သြစတေးလျနိုင်ငံ အရှေ့တောင်ပိုင်းရှိ မဲလ်ဘုန်းမြို့၏ စီးပွားရေးအချက်အခြာကျသောဒေသမှ အရှေ့ဘက် ၂ ကီလိုမီတာခန့် ဝေးကွာသော အရပ်တွင် အဘော့စ်ဖို့ဒ်အမည်ရှိ ဆင်ခြေဖုံး ဒေသကလေးတစ်ခုရှိသည်။
၂၀၁၆ ခုနှစ် သန်းခေါင်စာရင်းအရ လူဦးရေ ၈၁၈၄ ဦးသာ နေထိုင်သော ဒေသကလေးဖြစ်သည်။
အဆိုပါ မြို့ကလေးတွင် ကူးသန်းရောင်းဝယ်ရေးဆိုင်ရာ အဆောက်အအုံကြီးတစ်ခုကို လေလံတင်ရောင်းချရာ လေလံဆွဲသူ ၂ ဦးက အကြိမ်ပေါင်း ၃၀၀ ခန့်အထိ ဈေးနှုန်းအပြိုင်အဆိုင်ပေးကြကာ လေလံစစ်ပွဲဖြစ်ပွားခဲ့ကြောင်း သြစတေးလျအခြေစိုက် အိမ်ခြံမြေသတင်း ဝက်ဘ်ဆိုက်တစ်ခုတွင် ဖော်ပြသည်။
လေလံတင်သည့် အဆောက်အအုံမှာ အဘော့စ်ဖို့ဒ်မြို့၊ ဒျုခ်လမ်း (Duke St) ၊ အမှတ် ၅၀-၅၄ ရှိ အဆောက်အအုံဖြစ်ပြီး အပြိုင်အဆိုင် လေလံဆွဲရာမှ ကြမ်းခင်းဈေးထက် ဒေါ်လာ ၄ သိန်းကျော် ( ၄၂၆၀၀၀) အထိ ဈေးနှုန်းပိုမို မြင့်တက်ခဲ့သည်။
လေလံဆွဲသူ ၂ ဦးတွင် တစ်ဦးလျှင် အကြိမ်ရေ ၁၅၀ ခန့် လက်ထောင်ကာ ဈေးနှုန်းမြင့်တင်ပေးခဲ့ကြပြီး နောက်ဆုံးတွင် သြစတေးလျဒေါ်လာ ၃ ဒသမ ၁၂၆ သန်းဖြင့် ပြီးစီးသွားခဲ့သည်ဟု ဆိုသည်။
တက်စ်ကာ ကာဆန် အိမ်ခြံမြေကုမ္ပဏီမှ အကျိုးဆောင် မက်သူး ဖက်ထ်က ပြောကြားရာတွင် စတုရန်းမီတာ ၆၇၅ ကျယ်ဝန်းသော နေရာကို လေလံယှဉ်ပြိုင်ခဲ့သူများမှာ စီးပွားရေးလုပ်ငန်းရှင်တစ်ဦးနှင့် အိမ်ခြံမြေ developer တစ်ဦးတို့ဖြစ်ကြောင်း ပြောကြားသည်။
“ဝယ်သွားတဲ့သူက ဒေသတွင်း စီးပွားရေးလုပ်ငန်းရှင်တစ်ဦးပါ။ သူက သူ့ရဲ့ စီးပွားရေးလုပ်ငန်းကို ရစ်ခ်ျမန် (Richmond) မြို့ကနေ ပြောင်းလာဖို့ စီစဉ်နေပါတယ်” ဟု မစ္စတာ ဖက်ထ်က ပြောကြားသည်။
ရစ်ခ်ျမန်သည် အဘော့စ်ဖို့ဒ်မြို့နှင့် ကပ်လျက်တည်ရှိသော မြို့တစ်မြို့ ဖြစ်သည်။
အဆိုပါအဆောက်အအုံသည် မိုဘိုင်းဆက်သွယ်ရေးနှင့် လျှပ်စစ်အင်ဂျင်နီယာဆိုင်ရာ ကုမ္ပဏီတစ်ခု အခြေစိုက်ထားသည့်နေရာဖြစ်ပြီး ကားရပ်နားရန်နေရာ ၈ ခု ပါဝင်သည်။
ဒေသတွင်းတွင် လူနေအိမ်ခြံမြေဈေးကွက် ငြိမ်သက်နေသော်လည်း ကူးသန်းရောင်းဝယ်ရေးဆိုင်ရာ အဆောက်အအုံကဏ္ဍအပေါ် သက်ရောက်ခြင်းမရှိကြောင်း မစ္စတာ ဖက်ထ်က ဆိုသည်။
မြေအကျယ်အဝန်း- ၆၇၅ စတုရန်းမီတာ
ကြမ်းခင်းဧရိယာ- ၃၅၈ စတုရန်းမီတာ
နောက်ဆုံးအရောင်းအဝယ်ဖြစ်ခဲ့မှု- ကန်ဒေါ်လာ ၈၈၅၀၀၀ (၂၀၁၆ ခုနှစ်)
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
