၂၀၁၈ ခုနှစ်၊ ပထမနှစ်ဝက်တာ ကာလအတွင်း ဗီယက်နမ် အိမ်ခြံမြေဈေးကွက်သို့ နိုင်ငံခြားရင်းနှီးမြှုပ်နှံမှုများ အလုံးအရင်းဝင်ရောက်ခဲ့ကြောင်း ဗီယက်နမ်အခြေစိုက် သတင်းဝက်ဘ်ဆိုက်တစ်ခုတွင် ဖော်ပြသည်။
အိမ်ခြံမြေနယ်သို့ ဝင်ရောက်ရင်းနှီးမြှုပ်နှံမှု ပမာဏမှာ ကန်ဒေါ်လာ ၅ ဒသမ ၅၄ ဘီလီယံရှိခဲ့ရာ စုစုပေါင်း နိုင်ငံခြားတိုက်ရိုက် ရင်းနှီးမြှုပ်နှံမှု၏ ၂၇ ဒသမ ၃ ရာခိုင်နငန်းအထိ ရှိခဲ့ကြောင်း ဖော်ပြသည်။
စင်္ကာပူ၊ မလေးရှား၊ အင်ဒိုနီးရှားတို့နည်းတူ ဗီယက်နမ်သည် နိုင်ငံခြားရင်းနှီးမြှုပ်နှံသူတို့ ထိပ်တန်းဦးစားပေးရွေးချယ်သည့် နိုင်ငံများတွင် ပါဝင်ပြီး အဓိကအားဖြင့် အခြေခံအဆောက်အအုံနှင့် အိမ်ခြံမြေဈေးကွက်တို့တွင် ဖြစ်သည်။
ဗီယက်နမ်အိမ်ခြံမြေဈေးကွက်တွင် ရှေးယခင်ကတည်းက ဝင်ရောက်ရင်းနှီးမြှုပ်နှံခဲ့သည်မှာ စင်္ကာပူနှင့် တောင်ကိုရီးယားတို့မှဖြစ်ပြီး ယခုအခါတွင် ဂျပန်၊ တရုတ်၊ ဟောင်ကောင်နှင့် ထိုင်ဝမ်တို့မှ ရင်းနှီးမြှုပ်နှံသူများပါ ဝင်ရောက်လာလျက်ရှိကြသည်။
“အခြေခံအဆောက်အအုံနဲ့ အိမ်ခြံမြေဈေးကွက်တွေဟာ ဗီယက်နမ်မှာ အားကောင်းနေပါတယ်။ နိုင်ငံခြားရင်းနှီးမြှုပ်နှံသူတွေကလည်း ဒီဖွံ့ဖြိုးမှုတွေကို သိမြင်ပြီးတဲ့နောက် ဒီနယ်ပယ်တွေမှာ အခွင့်အလမ်းတွေ ဝင်ရောက်ရှာဖွေလာကြပါတယ်” ဟု Royal Institution of Chartered Surveyors of the ASEAN region မှ မန်နေးဂျင်းဒါရိုက် ဒက်စ်တာ ဆီးက ဟိုချီမင်းမြို့တော်တွင် ကျင်းပခဲ့သော “အခြေခံအဆောက်အအုံနှင့် အိမ်ခြံမြေလောက ဖွံ့ဖြိုးရေး- စိန်ခေါ်မှုများနှင့် အခွင့်အလမ်း” အမည်ရှိ ကွန်ဖရင့်တွင် ပြောကြားခဲ့သည်။
အဆိုပါ ဆွေးနွေးပွဲသည် ဗီယက်နမ်တွင် ပထမဆုံးအကြိမ် ကျင်းပခဲ့ခြင်းဖြစ်ပြီး ဗီယက်နမ်နိုင်ငံ၏ အခြေခံအဆောက်အအုံနှင့် အိမ်ခြံမြေဈေးကွက်ဆိုင်ရာ အကြောင်းရပ်အမျိုးမျိုးကို ဆွေးနွေးခဲ့ကြသည်။
ဗီယက်နမ် ဆောက်လုပ်ရေးဝန်ကြီးဌာန လက်အောက်ရှိ အိုးအိမ်နှင့် အိမ်ခြံမြေဈေးကွက်စီမံခန့်ခွဲရေး အေဂျင်စီ၏ လက်ထောက် အထွေထွေညွှန်ကြားရေးမှူး ဗူဗန်ဖန်က ပြောကြားရာတွင် အိမ်ခြံမြေဈေးကွက် ဖွံ့ဖြိုးရေးအတွက် အခြေခံအဆောက်အအုံကဏ္ဍမှာ များစွာ အရေးပါကြောင်း ပြောကြားသည်။
အရေးပါသည့် မြို့ကြီးများတွင် အခြေခံအဆောက်အအုံများ အဆင့်မြှင့်တင်ရန် စီမံကိန်းများ စတင်သည်နှင့် မြို့လယ်နှင့် ဆင်ခြေဖုံးဒေသများရှိ အိမ်ခြံမြေဈေးနှုန်းများ မြင့်တက်လာပုံကို သာဓကများစွာ ထုတ်ပြခဲ့ပြီး ယင်းသို့သော အခြေအနေမျိုးမှာ အိမ်ခြံမြေဈေးကွက်အပေါ် ဆိုးကျိုးသက်ရောက်မှုများ ဖြစ်လာစေနိုင်ပြီး အိမ်ခြံမြေပူဖောင်းပေါက်ကွဲမှုဖြစ်စဉ်ပင် ပေါ်ပေါက်လာတတ်ကြောင်းလည်း ဗူဗန်ဖန်က ထောက်ပြခဲ့သည်။
“အခြားနိုင်ငံတွေမှာလိုပဲ ဗီယက်နမ်ရဲ့ အခြေခံအဆောက်အအုံစနစ် ဖွံ့ဖြိုးမှုလုပ်ငန်းဟာ အိမ်ခြံမြေဈေးကွက်နဲ့ နီးကပ်စွာ ဆက်စပ်နေပါတယ်။ မကောင်းတဲ့ဆိုးကျိုးတွေ ရိုက်ခတ်လာနိုင်မှုကို ထိန်းချုပ်ဖို့အတွက် အစိုးရအနေနဲ့ အဖြေရှာသင့်ပါတယ်” ဟုလည်း မစ္စတာ ဖန်က ဆက်လက်ပြောကြားခဲ့သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
