အာရပ်စော်ဘွားများပြည်ထောင်စု၊ အဘူဒါဘီတွင် အိမ်ခြံမြေချေးငွေ ကန်ဒေါ်လာ ၁ ဘီလီယံချထားပေးရန် စီစဉ်

အာရပ်စော်ဘွားများပြည်ထောင်စု၊ အဘူဒါဘီတွင် အိမ်ခြံမြေချေးငွေ ကန်ဒေါ်လာ ၁ ဘီလီယံချထားပေးရန် စီစဉ်လျက်ရှိကြောင်း အရှေ့အလယ်ပိုင်းအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။

အာရပ်စော်ဘွားများပြည်ထောင်စု လက်နက်ကိုင်တပ်ဖွဲ့များ ဒုတိယအကြီးအကဲ၊ အဘူဒါဘီအမှုဆောင်ကောင်စီ ဥက္ကဌ ရှိတ် မိုဟာမက် ဘင် ဇာယက်ဒ် အယ်လ် နာယန်းက အဘူဒါဘီရှိ အိမ်ခြံမြေချေးငွေ ရသင့်သူ ၂၅၀၀ ဦးအတွက် အာရပ်ငွေ ၄ ဒသမ ၂၇ ဘီလီယံ (ကန်ဒေါ်လာ ၁ ဒသမ ၁၆ ဘီလီယံ) ချထားပေးရန် ညွှန်ကြားခဲ့သည်ဟု ဆိုသည်။

သူ၏ညွှန်ကြားမှုမှာ အာရပ်စော်ဘွားများပြည်ထောင်စု သမ္မတ ရှိတ် ခါလီဖာ ဘင် ဇာယက်ဒ် အယ်လ် နာယန်း၏ လိုလားချက်ဖြစ်သော နိုင်ငံသားများအတွက် ကောင်းမွန်သည့် လူနေမှုအဆင့်နှင့် လူမှုရေးတည်ငြိမ်မှုများ ပေးစွမ်းရန်ဟူသည့်အချက်နှင့်အညီ အကောင်အထည်ဖော်ခဲ့ခြင်းဖြစ်သည်ဟု ဆိုသည်။

အဘူဒါဘီတွင် နှစ်စဉ် အိမ်ခြံမြေချေးငွေ ၅၀၀၀ ဦးထုတ်ချေးရန် စီစဉ်ထားမှု၏ ပထမအသုတ်လည်း ဖြစ်လေသည်။

အိမ်ခြံမြေကဏ္ဍချေးငွေ ၂၅၀၀ တွင် ဆောက်လုပ်ရေးအတွက် ၁၃၀၀ ကို ငွေထုတ်ချေးမည်ဖြစ်ပြီး စုစုပေါင်းပမာဏ အာရပ်ငွေ ၂ ဒသမ ၄၁၄ ဘီလီယံရှိမည်ဖြစ်ပြီး ဆောက်လုပ်ပြီးဖြစ်သော နေအိမ်များအတွက် ချေးငွေ ၇၀၀ တန်ဖိုးအားဖြင့် အာရပ်ငွေ ၁ ဒသမ ၂၄၂ ဘီလီယံ၊ ဖျက်သိမ်းခြင်းနှင့် ပြန်လည်ဆောက်လုပ်ခြင်းအတွက် ချေးငွေ ၇၅ ၊ တန်ဖိုးအားဖြင့် ၁၃၃ သန်း၊ ပြုပြင်မွမ်းမံမှုနှင့် ချဲ့ထွင်ခြင်းအတွက် ချေးငွေ ၁၀၀-တန်ဖိုးအားဖြင့် ၈၉ ဒသမ ၇၅၀ သန်းနှင့် အခြားချေးငွေ ၃၂၅ -တန်ဖိုး ၃၈၂ သန်းတို့ ဖြစ်ကြသည်။

ရှိတ်ခ် မိုဟာမက်သည် လူနေမြေကွက်ပေါင်း ၆၉၆ ကွက်နှင့် အစိုးရဝန်ထမ်းများအတွက် နေအိမ်ပေါင်း ၇၉၈ လုံးလည်း ချထားပေးခဲ့ပြီးဖြစ်ကာ စုစုပေါင်းတန်ဖိုးအားဖြင့် အာရပ်ငွေ ၁ ဒသမ ၆ ဘီလီယံဖိုးရှိသည်။

ထို့အပြင် နေအိမ်ဝယ်ယူလိုသည့် နိုင်ငံသားများအတွက် ချေးငွေ ၁၆၃ ကြိမ် ထုတ်ပေးခဲ့ရာ ငွေပမာဏအားဖြင့် ၁၉၅ ဒသမ ၆ သန်းဖြစ်သည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)