အမေရိကန်တွင် ဧကပေါင်း ၄၀၄၇ ဧကရှိပြီး စားကျက်မြေ ၁၉၀၀ ဧက ပါဝင်သည့် မွေးမြူရေးခြံကြီး ကန်ဒေါ်လာ ၂၆ သန်းကျော်ဖြင့် အရောင်းဈေးကွက်ဝင်လာသည်။
ဖလော်ရီဒါပြည်နယ် အနောက်တောင်ပိုင်း၊ ဒီဆိုတိုခရိုင်တွင် တည်ရှိပြီး အပန်းဖြေခြင်း၊ သဘာဝအလှနှင့် ဝင်ငွေအလားအလာရှိခြင်းများ ရောယှက်နေသည့် ယာတောခြံကြီးဖြစ်ပြီး BR Ranch ဟု လူသိများသည်။
ကျွဲနွားများနှင့် စိုက်ပျိုးရေးလုပ်ငန်းများလုပ်ဆောင်နိုင်သည့် မြက်ခင်းဧရိယာမှာ ဧကပေါင်း ၁၉၀၀ ခန့်အထိ ပါဝင်ပြီး နေအိမ်အဆောက်အအုံ ၂ လုံး၊ စပါးကျီ ၂ ခုနှင့် ငါးမွေးမြူနိုင်သည့် ရေကန်များစွာ ပါဝင်သည်ဟု အရောင်းဈေးကွက်တင်သည့် အိမ်ခြံမြေကုမ္ပဏီ Kohler & Associates ၏ ကြော်ငြာတွင် ဖော်ပြသည်။
ငှက်မျိုးစိတ် အားလုံးနီးပါး တွေ့ရှိရနိုင်ပြီး အထူးသဖြင့် ဆောင်းတွင်းကာလများတွင် ဖြစ်ကြောင်းလည်း Kohler & Associates ၏ ပိုင်ရှင်ဖြစ်သူ မစ္စတာ ခိုလာက ပြောကြားသည်။
ယာတောကြီးအတွင်း နေအိမ်အဆောက်အအုံ ၂ လုံးပါဝင်ပြီး The Cypress Lodge နှင့် The Ranch House ဟု အမည်ပေးထားသည်။
Cypress Lodge သည် ၂၉၀၀ စတုရန်းပေရှိပြီး အိပ်ခန်း ၃ ခန်းနှင့် ရေချိုးခန်း ၃ ခန်း၊ ကျောက်တုံးမီးလင်းဖိုတစ်ခု ပါဝင်သည့်ဧည့်ခန်း၊ အိမ်တွင်းအိမ်ပြင် ဖြန့်ကျက်တည်ရှိသည့် ညစာစားနေရာတို့ ပါဝင်သည်။
အခြားအဆောက်အအုံတစ်လုံးဖြစ်သော The Ranch House ကို ပွန်ဒီရိုဆာ The Ponderosa ဟုလည်း ခေါ်ဆိုကြပြီး လူနေကြမ်းခင်းဧရိယာအကျယ်အဝန်း ၃၀၃၇ စတုရန်းပေ ကျယ်ဝန်းသည်။
နေအိမ်အတွင်း အိပ်ခန်း ၄ ခန်း၊ ရေချိုးခန်း ၃ ခန်း၊ ကျောက်တုံးမီးလင်းဖိုတစ်ခုပါသည့် ဧည့်ခန်း၊ စကျင်ကျောက်ခင်း ကောင်တာများ၊ စတီးအသုံးအဆောင်ပစ္စည်းများထည့်သွင်းပေးထားသည့် မီးဖိုဆောင်တို့လည်း ပါဝင်သည်။
ယာတောကြီးတွင် ဝင်ငွေရလမ်း အလားအလာကောင်းများရှိပြီး လက်ရှိအားဖြင့် ဧကပေါင်း ၃၀၀ ကျော်ကို တစ်ဧကလျှင် ကန်ဒေါ်လာ ၅၀၀ ဖြင့် အာလူး၊ ဖရဲ၊ ဟင်းသီးဟင်းရွက်တို့ စိုက်ပျိုးရန် အငှားချထားလျက်ရှိသည်။
လက်ရှိပိုင်ရှင်များဖြစ်သော မိုက်ကယ် ဘေရွန်နှင့် ဂျွိုက်စ်ဘေရွန်တို့သည် ဖလော်ရီဒါပြည်နယ်တွင် ထင်ရှားသည့် developer များဖြစ်ခဲ့ကြကြောင်း မစ္စတာခိုလာက ပြောကြားသည်။
ပိုင်ရှင်များသည် တောင်ဖလော်ရီဒါတွင် အရေးပါသည့်ဆောက်လုပ်ရေးစီမံကိန်းများ လုပ်ဆောင်ခဲ့ကြသူများဖြစ်ပြီး ၎င်းတို့၏ ဖောက်သည်များကို ဖျော်ဖြေမှုပေးရန်အတွက် ယာတောခြံများစွာ ဝယ်ယူထားခဲ့ရာ ယခုခြံလည်း အပါအဝင်ဖြစ်သည်ဟု မစ္စတာခိုလာက ထုတ်ဖော်ပြောကြားသည်။
၂၀၁၆ ခုနှစ်အတွင်း မိုက်ကယ်ဘေရွန်သည် နေပယ်မြို့ ရှိ ဧက ၂၅၀၀ ကျယ်ဝန်းသော မြေကွက်ကြီးကို ဘီလျံနာ developer ကြီးတစ်ဦးဖြစ်သော ဂျက်ဖ် ဂရီးနီးထံ ကန်ဒေါ်လာ ၃၈ ဒသမ ၅ သန်းဖြင့်ေ ရာင်းချခဲ့ဖူးသည်။
ယခုယာတောခြံကြီးကို ရောင်းထုတ်ရသည့် အကြောင်းရင်းမှာ စီးပွားရေးလုပ်ငန်းများ အရှိန်လျော့ရမည့် အသက်အရွယ်သို့ ရောက်ရှိနေပြီဖြစ်သောကြောင့်ဟု ဆိုသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
