ရန်ကုန်မြို့ပတ် ရထားလမ်းတစ်လျှောက်ရှိရထား လမ်းကို ကားလမ်းဖြတ်ကူးသည့် နေရာ (LevelCrossing) ရှစ်နေရာကို ကတ္တရာခင်းခြင်းအစား TC Pannel (ကားလမ်းကူးကွန်ကရစ်စ လက်ပြားများ)ကို ယခုနှစ်မိုးကုန်ပိုင်းတွင် ပြောင်းလဲခင်းသွားမည် ဖြစ်ကြောင်း ပို့ဆောင်ရေးနှင့် ဆက်သွယ်ရေးဝန်ကြီးဌာနမှ ပြည်ထောင်စုဝန်ကြီး ဦးသန့်စင်မောင်ကပြောသည်။
ယင်း TC Pannel(ကားလမ်း ကူးကွန်ကရစ်စလက်ပြားများ)ကို အစားထိုးခင်းကျင်းခြင်းဖြင့် ကားများလျင်မြန်စွာ ဖြတ်သန်းသွားလာနိုင်မည်ဖြစ်ပြီး ယခုအခါအစားထိုး ပြင်ဆင်ခင်းကျင်းမည့် နေရာများ တွင်လေ့လာမှုများ ဆောင်ရွက်နေပြီဖြစ်ကြောင်း ပြည်ထောင်စုဝန်ကြီး ဦးသန့်စင်မောင်ကပြောသည်။''မြို့ပတ်လမ်းအဆင့်မြှင့်တင်တဲ့လုပ်ငန်းတွေကို အမြန်ဆုံးဆောင်ရွက်နေပါတယ်။ မြို့ပတ်မှာအခက်အခဲရှိနေတာက Level Crossing တွေပါ။ ရထားနဲ့ကားလမ်းဖြတ်တဲ့ Level Crossing တွေမှာ ကြန့်ကြာ မှုတွေဖြစ်နေတာကို ဂျိုက်ကာက ကျွမ်းကျင်ပညာရှင်တွေက လေ့လာတဲ့အခါမှာ လျင်မြန်စွာဖြတ်သန်းနိုင်ဖို့ အလိုအလျောက်မောင်းတံ အပိတ်အဖွင့်စနစ်ကို တပ်ဖို့ဆောင်ရွက်နေပါတယ်။ Level Crossing မှာခင်းဖို့ တင်သွင်းတဲ့အခင်းတွေရပါပြီ။ အဲဒီအခင်းတွေ ခင်းပြီးတဲ့ အခါမှာကားတွေက ကြန့်ကြာမှုမရှိဘဲ လွယ်ကူလျင်မြန်စွာ ဖြတ်သန်းနိုင်မှာဖြစ်ပါတယ်။ ဒီနှစ်မိုးကုန်တာနဲ့စခင်းမယ်''ဟု ၎င်းကပြောသည်။
ယင်းနှင့်ပတ်သက်ပြီး ဇွန် ၁၆ ရက်က ရန်ကုန်ဘူတာကြီးတွင် ပြုလုပ်သည့်ရထားပြေးဆွဲမှုကို ဗဟိုဌာနမှထိန်းချုပ်သည့်စနစ်ဖြင့် နေ့/ ည ဘေးအန္တရာယ်ကင်းရှင်းရေးဆိုင်ရာ ပစ္စည်းကိရိယာများ လှည့်လည် အသုံးပြုသည့် Electronic Inter locking System အသစ်တပ်ဆင် ပြီးစီးပြီးနောက် တရားဝင်စတင်အ သုံးပြုသော အခမ်းအနားအပြီးတွင် ပြည်ထောင်စုဝန်ကြီးက ပြောကြားခဲ့ခြင်းဖြစ်သည်။ ယင်းကွန်ကရစ်ပြားများ အစားထိုးခင်းကျင်းခြင်းကိုအောင်ဆန်း၊ ကြို့ကုန်း၊ စီအိုင်ဒီ၊ သမိုင်းမြို့သစ်၊ ပါရမီ၊ အုတ်ကျင်း၊ ကမာရွတ်နှင့် ရွာမကျောင်းလမ်းစသည့် ရှစ်နေရာတွင် Level Crossing များတွင် ဆောင်ရွက်မည်ဖြစ်ကြောင်း သိရသည်။
အဆိုပါ TC Pannel(ကား လမ်းကူးကွန်ကရစ်စလက်)ပြားများ၏ဒီဇိုင်းကို မြန်မာနိုင်ငံမှ ပညာရှင်များကရေးဆွဲပြီး ဂျပန်ပညာရှင်များ ကစစ်ဆေးကာ ထိုင်းနိုင်ငံတွင် ပြုလုပ်ရန်အပ်နှံခဲ့ခြင်းဖြစ်ကြောင်း စီမံကိန်းအင်ဂျင်နီယာ ဦးမင်းအောင်က ပြောသည်။
မန်မာ့မီးရထား၊ တိုင်းအမှတ် (၇)မှမန်နေဂျာဦးဇော်လွင်က''ရထားလမ်းနဲ့ကားလမ်းဆုံတဲ့နေရာ(Level Crossing)တွေမှာက ဘယ် လောက်ပဲ လမ်းတွေပြင်ပြင်ခဏပဲပြန်ပျက်တယ်။ ဘာလို့လဲဆိုတော့ အဲဒီနေရာတွေမှာ ကားတွေကအ ရှိန်လျှော့၊ အရှိန်တင်တာတွေ လုပ်ရတော့အောက်က ကားဘီးရပ်တဲ့ ဒဏ်ကိုကတ္တရာနဲ့ခင်းတာ မခံနိုင်ဘူး''ဟု ပြောသည်။
ရန်ကုန်မြို့ပတ်လမ်းတစ် လျှောက်တွင် ဘူတာပေါင်း ၃၈ ဘူတာ၊ ဆင်ခြေဖုံးဘူတာပေါင်း၁၇ ဘူတာရှိပြီး Level Crossing ၂၅ ခုရှိကြောင်း မြန်မာ့မီးရထားမှ သိရသည်။ ရန်ကုန်မြို့ပတ်ရထားလမ်း ခရီးမိုင်မှာ ၂၉ ဒသမ ၅ မိုင်ရှိပြီး နေ့စဉ် RBE တွဲဆိုင်း ၁၂ ဆိုင်း၊ ရထားကြီး ၁၃ ဆိုင်း၊ စုစုပေါင်း ၂၅ ဆိုင်းဖြင့် ခေါက်ရေ ၂၂ဝ ပြေး ဆွဲပေးနေကြောင်း တစ်ရက်လျှင် ခရီးသည် ၈၃ဝဝဝ ခန့်လိုက်ပါစီး နင်းနေကြောင်းသိရသည်။
Credit: Democracytoday
