အာရပ်စော်ဘွားများပြည်ထောင်စုရှိ အဘူဒါဘီရင်းနှီးမြှုပ်နှံမှု အာဏာပိုင်အဖွဲ့ (ADIA) သည် ကမ္ဘာတစ်ဝန်းရှိ အိမ်ခြံမြေကဏ္ဍတွင် အကြီးမားဆုံးရင်းနှီးမြှုပ်နှံသူအဖြစ် ရပ်တည်လျက်ရှိကြောင်း အရှေ့အလယ်ပိုင်းအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
အဘူဒါဘီရင်းနှီးမြှုပ်နှံမှု အာဏာပိုင်အဖွဲ့ (ADIA) ၏ အိမ်ခြံမြေကဏ္ဍ ရင်းနှီးမြှုပ်နှံမှုမှာ ယနေ့အချိန်အထိဆိုလျှင် ကန်ဒေါ်လာ ၆၂ ဘီလီယံကျော် ရှိခဲ့ပြီ ဖြစ်သည်။
အဆိုပါ ပမာဏမှာ ADIA က နယ်ပယ်စုံ ရင်းနှီးမြှုပ်နှံမှုများ ပြုလုပ်ထားသည့် စုစုပေါင်းပမာဏ၏ ၇ ဒသမ ၅ ရာခိုင်နှုန်း ရှိသည်။
ကမ္ဘာ့ထိပ်တန်း အိမ်ခြံမြေကဏ္ဍ ရင်းနှီးမြှုပ်နှံသူ ၁၀ ဦးစာရင်းကို Indosuez Wealth Management က ထုတ်ပြန်ခဲ့ရာတွင် ADIA က ထိပ်ဆုံးမှ ရပ်တည်လျက်ရှိခြင်း ဖြစ်သည်။
နယ်သာလန်မှ ABP မှာ ကန်ဒေါ်လာ ၄၈ ဒသမ ၁ ဘီလီယံ၊ ဂျာမနီမှ Allianz မှာ ကန်ဒေါ်လာ ၄၁ ဒသမ ၈ ဘီလီယံ အသီးသီး ရင်းနှီးမြှုပ်နှံမှုများ ပြုလုပ်ထားသည်။
ADIA ၏ နှစ်စဉ်အမြတ်အစွန်းမှာလည်း မြင့်တက်ခဲ့ပြီး ၂၀၁၆ ခုနှစ်တွင် ၆ ဒသမ ၂ ရာခိုင်နှုန်းရှိခဲ့ရာမှ ၂၀၁၇ ခုနှစ်တွင် ၆ ဒသမ ၅ ရာခိုင်နှုန်းသို့ မြင့်တက်ခဲ့သည်ဟု ဆိုသည်။
ထိပ်တန်းရင်းနှီးမြှုပ်နှံသူများစာရင်းတွင် ဥရောပနှင့် မြောက်အမေရိက ပင်စင်ရန်ပုံငွေ အဖွဲ့များ လွှမ်းမိုးနေပြီး ၄၅ ရာခိုင်နှုန်းခန့်ရှိကာ ဥရောပ အာမခံကုမ္ပဏီများက ၂၉ ဒသမ ၅ ရာခိုင်နှုန်းနှင့် အရှေ့အလယ်ပိုင်းဒေသမှာ ၂၅ ဒသမ ၉ ရာခိုင်နှုန်း ပါဝင်သည်။
“ကြီးမားတဲ့ အင်စတီကျူးရှင်းတွေက အိမ်ခြံမြေရင်းနှီးမြှုပ်နှံသူတွေဟာ ကမ္ဘာလုံးဆိုင်ရာ ရင်းနှီးမြှုပ်နှံမှုတွေ ပိုမိုပြုလုပ်လာကြပြီး နယ်စပ်ဖြတ်ကျော် ရင်းနှီးမြှုပ်နှံမှုတွေ တဟုန်ထိုးမြင့်တက်လာနေတာကို တွေ့ရပါတယ် ” ဟု အိမ်ခြံမြေဈေးကွက် သုတေသီတစ်ဦးဖြစ်သူ ဗစ်တိုးရီးယား စကာလုန်းက ပြောကြားသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
