ဝါ၀င်ကာလနီးကပ်လာသည်နှင့်အမျှ အိမ် ခြံ မြေ အငှားဈေးကွက်အားကောင်းလျက်၇ှိရာ လက်ရှိအချိန်တွင် အငှားဈေးကွက်အတွင်း ငှားရမ်းလိုသည့်သူများသဖြင့် အဆောက်အအုံပြတ်လပ်သည်အထိ အားကောင်းနေကြောင်း အောင်စည်ဟိန်း အိမ် ခြံ မြေ အကျိုးဆောင်လုပ်ငန်မှ iMyanmarHouse.com (အိုင်မြန်မာဟောက်စ်ဒေါ့ကွန်း) သို့ပြောကြားသည်။
ဈေးကွက်အတွင်း အငှားအားကောင်းမွန်လျက်ရှိရာတွင် ခြောက်လပြတ် နှင့် နှစ်ချုပ်များမှာ အားအကောင်းဆုံးဖြစ်နေကြောင်းလည်းသိရသည်။ အငှားလိုက်သည့် ဈေးနှုန်းများမှ တစ်သိန်းနှင့် နှစ်သိန်းဝန်းကျင်ဈေးနှုန်းများဖြစ်ကြောင်းလည်းသိရသည်။
ဈေးကွက်အတွင်း အငှားအားကောင်းမွန်နေသည်ဆိုသော်လည်း အသင့်နေထိုင်ရုံအိမ်ခန်းများနှင့် လုံးချင်းများမှာ ငှားရမ်းသူမရှိသလောက် နည်းပါးနေကြောင်းလည်းသိရသည်။
“ အိမ်ခြံမြေ ဈေးကွက်ကတော့ အငှားသွက်တဲ့အချိန်ပေါ့။ဝါ၀င်ကာနီးကာလဖြစ်တာလည်းပါတယ်။ အိမ်တွေက မရှိဘူး။လိုအပ်ချက်တွေက များနေတယ်။အငှားအရမ်းလိုက်ပြီး ဈေးကွက်သွက်နေတာပေါ့။ဈေးတွေကလည်း တစ်သိန်း ၊ နှစ်သိန်းလောက်ပဲဖြစ်တယ်။သောင်းဂဏန်းမှာဆို ရှစ်သောင်းပေါ့။တကယ် အငှားလိုက်တာကတော့ တစ်သိန်း နှစ်သိန်းတွေကပဲ အငှားလိုက်တာပါ။ အသင့်နေ Fully Furniture တွေကတော့ အငှားအားကျဆင်းတာကိုတွေ့ရတယ်။ဒီလထဲ တစ်ခုမှမဖြစ်ဘူး။ ” ဟုအောင်စည်ဟိန်းအကျိုးဆောင်လုပ်ငန်းမှ MD ဖြစ်သူကပြောဆိုသည်။
မင်းချို မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။
Credit: iMyanmarHouse.com
