ရန်ကုန်မြို့ရှိ အတွင်းဝန်ရုံးခေါ် ဝန်ကြီးများရုံးကို အာဇာနည်ပြတိုက်အဖြစ် လာမည့်နှစ် ဧပြီခန့်တွင် ဖွင့်လှစ်နိုင်ရန် လုပ်ဆောင်နေကြောင်း အဆိုပါအဆောက်အအုံကြီး၏ပြုပြင်ထိန်းသိမ်းစောင့်ရှောက်ရေးအဖွဲ့ဥက္ကဋ္ဌ ဒေါက်တာ မောင်မောင်သိမ်းက ဆိုသည်။
"မြန်မာပြည်ရဲ့လွှတ်တော်ဘိုးဘေးက ဒီမှာရှိနေတယ်။ ဒါကြောင့် လွှတ်တော်ပြတိုက်နဲ့ အာဇာနည်ပြတိုက် နှစ်မျိုးဖွင့်သွားမယ်။ ပြစရာ ကြည့်စရာတွေကတော့ နာရီပေါင်း များစွာ ကြည့်ရတဲ့ပြတိုက်တော့ မဟုတ်ဘူး"ဟု ဘဏ္ဍာရေး ဒုတိယဝန်ကြီးဟောင်းဖြစ်သူ ၎င်းက ရှင်းပြသည်။
အဆိုပါပြတိုက်တွင် လွှတ်တော်တိုက်၊ မြန်မာ့ယဉ်ကျေးမှု ပြခန်းများ၊ တိုင်းရင်းသားများ၏ အသုံးအဆောင်ပစ္စည်းအရောင်းဆိုင်များထားရှိမည်ဖြစ်ပြီး အာဇာနည်ပြခန်းတွင် လုပ်ကြံခံရစဉ်က အခြေအနေများ ပြသထားမည်ဖြစ် ကြောင်း ဒေါက်တာ မောင်မောင်သိမ်းက ဆိုသည်။
ပရိဘောဂပစ္စည်းများမှာမူ နိုင်ငံတော်မှ မူရင်းပစ္စည်း များပြသခွင့်ပေးပါက မူရင်းအတိုင်းပြသထားမည်ဖြစ်ပြီး ပြသခွင့်မပေးပါက ပစ္စည်းပုံစံတူပြုလုပ်၍လည်းကောင်း၊ ဓာတ်ပုံများဖြင့်လည်းကောင်း ပြသသွားမည်ဖြစ်ကြောင်းလည်း သိရသည်။
ဝန်ကြီးများရုံးပရဝဏ်မှာ ၁၆ ဧက ကျယ်ဝန်းပြီး ပြုပြင်ထိန်းသိမ်းခြင်းလုပ်ငန်းများသည် ယခုအခါ ထက်ဝက်ခန့် ပြီးစီးနေပြီဖြစ်ကြောင်းလည်း သိရသည်။ ဗိုလ်ချုပ်ပြတိုက်နှင့် လွှတ်တော်ပြတိုက်ကို ဦးစားပေးပြုပြင်လျက်ရှိပြီး အဆိုပါပြတိုက်နှစ်ခုသည် ၈၀ ရာခိုင်နှုန်းခန့် ပြုပြင်ပြီးဖြစ်ကြောင်း သိရသည်။
ပြုပြင်မွမ်းမံခြင်းလုပ်ငန်းအတွက် အမေရိကန်ဒေါ်လာ သန်း ၂၀ ခန့်ကုန်ကျမည်ဖြစ်သဖြင့် ပြတိုက်ဖွင့်လှစ်ပါက ဝင်ကြေးများကို အများပြည်သူတတ်နိုင်သည့် ပမာဏအတိုင်း အထိုက်အလျောက် ကောက်ခံသွားမည်ဖြစ်ကြောင်းလည်း ဒေါက်တာမောင်မောင်သိမ်းက ဆိုသည်။
"နိုင်ငံခြားသားတွေ လာရောက်လေ့လာဖို့အတွက် အဓိကရည်ရွယ်ပြီး ဖွင့်တာဖြစ်ပါတယ်"ဟု ၎င်းက ပြောသည်။
ဝန်ကြီးများရုံး ပြုပြင်ထိန်းသိမ်း စောင့်ရှောက်ရေးအဖွဲ့က ပြတိုက်ပြုပြင်မွမ်းမံခြင်းလုပ်ငန်းကို အစိုးရထံမှ ဘီအိုတီစနစ်ဟု အများခေါ်သည့် တည်ဆောက်လုပ်ငန်းလည်ပတ် လွှဲပြောင်းစနစ်ဖြင့် လုပ်ကိုင်နေခြင်းဖြစ်ပြီး ပြတိုက်ကို လည်း ၎င်းတို့ကပင် တာဝန်ယူဖွင့်လှစ်သွားမည်ဖြစ်ကြောင်း ၎င်းကပြောသသည်။
Credit: The Myanmar Times
