ဂျပန်နိုင်ငံ၊ တိုကျိုမြို့တွင် လာမည့် ၂၀၂၀ ပြည့်နှစ်၌ နွေရာသီအိုလံပစ်ပွဲတော် လက်ခံကျင်းပမည်ဖြစ်ရာ အဆိုပါပွဲတော်ကြီး အကြိုကာလအတွင်း တိုကျိုမြို့ ၏ အိမ်ခြံမြေဈေးကွက်သည် မကြုံဖူးအောင် ဦးမော့လာနေလျက်ရှိကြောင်း ဂျပန်အခြေစိုက် သတင်းဝက်ဘ်ဆိုက်တစ်ခုတွင် ဖော်ပြသည်။
တိုကျိုတွင် အိမ်ငှားခများ မြင့်တက်လာမှုနှင့်အတူ နိုင်ငံခြားအရင်းအနှီးများ အလုံးအရင်းဝင်ရောက်လာနေမှုကြောင့် တိုကျိုအိမ်ခြံမြေဈေးနှုန်းများ မြင့်တက်လာလျက်ရှိနေသည်။
အိမ်ခြံမြေများစွာမှာ မူလဝယ်ယူခဲ့စဉ်ကဈေးနှုန်းထက် အလွန်များပြားသည့် ဈေးနှုန်းများဖြင့် ရောင်းချလာလျက်ရှိသည်။
ဈေးကွက်တင်ထားသည့်အိမ်ခြံမြေများ၏ တန်ဖိုးမှာလည်း မူလဈေးကွက်တင်ခဲ့စဉ်ထက် နှစ်ဆကျော် မြင့်တက်လာနေသည်။
အိမ်ခြံမြေသုတေသီတို့ သတိပေးထားသည်မှာ အိုလံပစ်ပွဲတော်အလွန်တွင် ဈေးကွက်ပြိုလဲမှုဖြစ်နိုင်ချေရှိသည်ဟုလည်း သတိပေးထားသည်။
အိမ်ခြံမြေကုမ္ပဏီများမှာ ဈေးကွက်ဖွံ့ဖြိုးလာမှုအတွင်း ရင်းနှီးမြှုပ်နှံမှုများ ပြုလုပ်ရေးနှင့် အိုလံပစ်အလွန် ဈေးကွက်ပြိုလဲနိုင်မှု အလားအလာအကြား ဆုံးဖြတ်ချက်ချနိုင်ရန် လွန်ဆွဲနေရသည့် စိန်ခေါ်မှုနှင့်လည်း ရင်ဆိုင်ရလျက် ရှိသည်။
ကမ္ဘာပေါ်တွင် အကြီးမားဆုံး နိုင်ငံရန်ပုံငွေတစ်ခုဖြစ်သော နော်ဝေအစိုးရ၏ ပင်စင်ရန်ပုံငွေအဖွဲ့က ပြီးခဲ့သော ၂ နှစ်ခန့်က ဂျပန်အိမ်ခြံမြေလောကသို့ စတင်ဝင်ရောက်ခဲ့သော်လည်း ထိုစဉ်က ရင်းနှီးမြှုပ်နှံမှု အနည်းငယ်သာ ပြုလုပ်ခဲ့သည်။
သို့ရာတွင် ယခုအချိန်တွင်မူ Tokyu Fudosan Holdings နှင့် ပူးပေါင်းကာ ရင်းနှီးမြှုပ်နှံမှု စုစုပေါင်း ယန်းငွေ ၁၃၀ ဘီလီယံ (ကန်ဒေါ်လာ ၁ ဒသမ ၁၅ ဘီလီယံ) ဖိုးအထိ ပြုလုပ်ထားသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
