ဟောင်ကောင်အခြေစိုက် ချောင်ဘန်းကုမ္ပဏီသည် တရုတ်ပြည်၊ ရှန်ဟိုင်းရှိ စတုရန်းမီတာ ၃၀၀၀၀၀ ခန့်ကျယ်ဝန်းသော စီမံကိန်းနေရာကို ယွမ်ငွေ ၇ ဒသမ ၁ ဘီလီယံဖြင့် ဝယ်ယူလိုက်ကြောင်း တရုတ်ပြည်၊ ကွမ်တုံပြည်နယ်၊ ကွမ်ကျိုးမြို့အခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
တရုတ်ပြည်၊ ရှန်ဟိုင်းမြို့၊ ဟောင်ကူးနော့သ်ဘွန်းဒေသတွင်ရှိသည့် စတုရန်းမီတာ ၃၀၀၀၀၀ ခန့်ကျယ်ဝန်းသော ၁၈ ဘလောက်အကျယ်အဝန်းနေရာကို အရောင်းအဝယ်ပြုလုပ်ခဲ့ခြင်းဖြစ်သည်။
အဆိုပါ Hongkou Sky King စီမံကိန်းကို ဟောင်ကောင်ရှိ ချောင်ဘန်းအုပ်စု (Chongbang Group ) က ကြမ်းခင်းဈေး ယွမ်ငွေ ၇ ဒသမ ၁ ဘီလီယံဖြင့် ယယ်ယူလိုက်ခြင်းဖြစ်ပြီး ယင်းစီမံကိန်းအတွက် စုစုပေါင်း ရင်းနှီးမြှုပ်နှံမှုမှာ ယွမ်ငွေ ၁၅ ဘီလီယံအထိ ရောက်ရှိဖွယ်ရာရှိကြောင်း ခန့်မှန်းထားသည်။
မြေနေရာအကျယ်အဝန်းစုစုပေါင်းမှာ စတုရန်းမီတာ ၄၆၁၀၀ ရှိပြီး မြေညီထပ်၏ ကြမ်းခင်းဧရိယာမှာ စတုရန်းမီတာ ၁၉၅၀၀၀ ရှိမည်ဖြစ်ကာ မြေအောက်ထပ်ဧရိယာမှာ စတုရန်းမီတာ ၁၁၀၀၀၀ အထိရှိမည်ဟု ဆိုသည်။
စီမံကိန်းတည်နေရာမှာ ရှန်ဟိုင်းမြို့၊ စီချွမ်မြောက်လမ်း၏ ဟောင်ကူး ၁၈ လမ်းတွင် တည်ရှိသည်။
လွှဲပြောင်းမှုဆိုင်ရာ သဘောတူညီချက်များအရ စတုရန်းမီတာ ၁၄၀၀၀ ခန့်ကျယ်ဝန်းသော စာပေပြတိုက်တစ်ခု ဆောက်လုပ်ပေးကာ ဟောင်ကူးအုပ်ချုပ်ရေးအဖွဲ့သို့ အခမဲ့လွှဲပြောင်းပေးရမည်ဖြစ်ပြီး developer အနေဖြင့် စီမံကိန်းပြီးစီးပါက နှစ်ပေါင်း ၂၀ ထိန်းသိမ်းလည်ပတ်ရန် လိုအပ်သည်ဟု ဆိုသည်။
Chongbang Group ကို ဟောင်ကောင်တွင် ၂၀၀၃ ခုနှစ်၌ စတင်တည်ထောင်ခဲ့ပြီး Hong Kong Antai Group, Shun Hing Group, Weixin Group, Timezone International တို့အပါအဝင် စင်္ကာပူနှင့် အမေရိကန်ကုမ္ပဏီများက ရှယ်ယာထည့်ဝင်ထားသည်။
အဓိကအားဖြင့် တရုတ်ပြည်တွင် ကူးသန်းရောင်းဝယ်ရေးဆိုင်ရာ အဆောက်အအုံများ ဆောက်လုပ်ရေးကဏ္ဍ၌ ရင်းနှီးမြှုပ်နှံပြီး ရှန်ဟိုင်းတွင် စီမံကိန်း ၆ ခု အကောင်အထည်ဖော်နေသည့်အနက် ၄ ခုကို ဖွင့်လှစ်ခဲ့ပြီး ဖြစ်သည်။
ဖွင့်လှစ်ပြီးသော စီမံကိန်း ၄ ခုမှာ ရှန်ဟိုင်း ဒါနင်း နိုင်ငံတကာ ကူးသန်းရောင်းဝယ်ရေး ပလာဇာ (Shanghai Daning International Commercial Plaza) ၊ Jinqiao နိုင်ငံတကာ ကူးသန်းရောင်းဝယ်ရေးပလာဇာ (Jinqiao International Commercial Plaza) ၊ Sinan Mansion နှင့် Jiatinghui တို့ ဖြစ်ကြသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
