ကန်ဒေါ်လာ ၁၀၀ ဘီလီယံနီးပါး အကြွေးတင်နေသော တရုတ်ပြည်မကြီးမှ HNA Group သည် စင်္ကာပူရှိ ဂိုဒေါင် အဆောက်အအုံ ၅ လုံးကို Mapletree သို့ စင်္ကာပူဒေါ်လာ သန်း ၇၀၀ ကျော်ဖြင့် ရောင်းချလိုက်ပြန်ပြီ ဖြစ်သည်။
Mapletree Logistics Trust (MLT ) ကုမ္ပဏီ၏ ထုတ်ပြန်ချက်အရ ဂိုဒေါင် ၅ လုံးကို HNA ထံမှ စင်္ကာပူဒေါ်လာ သန်း ၇၃၀ (ကန်ဒေါ်လာ ၅၃၅ သန်း) ဖြင့် ဝယ်ယူလိုက်ကြောင်း ဖော်ပြထားသည်။
HNA ၏ စင်္ကာပူ ကုမ္ပဏီခွဲတစ်ခုဖြစ်သော CWT International မှတစ်ဆင့်ရောင်းချလာခြင်းဖြစ်သည်။
ဂိုဒေါင်များ၏ စုစုပေါင်း အကျယ်အဝန်းမှာ စတုရန်းပေ ၃ ဒသမ ၂ သန်း (၂၉၇၀၀၀ စတုရန်းမီတာ) ကျယ်ဝန်းပြီး ကာလပေါက်ဈေး အောက် ၃ ဒသမ ၃ ရာခိုင်နှုန်းလျှော့ဈေးဖြင့် ရောင်းချလိုက်ခြင်းလည်း ဖြစ်သည်။
ကန်ဒေါ်လာ ၁၀၀ ဘီလီယံနီးပါးအကြွေးတင်နေသော HNA သည် ကြွေးမြီများကို ပေးဆပ်ရန်အတွက် ပြီးခဲ့သော ၂၀၁၇ နှစ်ကုန်ပိုင်းမှ စတင်ကာ ကမ္ဘာတစ်ဝန်းရှိ အိမ်ခြံမြေများကို ဆက်တိုက်ရောင်းထုတ်လျက်ရှိနေသည်။
….စင်္ကာပူရဲ့  မျက်မှောက်ခေတ်ဂိုဒေါင်တွေ လည်ပတ်လုပ်ကိုင်နေတဲ့ ကုမ္ပဏီတွေထဲမှာ MLT ဟာ အကြီးမားဆုံး ကုမ္ပဏီတစ်ခုအဖြစ် ရပ်တည်ချက်ကို အခုဝယ်ယူလိုက်မှုက ပိုမိုခိုင်မာစေမှာဖြစ်ပါတယ်…ဟု MLT ကုမ္ပဏီ၏ အမှုဆောင်အရာရှိချုပ် Ng Kiat က ပြောကြားသည်။
…အခု ဝယ်ယူလိုက်တဲ့ အကျယ်အဝန်းနဲ့ ပေါင်းမယ်ဆိုရင် စင်္ကာပူမှာ ကျွန်တော်တို့ လည်ပတ်လုပ်ကိုင်နေတဲ့ ဂိုဒေါင်နေရာ စုစုပေါင်း အကျယ်အဝန်းဟာ စတုရန်းပေ သန်း ၂၀ ကျော်ရှိလာမှာဖြစ်ပြီး စင်္ကာပူဟာလည်း ကမ္ဘာလုံးဆိုင်ရာ ကုန်စည်အချက်အခြာထောက်ပံ့မှုပေးရာဗဟိုချက်အဖြစ် ဆက်လက်ကြီးထွားလာနေမှုကနေ ကျွန်တော်တို့အတွက် အကျိုးကျေးဇူးတွေ ရရှိလာစေမှာပဲ ဖြစ်ပါတယ်…ဟုလည်း ၎င်းက ဆက်လက်ပြောကြားသည်။
HNA သည် ပြီးခဲ့သော ဒီဇင်ဘာလတွင် စင်္ကာပူရှိ ဂိုဒေါင်များကို စတင်ဝယ်ယူခဲ့ခြင်းဖြစ်ပြီး စင်္ကာပူ ကုမ္ပဏီတစ်ခုဖြစ်သော CWT Group ထံမှ ကန်ဒေါ်လာ ၁ ဘီလီယံဖိုးအထိ ဝယ်ယူသွားရန် စီစဉ်ခဲ့သည်ဟု ဆိုသည်။
ယခုအရောင်းအဝယ်ကို လာမည့် စက်တင်ဘာလတွင် အပြီးသတ်ပြုလုပ်သွားနိုင်ရန် စီစဉ်ထားသည်။
HNA သည် စင်္ကာပူရှိ ဂိုဒေါင်များကို ဝယ်ယူပြီး မကြာမီတွင်ပင် ကမ္ဘာတစ်ဝန်းရှိ အိမ်ခြံမြေများစွာကို ပြန်လည်ရောင်းထုတ်လာရခြင်း လည်း ဖြစ်သည်။
ယခုနှစ်စပိုင်းမှ စတင်ကာ ကန်ဒေါ်လာ ၂ ဘီလီယံတန်ကြေးရှိ ဟောင်ကောင်ရှိ မြေနေရာ၊ ကန်ဒေါ်လာ ၁၆၆ သန်းဖြင့် ဆစ်ဒနီရှိ ရုံးခန်းအဆောက်အအုံ၊ ကန်ဒေါ်လာ ၇၁၉ သန်းဖြင့် စပိန်ရှိ NH ဟိုတယ်များနှင့် Hilton Worldwide ၏ ရှယ်ယာများ၊ Deutsche ဘဏ်၊ နယူးယောက်ရှိ 245 Park Ave အဆောက်အအုံကြီး၊ ဟိုတယ်များနှင့် အပန်းဖြေစခန်းများစွာ ဆက်တိုက်ရောင်းထုတ်ခဲ့သည်။
ယခုဇူလိုင်လ အစောပိုင်းတွင်လည်း HNA သည် ဟောင်ကောင်ရှိ Peak, House 6 အဆောက်အအုံကြီးအတွက် ချေးငွေရယူရန် ကြိုးပမ်းခဲ့သည်ဟု ဆိုသည်။
ယင်းအဆောက်အအုံကို ၂၀၁၅ ခုနှစ်အတွင်း ဟောင်ကောင်ဒေါ်လာ ၅၀၆ သန်း (ကန်ဒေါ်လာ ၆၄ သန်း) ဖြင့် ဝယ်ယူခဲ့ခြင်းဖြစ်ပြီး အာရှတွင် စတုရန်းတစ်ပေချင်းပေါက်ဈေး အမြင့်မားဆုံးအရောင်းအဝယ်အဖြစ် စံချိန်တင်ခဲ့သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
