ဒိုင်ယာနာ၏ နေ့စဉ်မှတ်တမ်းများ စာအုပ်ကို ရေးသားခဲ့သည့် ကမ္ဘာကျော်စာရေးဆရာမ တီနာ ဘရောင်းနှင့် ခင်ပွန်းဖြစ်သူ ရိုက်တာသတင်းဌာန အယ်ဒီတာတို့သည် နယူးယောက်တိုက်ခန်းကို ချီလီဘီလျံနာကြီးထံ ရောင်းချလိုက်ကြောင်း နယူးယောက်အခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
တီနာဘရောင်းသည် စာနယ်ဇင်းသမား၊ မဂ္ဂဇင်းအယ်ဒီတာ၊ ပင်တိုင်ဆောင်းပါးရှင်တစ်ဦးဖြစ်ပြီး ဝေလမင်းသမီး ဒိုင်ယာနာ၏ အတ္ထုပ္ပတ္တိ စာအုပ်တစ်ခုဖြစ်သော “ဒိုင်ယာနာ၏ နေ့စဉ်မှတ်တမ်းများ” (The Diana Chronicles) ကို ရေးသားခဲ့သည့် စာရေးဆရာမ ဖြစ်သည်။
ဗြိတိန်နိုင်ငံတွင်မွေးဖွားခဲ့ပြီး Vanity Fair မဂ္ဂဇင်းတွင် အယ်ဒီတာအဖြစ် တာဝန်ထမ်းဆောင်ရန်အတွက် အမေရိကန်ပြည်သို့ ထွက်ခွာခဲ့ပြီး ၂၀၀၅ ခုနှစ်တွင် အမေရိကန်နိုင်ငံသားအဖြစ် ခံယူခဲ့သည်။
ခင်ပွန်းဖြစ်သူ ဟာရိုး မက်သူး အီဗန်စ်သည် အမေရိကန်စာနယ်ဇင်းသမား၊ စာရေးဆရာတစ်ဦးဖြစ်ပြီး ဗြိတိန်တွင် အရောင်းရဆုံးသတင်းစာကြီးတစ်စောင်ဖြစ်သည့် The Sunday Times တွင် အယ်ဒီတာအဖြစ် ၁၉၆၇ မှ ၁၉၈၁ ခုနှစ်အထိ တာဝန်ထမ်းဆောင်ခဲ့သည်။
မီဒီယာသူဌေးကြီး ရူးပတ် မားဒေါ့ခ်က တိုင်းမ်သတင်းစာကြီးကို ၁၉၈၁ ခုနှစ်တွင် ဝယ်ယူလိုက်ပြီးနောက် မစ္စတာ အီဗန်စ်ကို အယ်ဒီတာအဖြစ် ခန့်အပ်ခဲ့သည်။
၂၀၁၁ ခုနှစ်၊ ဇွန်လမှ စတင်ကာ မစ္စတာအီဗန်စ်သည် ရိုက်တာသတင်းဌာန၏ အဝေးရောက်အယ်ဒီတာအဖြစ် တာဝန်ထမ်းဆောင်သည်။
ရောင်းချလိုက်သည့် အဆောက်အအုံတည်နေရာမှာ နယူးယောက်မြို့၊ မန်ဟက်တန်ဒေသရှိ Upper East Side အရပ်တွင် တည်ရှိပြီး နာမည်ကျော် Central Park ပန်းခြံကြီးနှင့် ပဉ္စမရိပ်သာလမ်းကြားတွင် တည်ရှိသည့် East Side Co-Op အဆောက်အအုံကြီးတွင် ဖစ်ြသည်။
တီနာဘရောင်းသည် အဆိုပါအခန်းကို ချီလီ ဘီလျံနာကြီး အယ်လ်ဗာရို ဆီးခ်ျ ဘန်ဒစ်ခ်ထံ ကန်ဒေါ်လာ ၆ ဒသမ ၆၅ သန်းဖြင့် ရောင်းချခဲ့ခြင်း ဖြစ်သည်။
အရှေ့ ၅၇ လမ်း၊ အမှတ် ၄၄၇ အဆောက်အအုံရှိ ယင်းအခန်းတွင် အိပ်ခန်း ၅ ခန်းနှင့် ရေချိုးခန်း ၅ ခန်း ပါဝင်ပြီး ၂၀၁၆ ခုနှစ်အတွင်း ကန်ဒေါ်လာ ၉ ဒသမ ၇၅ သန်းဖြင့် ပထမဆုံးအကြိမ် အရောင်းဈေးကွက်တင်ခဲ့ပြီး နောက်ဆုံးဈေးကွက်တင်ခဲ့သည့် ခေါ်ဈေးမှာ ကန်ဒေါ်လာ ၇ ဒသမ ၉ သန်း ဖြစ်သည်။
တီနာဘရောင်းသည် New Yorker နှင့် Vanity Fair တို့၏ အယ်ဒီတာဟောင်းဖြစ်ပြီး အဆိုပါအခန်းတွင် ထင်ရှားသည့် ပုဂ္ဂိုလ်များစွာကို ညစာစားပွဲများဖြင့် ဧည့်ခံခဲ့ဖူးရာ ငြိမ်းချမ်းရေးနိုဘယ်ဆုရှင် မာလာလာ၊ အမေရိကန်သမ္မတဟောင်း ဘီလ် ကလင်တန်နှင့် ဗြိတိန်ဝန်ကြီးချုပ်ဟောင်း တိုနီ ဘလဲတို့ အပါအဝင် ဖြစ်သည်။
တီနာဘရောင်းတို့ ဇနီးမောင်နှံသည် အဆိုပါအခန်းကို လွန်ခဲ့သည့် နှစ်ပေါင်း ၂၀ ကျော်က ဝယ်ယူခဲ့ခြင်းဖြစ်ပြီး ဝယ်ယူခဲ့စဉ်က ကန်ဒေါ်လာ ၃ ဒသမ ၈ သန်းသာ ပေးခဲ့ရသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
