အမေရိကန်ဒေါ်လာနှင့် ကျပ်ငွေလဲနှုန်း မတည်ငြိမ်ခြင်းက သွင်းကုန်လုပ်ငန်းများသာမက ပို့ ကုန်လုပ်ငန်းများအတွက်လည်း အခက်အခဲ ဖြစ်နေသည်ဟု
မြန်မာနိုင်ငံ ဆန်စပါးအသင်းချုပ် ဒုဥက္ကဋ္ဌ ဒေါက်တာမျိုးအောင် ကျော်က ပြောသည်။
ဇူလိုင် ၃၀ ရက်တွင် တစ် ဒေါ်လာ ၁,၄၄၈ ကျပ်ဖြင့် ဈေး ပိတ်သော်လည်း ဇူလိုင် ၃၁ ရက်တွင် တစ်ဒေါ်လာ ၁,၄၄၂ ကျပ်သို့ ကျဆင်းခဲ့သည်။ ပြည်တွင်း ငွေ ကြေးဈေးကွက်တွင် ၂၀၁၈ ဇွန်လ လယ်ကစတင်၍ ဈေးနှုန်းအတက် အကျများနှင့် တည်ငြိမ်မှု မရှိခြင်းကြောင့် လုပ်ငန်းများ လုပ်ကိုင်ရန်ခက်ခဲကြောင်း
စီးပွားရေးလုပ်ငန်းရှင်အချို့က ပြောကြားသည်။
‘‘ပထမသွင်းတုန်းက ငွေလဲ နှုန်းနဲ့ အခုပြန်သွင်းမယ့် ငွေလဲ နှုန်းကွာတော့ ဓာတ်မြေသြဇာ တွေက ဈေးတက်ပြီး ရောင်းရ တော့မယ်။ စပါးစိုက်ချိန်ဆိုတော့ လယ်သမားတွေ ထိခိုက်တာပေါ့’’ဟု ဒေါက်တာမျိုးအောင်ကျော်က ပြောသည်။
ထို့အပြင် မြန်မာနိုင်ငံမှ တစ် ဆင့်ခံ ကုန်သွယ်ရေးဖြင့် ကုန် ပစ္စည်းများ တင်ပို့နေသူများအ တွက်လည်း ဒေါ်လာဈေးနှုန်းအ ပြောင်းအလဲ ယွမ်ငွေတန်ဖိုးကျ ဆင်းမှုက လုပ်ငန်းများ၌ အခက်အခဲအချို့ဖြစ်စေသည်ဟု စီးပွားရေးလုပ်ငန်းရှင် အချို့က ပြောသည်။
‘‘ကုန်သည်တွေအတွက်က တော့ ဒေါ်လာတည်ငြိမ်တာကိုပဲ လိုချင်ကြတယ်’’ဟု မြန်မာနိုင်ငံ ဆန်စပါးအသင်းချုပ် ဗဟိုအလုပ် အမှုဆောင် ဦးမျိုးသူရအေးက ပြောသည်။
လက်ရှိတွင် မြန်မာနိုင်ငံ၏ ကုန်သွယ်ရေး အားနည်းချိန်ဖြစ်နေသောကြောင့် ကန်ဒေါ်လာတန်ဖိုး အတက်၊ အကျများခြင်း ဖြစ်ရသည်ဟု စီးပွားရေးလုပ်ငန်း ရှင်အချို့က ပြောသည်။ မြန်မာနိုင်ငံ ဆန်နှင့် ပဲမျိုးစုံ ပြည်ပတင်ပို့မှု လျော့ကျနေကြောင်း ၎င်းတို့ကဆိုသည်။
အမေရိကန် ဗဟိုဘဏ်က ဘဏ်တိုးနှုန်း ၂ ရာခိုင်နှုန်းမှ ၂ ဒသမ ၅ ရာခိုင်နှုန်းသို့ မြှင့်တင်ခြင်း ကြောင့် အမေရိကန်ဘဏ်များ တွင် ငွေစုသူများပြီး နိုင်ငံတကာ ငွေကြေး ဈေးကွက်တွင် ဒေါ်လာရှားပါး၍ တန်ဖိုးမြင့်တက်ခဲ့သည်။ ထို့ကြောင့် ပြည်တွင်းငွေကြေး ဈေးကွက်၌ ကန်ဒေါ်လာနှင့် လဲ လှယ်ရသည့် မြန်မာကျပ်ငွေတန် ဖိုးက နှစ်လအတွင်း ၈ ရာခိုင်နှုန်း ခန့် ကျဆင်းခဲ့သည်။
Credit: 7Daydaily
