အိမ်ခြံမြေ ဝန်ဆောင်မှုဥပဒေ အတည်ပြုပြဌာန်းပြီးပါက ရောင်းမှား ဝယ်မှား
ပြဿနာတွေ အများကြီး လျှော့နည်းသွားမှာ ဖြစ်တယ်လို့ မြန်မာနိုင်ငံ
အိမ်ခြံမြေ လုပ်ငန်း ဖွံ့ဖြိုးတိုးတတ်ရေးအသင်းက သိရပါတယ်။
အိမ်ခြံမြေ ဝန်ဆောင်မှုဥပဒေကြမ်းကို နိုင်ငံပိုင် သတင်းစာတွေမှာ ဇွန်လ ၁၅ ရက်က ထုတ်ပြန်ကြေညာထားပြီး ဖြစ်ပါတယ်။ အဆိုပါဥပဒေအရ ဝန်ဆောင်မှုလုပ်ငန်း လုပ်ကိုင်ရန် ယာယီလိုင်စင်(သို့မဟုတ်)လိုင်စင် ရရှိထားသူ ဖြစ်ရမယ်။ ယာယီလိုင်စင်(သို့မဟုတ်) လိုင်စင်မရှိဘဲ အိမ်ခြံမြေ ဝန်ဆောင်မှုလုပ်ငန်း လုပ်ဆောင်ပါက ထောင်ဒဏ် ခြောက်လ၊ ဒဏ်ငွေ ကျပ်သိန်း ၃၀ ပေးဆောင်ရမှာ ဖြစ်ပါတယ်။
မြန်မာနိုင်ငံ အိမ်ခြံမြေ ဖွံ့ဖြိုးတိုးတတ်ရေး အသင်း ဥက္ကဌ ဦးတင်မောင်က “ဘာမှ မသိဘဲ လုပ်တာထက်စာရင် သိပြီးလုပ်ကိုင်ဆောင်ရွက်ရင် အမှားအယွင်းကင်းတာပေါ့၊ အခုချိန်မျာ လိုင်စင်ယူစာရာမလိုလို့ အကျိုးဆောင်တွေက ထင်သလို ပေါက်ဖွားနေတယ်၊ အဲ့ဒီလူတွေက ဘာမှမသိဘဲ လက်ညှိုးထိုးပြပြီး အကျိုးဆောင်လုပ်တယ်၊ အမှားအယွင်းတွေ့တဲ့အခါ ဝယ်တဲ့ပြည်သူက တရားရုံးရောက်၊ ဌာနဆိုင်ရာရောက် ဖြစ်ရတယ်၊ ဒီလို မြေယာပြဿနာတွေ အများကြီးဖြစ်နေတာ ရှိတယ်၊ အခု ဒီဥပဒေပေါ်လာရင်တော့ ဒီပြဿနာတွေ အများကြီး နည်းသွားမယ်” လို့ ဆိုပါတယ်။
ယာယီလိုင်စင်ရဲ့ သက်တမ်းမှာ သုံးနှစ်ဖြစ်ပါတယ်။ ယာယီလိုင်စင်ရှိသူဟာ သုံးနှစ်အတွင်း သတ်မှတ်ထားသော သင်တန်းတတ်ပြီးတော့ လိုင်စင်လျှောက်ထားနိုင်သလို ယာယာလိုင်စင်လျှောက်ထားရန် သတ်မှတ်ထားသော တစ်နှစ်သက်တမ်းကာလကို ကျော်လွန်ပါကလည်း သတ်မှတ်ထားတဲ့ သင်တန်းတွေ
တတ်ကာ လိုင်စင် လျှောက်ထားရယူနိုင်ပါတယ်။
အကျိုးဆောင်တွေအတွက် လက်ရှိအနေအထားကနေ သင်တန်းတွေ တက်ပြီး အသိပညာ ဆည်းပူးရတော့မယ်။ လိုင်စင်ရယူဖို့ လုပ်ဆောင်လိုက်တဲ့အချိန်မှာ အဲ့ဒါတွေကနေ အကျိုးဆောင်တွေရဲ့ သဘော၊ ဌာနဆိုင်ရာသဘော၊ လယ်ယာမြေ စည်းမျဉ်းစည်းကမ်းတွေ၊ ဥပေဒလုပ်ထုံးလုပ်နည်းတွေ သိလာရင် အကျိုးဆောင်တစ်ယောက်အတွက် အင်မတန်ကောင်းမွန်တဲ့ အနေအထားတစ်ခုဖြစ်လာမယ်။ ဘာမှမသိဘဲ လုပ်တာထက်စာရင် သိပြီးလုပ်တာက အမှားအယွင်းကင်းတဲ့ အနေအထားတစ်ခု ဖြစ်လာမယ်လို့ မြန်မာနိုင်ငံအိမ်ခြံမြေ ဖွံ့ဖြိုးရေးတိုးတတ်ရေးအသင်း ဥက္ကဌ ဦးတင်မောင်က ပြောပါတယ်။
အကျိုးဆောင် လိုင်စင်ရှိသူနဲ့ အရောင်းအဝယ်လုပ်တဲ့အခါ စိတ်ချလက်ချ ဖြစ်လာမယ်။ အရောင်းအဝယ်မှားရင်အကျိုးဆောင်မှာ တာဝန်ရှိတာဖြစ်လို့ အကျိုးဆောင်တွေအနေနဲ့ မမှားယွင်းအောင်၊ အသိပညာရှိအောင် ကြိုးစားရမယ့်တာဝန်တွေ ရှိလာတယ်လို့ သိရပါတယ်။
Credit: The Kumudra
