မလေးရှားတွင် ရောင်းမထွက်သေးသော နေအိမ်ပေါင်း ဒေါ်လာ ၅ ဒသမ ၅ ဘီလျံဖိုး ရှိနေ

မလေးရှားနိုင်ငံတွင် ယခုနှစ် ပထမသုံးလပတ်အတွင်း ရောင်းမထွက်သေးသော လူနေအိမ်ပေါင်း မလေးရှားရင်းဂစ် ၂၂ ဒသမ ၂၆ ဘီလျံ (အမေရိကန်
ဒေါ်လာ ၅ ဒသမ ၅ ဘီလျံ) ဖိုး ရှိခဲ့ကြောင်း ပြီးခဲ့သည့်သီတင်းပတ်အတွင်း ထွက်ရှိလာခဲ့သည့် မလေးရှားအစိုးရအချက်အလက်များအရ သိရသည်။

ထိုပမာဏသည် ၂၀၁၇ ပထမသုံးလပတ်က ရှိခဲ့သည့် ရောင်းမထွက်သေးသော အိမ် စုစုပေါင်းတန်ဖိုး မလေးရှားရင်းဂစ် ၁၃ ဒသမ ၂၇ ဘီလျံထက် ၆၇ ဒသမ ၈၂ ရာခိုင်နှုန်း မြင့်တက်လာခဲ့ခြင်းဖြစ်သည်။ အရေအတွက်အားဖြင့်လည်း ၂၂၁၇၅ မှ ၃၄၅၃၂ သို့ မြင့်တက်လာခဲ့ခြင်းဖြစ်သည်။

အိမ်ရောင်းအားသည် ကယ်လန်တန်ပြည်နယ်၊ ကီဒါပြည်နယ်နှင့် တီရန်ဂနူပြည်နယ်တို့တွင် အနိမ့်ဆုံးဖြစ်သည်။ ပီနန်း၊ ဂျိုဟိုး၊ ဆီလန်ဂေါနှင့် ကွာလာလမ်ပူမြို့တို့တွင် ရောင်းမထွက်သေးသောအိမ်အချိုး နည်းပါးသည်ကို တွေ့ရသည်။

ထိုကဲ့သို့ ရောင်းမထွက်သေးသော အိမ်အရေအတွက် မြင့်တက်လာခြင်းအား ဝယ်လိုအားမရှိခြင်းကြောင့်ဟု သုံးသပ်၍ မရပေ။ အဘယ်ကြောင့်ဆိုသော် ဝယ်လိုအားမှာ တက်ကြွသောအနေအထားမဟုတ်သော်လည်း ရှိနေပြီး အိမ်ဈေးနှုန်းများ အလွန်မြင့်မားနေခြင်းကြောင်း ဖြစ်ကြောင်း မလေးရှားအိမ်ခြံမြေအကျိုးဆောင်ကုမ္ပဏီ PPC International ၏ ဦးဆောင်ညွှန်ကြားရေးမှူး ဒါတက်ဆီဒါးစစ်တမ်ပါလမ်က ပြောကြားခဲ့သည်။

ရောင်းအားကျဆင်းမှုမှာ သိသိသာသာဖြစ်သော်လည်း စိုးရိမ်ရန် မလိုသေးကြောင်း ကမ္ဘာ့အိမ်ခြံမြေအတိုင်ပင်ခံလုပ်ငန်း Knight Frank ၏ မလေးရှားလုပ်ငန်းခွဲ Knight Frank Malaysia ၏ ဦးဆောင်ညွှန်ကြားရေးမှူး ဆာကူနန်ဆူဘရာမန်နီယမ်ကလည်း ပြောကြားခဲ့သည်။

"မလေးရှားအစိုးရရဲ့ ပွင့်လင်းမြင်သာမှုရှိလာမှုအဆင့် တိုးတက်လာတာကြောင့် ကျွန်တော်တို့တွေ စီးပွားရေးမှာ ယုံကြည်မှုပိုတိုးလာတာကို တွေ့ရမှာဖြစ်ပြီး လာမယ့်နှစ်မှာ ရောင်းအားကျဆင်းမှု လျော့နည်းသွားဖို့ မျှော်လင့်ရပါတယ်" ဟုလည်း သူက ပြောကြားခဲ့ကြောင်း သိရသည်။

ခင်အေးချမ်း မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com