ဖိလစ်ပိုင်နိုင်ငံ ၊ မနီလာမြို့တော်အနီးတွင် စမတ်မြို့တော်သစ်ကြီးကို ကန်ဒေါ်လာ ၁၄ ဘီလီယံခန့် အကုန်အကျခံ ဆောက်လုပ်ရန် စီစဉ်လျက်ရှိကြောင်း အမေရိကန်အခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
ယင်းမြို့တော်ကြီး ဆောက်လုပ်ရေးလုပ်ငန်းများကို ၂၀၂၂ ခုနှစ်ခန့်တွင် စတင်မည် ဖြစ်သည်။
အဆိုပါမြို့တော်သစ်ကြီး ဒီဇိုင်းရေးဆွဲခြင်း၊ ဆောက်လုပ်ခြင်း၊ ဘဏ္ဍာရေးကဏ္ဍနှင့် လည်ပတ်ခြင်းဆိုင်ရာ ကဏ္ဍများအတွက် ကုမ္ပဏီများစွာက လေလံဝင်ရောက်ယှဉ်ပြိုင်ခြင်းများ ပြုလုပ်လျက်ရှိနေကြပြီ ဖြစ်သည်။
စီမံကိန်းကို ဦးဆောင်မည့် developer များမှာ BCDA Group နှင့် Surbana Jurong တို့ဖြစ်ပြီး New Clark City ဟု အမည်ပေးမည့် မြို့တော်သစ်ကြီး၏ အခြေခံအဆောက်အအုံများကို ပုဂ္ဂလိက- အစိုးရ ပူးပေါင်းသည့် ပုံစံဖြင့် အကောင်အထည်ဖော်သွားမည်ဟု Business Insider တွင်လည်း ဖော်ပြသည်။
ဖိလစ်ပိုင်နိုင်ငံ၏ မြို့တော်၊ မနီလာမှ ၇၅ မိုင်ခန့်အကွာတွင် တည်ရှိမည့် အဆိုပါစီမံကိန်းသည် စတုရန်းမိုင်ပေါင်း ၃၆ မိုင်ခန့်အထိ အကျယ်အဝန်းရှိမည်ဖြစ်ပြီး လူဦးရေ ၂ သန်းခန့်အထိ နေထိုင်နိုင်မည့် မြို့တော်ကြီးဖြစ်လာမည် ဖြစ်သည်။
မြို့တော်ကြီးတွင် မောင်းသူမဲ့လေယာဉ်များ၊ မောင်းသူမဲ့ကားများ များစွာတွေ့မြင်ရမည်ဖြစ်ပြီး ရေနှင့် စွမ်းအင်များကို ပိုမိုထိရောက်စွာ အသုံးပြုနိုင်ကာ သဘာဝပတ်ဝန်းကျင်နှင့် သဟဇာတဖြစ်မည့် နည်းပညာများ အသုံးပြုသွားမည်ဖြစ်ကြောင်း developer တို့က ထုတ်ပြန်ထားသည်။
ဖိလစ်ပိုင်နိုင်ငံ၏ မြို့တော် မနီလာသည် လူဦးရေအလွန်ထူထပ်လှကာ ကားလမ်းပိတ်ဆို့မှုဖြင့် နာမည်ကျော်သည်။
Waze ကုမ္ပဏီက ကောက်ယူခဲ့သည့် စစ်တမ်းတစ်ရပ်အရ မနီလာသည် ကမ္ဘာပေါ်တွင် ယာဉ်ကြောပိတ်ဆို့မှု အဆိုးရွားဆုံးအဖြစ် ရပ်တည်နေသည်။
ကားများအပေါ်တွင် အလွန်မှီခိုနေရသော မနီလာမြို့တော်မှာ လေထုညစ်ညမ်းမှု ပြဿနာနှင့်လည်း ရင်ဆိုင်ရလာရခြင်းကြောင့် ယခုကဲ့သို့ မြို့တော်သစ်ကြီး ဆောက်လုပ်ရန် စီစဉ်လာရခြင်းလည်း ဖြစ်သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
