တရုတ်ပြည် အရှေ့တောင်ပိုင်း Zhejiang ပြည်နယ်၏ မြို့တော် ဟန်ကျိုးမြို့တွင် ကူးသန်းရောင်းဝယ်ရေးဆိုင်ရာနှင့် လူနေပြီးဖြစ်သော second-hand နေအိမ်များအပါအဝင် အိမ်ခြံမြေများကို ကုမ္ပဏီများနှင့် အဖွဲ့အစည်းများထံ ရောင်းချခြင်း ပိတ်ပင်လိုက်ကြောင်း တရုတ်အခြေစိုက် ယိစိုင်းဂလိုဘယ်သတင်းတစ်ရပ်တွင် ဖော်ပြသည်။
ဟန်ကျိုးမြို့၏ နေရာအားလုံးကားမဟုတ်ဘဲ ကန့်သတ်ထားသည့် အချို့နေရာများအတွက်ဖြစ်သည်ဟု ဆိုသည်။
ဟန်ကျိုးသည် ယခုအခါ တရုတ်ပြည်တွင် အဆိုပါဥပဒေမျိုး ချမှတ်ခြင်းခံရသည့် တတိယမြောက်မြို့တစ်မြို့ ဖြစ်လာခဲ့သည်။
တရုတ်ပြည်တွင်းရှိ ဒုတိယတန်းစားမြို့ကြီးများသည်လည်း အိမ်ခြံမြေကဏ္ဍကို တင်းကြပ်စွာ စစ်ဆေးမှုများ ပြုလုပ်ရန် ပြင်ဆင်လာလျက်ရှိနေသည်။
ဟန်ကျိုးမြို့တွင် ပြီးခဲ့သော ဇွန်လ ၂၅ ရက်က အိမ်ခြံမြေထီပေါက်သူများစာရင်း ထုတ်ပြန်ခဲ့ရာတွင် မှတ်ပုံတင်ထားသည်မှာ တစ်လခန့်သာရှိသေးသော ကုမ္ပဏီ ၃ ခု မဲပေါက်ခဲ့ပြီး နေအိမ်ဝယ်ယူခွင့် ၃ ခုရရှိခဲ့ကြသည်။
အိမ်ခြံမြေထီပေါက်နိုင်ချေ ၀ ဒသမ ၃၄ ရာခိုင်နှုန်းသာ ရှိသော်လည်း ကုမ္ပဏီ ၃ ခုမှ မဲပေါက်ခဲ့ခြင်းမှာ သမားရိုးကျမဟုတ်ကြောင်း သုံးသပ်ကြပြီး အများပြည်သူတို့၏ ဝေဖန်မှု၊ ရတက်မအေးမှုများ မြင့်တက်လာလျက်ရှိသည်။
သို့အတွက် ဟန်ကျိုးမြို့အကြီးအကဲများက နေအိမ်ဝယ်ယူမှုဆိုင်ရာ မူဝါဒတင်းကျပ်မှုများ ပြုလုပ်ခဲ့ခြင်းဖြစ်ပြီး အိမ်ခြံမြေထီများကိုလည်း စုံစမ်းစစ်ဆေးမှုများ ပြုလုပ်သွားမည်ဟု ဆိုသည်။
တရုတ်အနောက်မြောက်ပိုင်း ရှန်ဇီပြည်နယ်၊ ရှိယန်မြို့သည် ကုမ္ပဏီးများနှင့် အဖွဲ့အစည်းများသို့ နေအိမ်ရောင်းချမှု ပထမဆုံးပိတ်ပင်ခဲ့သည့် မြို့ဖြစ်ပြီး ဇွန်လ ၂၄ ရက်တွင် စတင်ပိတ်ပင်ခဲ့ခြင်း ဖြစ်သည်။
တရုတ်ပြည်၏ သမ္မတကြီး ရှီကျင့်ဖျင်က အိမ်ခြံမြေသည် ရင်းနှီးမြှုပ်နှံရန် မဟုတ်ဟု ပြောကြားထားချက်အပေါ် အခြေခံ၍ ကုမ္ပဏီများကို အိမ်ခြံမြေကဏ္ဍတွင် ရင်းနှီးမြှုပ်နှံမှုများ ပြုလုပ်မလာစေရန် ရည်ရွယ်ကာ ပိတ်ပင်မှုများ ပြုလုပ်ခြင်းဖြစ်သည်ဟု ဆိုသည်။
ယခုမူဝါဒကို အကောင်အထည်ဖော်ခဲ့သည့် အခြားမြို့ကြီးတစ်မြို့မှာ ဟူနန်ပြည်နယ်၏မြို့တော်၊ ချန်းရှာတွင် ဖြစ်သည်။
ချန်းရှာမြို့တွင် အိမ်ခြံမြေဝယ်ယူပြီး ၄ နှစ်အတွင်း ပြန်လည်ရောင်းချခွင့်မပြုသော စည်းမျဉ်းလည်း ချမှတ်ထားသည်။
အိမ်ခြံမြေဝယ်ယူမှုများမှာ အမှန်တကယ်နေထိုင်မည့်သူများ၏ ဝယ်ယူမှုများကိုသာ ဦးစားပေးသင့်ကြောင်း၊ ပြည်သူများ၏ လူနေမှုဘဝအဆင်ပြေရေးကို ပထမနေရာတွင် ထားရမည်ဖြစ်ကြောင်း ရှန်ကျောက်တောင် တက္ကသိုလ် အိမ်ခြံမြေသုတေသနသိပ္ပံ၏ ညွှန်ကြားရေးမှူး ယန် ဒေါင်လန်က ပြောကြားသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
