ပင်လယ်ကွေ့ငွေကြေးရန်ပုံငွေက ကမ္ဘာ့အကြီးဆုံးအိမ်ခြံမြေရင်းနှီးမြှုပ်နှံသူဖြစ်

အဘူဒါဘီအချုပ်အခြားအာဏာပိုင်ငွေကြေးရန်ပုံငွေအဖွဲ့နှင့် ကာတာအချုပ်အခြာအာဏာပိုင်ငွေကြေးရန်ပုံငွေအဖွဲ့တို့က ကမ္ဘာ့အကြီးဆုံးအိမ်ခြံမြေရင်းနှီးမြှုပ်နှံမှုအဖွဲ့အစည်းငါးခုအနက် ပါဝင်ရပ်တည်လျက်ရှိသည်။

ကမ္ဘာ့ထိပ်တန်းအိမ်ခြံမြေရင်းနှီးမြှုပ်နှံသူ ၁၀၀ စာရင်းတွင် ပင်လယ်ကွေ့နိုင်ငံ
များမှ ငွေကြေးရန်ပုံငွေအဖွဲ့များက လွှမ်းမိုးခဲ့ကြောင်း သိရသည်။

အမေရိကန်ဒေါ်လာ ၆၂ ဒသမ ၁ ဘီလျံဖိုး အိမ်ခြံမြေရင်းနှီးမြှုပ်နှံမှုများဖြင့် အဘူဒါဘီရင်းနှီးမြှုပ်နှံမှုအာဏာပိုင်အဖွဲ့ (ADIA) က အိမ်ခြံမြေဈေးကွက်
ဆန်းစစ်လေ့လာရေးအဖွဲ့ IPE Real Estate ၏ အထက်ပါကမ္ဘာ့ထိပ်တန်း
အိမ်ခြံမြေရင်းနှီးမြှုပ်နှံသူ ၁၀၀ စာရင်းတွင် ထိပ်ဆုံးမှ ရပ်တည်ခဲ့သည်။

ADIA ပြီးလျှင် နယ်သာလန်ငွေကြေးရန်ပုံငွေအဖွဲ့၊ ဂျာမနီငွေကြေးရန်ပုံငွေအဖွဲ့
နှင့် ပြင်သစ်ငွေကြေးရန်ပုံငွေအဖွဲ့တို့ပြီးနောက် ကာတာရင်းနှီးမြှုပ်နှံမှု
အာဏာပိုင်အဖွဲ့ (QIA) က အိမ်ခြံမြေရင်းနှီးမြှုပ်နှံမှု အမေရိကန်ဒေါ်လာ ၃၅ ဘီလျံဖြင့် ကမ္ဘာ့ပဉ္စမမြောက်အကြီးဆုံးအိမ်ခြံမြေရင်းနှီးမြှုပ်နှံသူအဖြစ် စာရင်းတွင် ဖော်ပြခံခဲ့ရသည်။

AIDA သည် ပိုင်ဆိုင်မှု အမေရိကန်ဒေါ်လာ ၈၂၈ ဘီလျံဖြင့် ကမ္ဘာ့တတိယအကြီးဆုံးအချုပ်အခြာအာဏာပိုင်ငွေကြေးရန်ပုံငွေအဖွဲ့ဖြစ်သည်။ ၎င်းသည် ယူအေအီးနိုင်ငံ အဘူဒါဘီမြို့ရှိ ရေနံသိုက်များကို စီမံခန့်ခွဲသည်။

AIDA သည် နယူးယောက်ရှိ Waterline Square စီမံကိန်း၊ ပဲရစ်ရှိ Bouygues
Batiment Ile-de-France ၃၈ ထပ်ရုံးအဆောက်အအုံစီမံကိန်းနှင့် ဆွစ်ဇာလန်ရှိ Mall of Switzerland တို့တွင် ရှယ်ယာပါဝင်ထားသည်။ QIA က လန်ဒန်ရှိ The Shard and Canary Wharf ကဲ့သို့ ထိပ်တန်းအထင်ကရအိမ်ခြံမြေများတွင် ရင်းနှီးမြှုပ်နှံထားပြီး အိမ်ခြံမြေရင်းနှီးမြှုပ်နှံမှုကုမ္ပဏီ Empire State Realty Trust တွင် ငွေကြေးရင်းနှီးမြှုပ်နှံထားကာ နယူးယောက်ရှိ Empire State Building အဆောက်အအုံ၏ ပိုင်ရှင်အဖြစ်လည်း ကျော်ကြားသည်။

ခင်အေးချမ်း မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com