ကမ္ဘာကျော် သိပ္ပံပညာရှင်ကြီး စတီဖင် ဟောကင်း တစ်ချိန်က ပိုင်ဆိုင်နေထိုင်ခဲ့ဖူးသော နေအိမ်ကြီး ပေါင် ၆ သိန်းကျော်ဖြင့် အရောင်းဈေးကွက်ဝင်လာကြောင်း အင်္ဂလန်အခြေစိုက် သတင်းဝက်ဘ်ဆိုက်တစ်ခုတွင် ဖော်ပြသည် ။
ကိန်းဘရစ်မြို့ ရှိ အဆိုပါနေအိမ်ကြီးတွင် စတီဖင်ဟောကင်းသည် ဒုတိယမြောက်ဇနီး အီလိုင်း မေဆင်နှင့်အတူ ၁၉၉၀ မှ ၂၀၀၀ ပြည့်နှစ်များအကြား နေထိုင်ခဲ့ဖူးသည်။
သူ မကွယ်လွန်မီ ၈ နှစ်ခန့်အလိုတွင် အဆိုပါ နေအိမ်မှ ပြောင်းရွှေ့ ခဲ့သည်။
စတီဖင်ဟောကင်းသည် ယခုနှစ် မတ်လ ၁၄ ရက်တွင် ကွယ်လွန်ခဲ့ခြင်း
ဖြစ်သည်။
စတီဖင်ဟောကင်း အသက် ၂၁ နှစ်အရွယ်ကတည်းက အာရုံကြောဝေဒနာ
စတင်ဖြစ်ပွားခဲ့ခြင်းဖြစ်ပြီး ဆရာဝန်များက နှစ်နှစ်အတွင်း သေဆုံးမည်ဟု ပြောကြားခဲ့ခြင်း ဖြစ်သည်။
ကိန်းဘရစ်မြို့ ၊ ပိုင်းဟာ့စ် ဆောက်သ်ရှိ ယခုနေအိမ်ကြီးကို ၁၉၉၀ ပြည့်နှစ်တွင် ဆောက်လုပ်ပြီးစီးခဲ့ပြီး စတီဖင်ဟောကင်းက ဝယ်ယူလိုက်ကာ ပထမဆုံးစတင်နေထိုင်ခဲ့သူလည်း ဖြစ်သည်။
ဇနီးဖြစ်သူ၊ မိခင်နှင့် ကလေး ၃ ဦးထံမှ ထွက်ခွာခဲ့ကာ သူနာပြု ဂျိန်းနှင့်အတူ ပြောင်းရွှေ့ နေထိုင်ခဲ့ခြင်း ဖြစ်သည်။
အိပ်ခန်း ၃ ခန်းပါ ယခုနေအိမ်ကြီးတွင် နေထိုင်နေစဉ် ၁၉၉၅ ခုနှစ်တွင် ၎င်းတို့နှစ်ဦး လက်ထပ်ခဲ့ကြသည်။
ဂွန်ဗီးလ်နှင့် ကိုင်းရပ်စ်ကောလိပ်များသို့ လမ်းလျှောက်သွားလျှင် မိနစ် ၂၀ ခရီးသာရှိသည်။
နေအိမ်ကြီးမှာ စတီဖင်ဟောကင်းအတွက် အထူးရည်ရွယ်ဆောက်လုပ်ခဲ့ခြင်းဖြစ်ရာ အိမ်အဝင်ပေါက်တွင် တပ်ဆင်ထားသော ဗွီဒီယိုလုံခြုံရေးစနစ်ကို တွန်းလှည်းထိုင်ခုံပေါ်မှတစ်ဆင့် ကြည့်ရှုဖွင့်လှစ်နိုင်သည်။
ညစာစားခန်းတွင် စတီဖင်ဟောကင်းက ဝက်သစ်ချသားများခင်းပေးရန်တောင်းဆိုခဲ့ရာ ယနေ့တိုင်မူလအတိုင်း ရှိနေဆဲ ဖြစ်သည်။
ယခုနေအိမ်ကြီးတွင် နေထိုင်စဉ်ကာလအတွင်း စတီဖင်ဟောကင်းက စကြာဝဠာတွင်းနက်ကြီးများအကြောင်းနှင့် မဟာပေါက်ကွဲမှု သီအိုရီတို့ကို ရေးသားခဲ့ခြင်း ဖြစ်သည်။
ဧည့်ခန်းမှာ အလွန်ကျယ်ဝန်းလှပြီး၊ စတီဖင်ဟောကင်းလက်ထက်ကနှင့် မတူသည်မှာ မီးဖိုဆောင်သစ်တစ်ခု၊ ရေချိုးခန်းသစ် ၂ ခုတို့ ပါဝင်လာခြင်း ဖြစ်သည်။
လက်ရှိပိုင်ဆိုင်ထားသူမှာ ဂျရဲဒ် မိုးဒ်ဖြစ်ပြီး လွန်ခဲ့သော ၅ နှစ်က ဝယ်ယူခဲ့ခြင်းဖြစ်ကာ ယခုအခါတွင် ကျေးလက်ဒေသသို့ ပြောင်းရွှေ့ လို သောကြောင့် ပြန်လည်ရောင်းချခြင်းဖြစ်သည်ဟု ဆိုသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
