြီ။" ဟု CBRE အိမ်ခြံမြေဝန်ဆောင်မှုနှင့်
ရင်းနှီးမြှုပ်နှံမှုကုမ္ပဏီ၏ စင်္ကာပူနှင့် အရှေ့တောင်အာရှဆိုင်ရာ
သုတေသနခေါင်းဆောင် ဒက်စ်မွန်ဆင်းမ်က ပြောကြားခဲ့သည်။
RCR နှင့် OCR အရပ်နှစ်ခုစလုံး၌ စီမံကိန်းသစ်များအား ဝယ်လိုအားကောင်း
မှုကြောင့် RCR တွင် ဈေးနှုန်း ၅ ဒသမ ၆ ရာခိုင်နှုန်း မြင့်တက်ပြီး OCR တွင်
၃ ဒသမ ၀ ရာခိုင်နှုန်း မြင့်တက်မှုတို့ကြောင့် ယင်းသို့ ဈေးနှုန်းမြင့်တက်
ခဲ့ခြင်းဖြစ်ကြောင်း သိရသည်။
ဒုတိယသုံးလပတ်အတွင်း ပုဂ္ဂလိကအိမ်ခန်း ၂,၃၆၆ ရောင်းချခဲ့ရပြီး အခြေအနေကောင်းမွန်ခဲ့ကာ ထိုကာလအတွင်း တည်ဆောက်မပြီးစီးသေးသည့် ပုဂ္ဂလိကအိမ်ခန်း ၂,၄၃၇ ဈေးကွက်ထဲသို့ ရောက်ရှိလာခဲ့သည်။
၎င်းဈေးကွက်ထဲဝင်ရောက်လာခဲ့မှုပမာဏသည် သုံးလပတ်ငါးခုအတွင်း အမြင့်ဆုံးနှုန်းဖြစ်ကြောင်း ဆင်းမ်က ပြောကြားခဲ့သည်။ "ရောင်းအား
ကောင်းမွန်ခဲ့ပေမဲ့လည်း ဝယ်လိုအားက ရောင်းလိုအားကို မမီခဲ့ဘဲ ၂၀၁၈
ခုနှစ် ဒုတိယသုံးလပတ်မှာ ရောင်းမထွက်ခဲ့တဲ့အိမ်ခန်း ၂၆၉၆၁ ခန်း ရှိခဲ့ပါတယ်။ ပထသုံးလပတ်တုန်းက ရောင်းမထွက်ခဲ့တဲ့အိမ်ခန်းအရေအတွက်
၂၄၁၉၃ ထက်ကို သိသိသာသာ များခဲ့တာပါ။" ဟုလည်း သူက
ပြောကြားခဲ့သည်။
၂၀၁၇ ခုနှစ် ဒုတိယသုံးလပတ်တွင် အိမ်ခြံမြေ developer (မြေယာဝယ်ယူ၍ အဆောက်အအုံဆောက်လုပ်ရောင်းရေးကုမ္ပဏီ) များက အိမ်ခန်းသစ် ၂,၀၁၁
သာ ဈေးကွက်ထဲ မိတ်ဆက်ခဲ့ပြီး ၃,၀၇၇ ခန်း ရောင်းချခဲ့ရသည်။ ယခုသတင်းတွင် ပါဝင်သော ကိန်းဂဏန်းများတွင် Executive Condominium
(အများပြည်သူ (အစိုးရ) နှင့် ပုဂ္ဂလိကဖက်စပ်အိမ်ရာ) များအား ထည့်သွင်းမတွက်ချက်ထားပေ။
၂၀၂၁ ခုနှစ်မကုန်မီ ပြီးစီးရန်လျာထားကြသည့် အိမ်ရာစီမံကိန်းများအရ ယခုနှစ် သို့မဟုတ် ၂၀၁၉ ခုနှစ်အတွင်း အိမ်ခန်းသစ်များအလုံးအရင်းလိုက် ဈေးကွက်ထဲ ဝင်ရောက်လာနိုင်ကြောင်းလည်း URA က ထုတ်ပြန်ခဲ့သည်။
ခင်အေးချမ်း မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com
