အာရှတိုက်တစ်ဝန်းရှိ မြို့တော်ကြီးများက သစ်သားဖြင့် ဆောက်လုပ်မည့် ၎င်းတို့၏ ပထမဆုံးသစ်သားအဆောက်အအုံစီမံကိန်းများကို ပြသနေကြပြီဖြစ်သည်။
ဂျပန်ဝါရင့်စီးပွားရေးလုပ်ငန်းစုတစ်ခုဖြစ်သော Sumitomo Forestry က ကုမ္ပဏီသက်တမ်း နှစ် ၃၅၀ ပြည့်အထိမ်းအမှတ်အဖြစ် ကမ္ဘာ့အမြင့်ဆုံး
သစ်သားအဆောက်အအုံဖြစ်လာမည့် အထပ်ပေါင်း ၇၀၊ အမြင့် မီတာ ၃၅၀ မြင့်သော မိုးမျှော်သစ်သားအဆောက်အအုံတစ်ခု တည်ဆောက်ရန် အစီအစဉ်များအား ဖေဖော်ဝါရီလအစောပိုင်းတွင် ချပြခဲ့ပြီးဖြစ်သည်။
ယခုအခါ သြစတြေးလျသည်လည်း သစ်သားအဆောက်အအုံများကို မျက်စိကျလာပြီဖြစ်ကြောင်း သိရသည်။
ဘရစ္စဘိန်းမြို့တွင် တည်ဆောက်မည့် ရုံးခန်းအဆောက်အအုံဖြစ်သော သစ်သားအဆောက်အအုံ 25 King သည် အထပ် ၁၀ ထပ်ပါဝင်ကာ ၄၅ မီတာမြင့်မားမည်ဖြစ်ကြောင်း တည်ဆောက်မည့် ဆစ်ဒနီအခြေစိုက် ဆောက်လုပ်ရေးနှင့် အိမ်ခြံမြေရေးရာကုမ္ပဏီ Lendlease ကုမ္ပဏီက ဇူလိုင် ၂၀ တွင် ကြေညာခဲ့သည်။
သြစတြေးလျဒေါ်လာ သန်း ၁၄၀ (အမေရိကန်ဒေါ်လာ ၁၀၃ သန်း) ကုန်ကျမည့် ၎င်းစီမံကိန်းအကောင်အထည်ပေါ်လာပါက ကမ္ဘာ့အမြင့်ဆုံးသစ်သားရုံးခန်း အဆောက်အအုံဖြစ်လာမည်ဖြစ်ကြောင်း Lendlease က ကြေညာထားသည်။
လာမည့် အောက်တိုဘာတွင် တည်ဆောက်ပြီးစီးရန် လျာထားသည့် 25 King မတိုင်မီ သြစတြေးလျတွင် အလားတူစီမံကိန်းများ ပြီးခဲ့သည့်သီတင်းပတ်
အနည်းငယ်အတွင်းက ထွက်ပေါ်လာခဲ့သေးကြောင်း သိရသည်။
ယခုလအစောပိုင်းတွင် Developer (မြေယာဝယ်ယူ၍ အဆောက်အအုံ
ဆောက်လုပ်ရောင်းချရေးကုမ္ပဏီ) AsheMorgan က မဲလ်ဘုန်း၏ ပထမဆုံးသစ်သားရုံးခန်းအဆောက်အအုံ Woodwork အား ဆောက်လုပ်မည့် စီမံကိန်းကို ကြေညာခဲ့သည်။
အထပ် ခြောက်ထပ်ပါဝင်ပြီး စတုရန်းမီတာ ၈,၀၀၀ ကျယ်ဝန်းမည့် Woodwork အား သြစတြေးလျဒေါ်လာ ၅၆ သန်း အသုံးပြုကာ သစ်ပါးလွှာ၊ ဖော်ဖိုင်ကာ စသည် အလွှာအုပ်ထားသော အထပ်သား CLT ဖြင့် ၈၀ ရာခိုင်နှုန်း တည်ဆောက်မည်ဖြစ်ကြောင်း သိရသည်။
ခင်အေးချမ်း မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com
