ကမ္ဘာ့ရောင်းဝယ်ဖောက်ကားမှုအများဆုံးအိမ်ခြံမြေဈေးကွက်အဖြစ် တိုကျို ဖော်ပြခံရ

ဂျပန်နိုင်ငံ၏မြို့တော် တိုကျိုသည် ပြီးခဲ့သည့်နှစ် ပထမသုံးလပတ်ထက် အိမ်ခြံမြေရင်းနှီးမြှုပ်နှံမှုပမာဏ နှစ်ဆမြင့်တက်ခဲ့ခြင်းဖြင့် ၂၀၁၈ ခုနှစ်ကို စတင်ခဲ့ခြင်းဖြစ်ကြောင်း သိရသည်။

ယခုနှစ်ပထမသုံးလပတ်အတွင်း တိုကျိုတွင် စုစုပေါင်းအိမ်ခြံမြေရင်းနှီးမြှုပ်နှံမှု
ပမာဏသည် အမေရိကန်ဒေါ်လာ ၉ ဒသမ ၁ ဘီလျံရှိခဲ့ပြီး ယင်းက တိုကျိုအား နယူးယောက်နှင့် လန်ဒန်တို့ထက် သာလွန်စေ၍ ကမ္ဘာ့ရောင်းဝယ်ဖောက်ကားမှု အများဆုံးအိမ်ခြံမြေဈေးကွက် ဖြစ်စေခဲ့ကြောင်း ကမ္ဘာ့အိမ်ခြံမြေအတိုင်ပင်ခံကုမ္ပဏီ JLL က ထုတ်ပြန်ခဲ့သည်။

၂၀၁၈ ဇန်နဝါရီမှ မတ်အထိ ထိုသုံးလတာအတွင်း နယူးယောက်တွင် စုစုပေါင်း
အိမ်ခြံမြေရင်းနှီးမြှုပ်နှံမှုပမာဏသည် အမေရိကန်ဒေါ်လာ ၉ ဘီလျံရှိခဲ့ပြီး ကမ္ဘာ့ရောင်းဝယ်ဖောက်ကားမှုဒုတိယအများဆုံးအိမ်ခြံမြေဈေးကွက်ဖြစ်ခဲ့သည်။ လန်ဒန်ကမူ စုစုပေါင်းအိမ်ခြံမြေရင်းနှီးမြှုပ်နှံမှုပမာဏ အမေရိကန်ဒေါ်လာ ၅ ဒသမ ၉ ဘီလျံဖြင့် ကမ္ဘာ့ရောင်းဝယ်ဖောက်ကားမှုတတိယအများဆုံး အိမ်ခြံမြေဈေးကွက်ဖြစ်ခဲ့သည်။

တန်ဖိုးကြီးအိမ်ခြံမြေအရောင်းအဝယ်များနှင့် အကောင်းဘက်တွင် ရှိလာသော စီးပွားရေးအလားအလာတို့ကြောင့် တိုကျိုတွင် ယင်းပထမသုံးလပတ်ကာလ
အတွင်း စုစုပေါင်းအိမ်ခြံမြေရင်းနှီးမြှုပ်နှံမှုသည် ၂၀၁၇ ပထမသုံးလပတ်ကထက် နှစ်ဆမြင့်တက်ခဲ့ခြင်းဖြစ်သည်။ ၂၀၁၇ ထိုကာလအတွင်း တိုကျိုတွင် စုစုပေါင်းအိမ်ခြံမြေရင်းနှီးမြှုပ်နှံမှု အမေရိကန်ဒေါ်လာ ၄ ဒသမ ၃ ဘီလျံသာ ရှိခဲ့သည်။

မတ်လတစ်လတည်း၌ပင် နိုင်ငံခြားရင်းနှီးမြှုပ်နှံသူအဖွဲ့အစည်းတစ်ခုမှ ပိုင်ဆိုင်သော တိုကျိုရှိ Shiba Park အဆောက်အအုံကြီးကို ဂျပန်ယန်း ၁၅၀ ဘီလျံ (အမေရိကန်ဒေါ်လာ ၁ ဒသမ ၄ ဘီလျံ) ဖြင့် Kansai Electric နှင့် Tokyo Gas တို့က ဖက်စပ်ဝယ်ယူခဲ့ကြသည်။ ယင်းအရောင်းအဝယ်သည် ဂျပန်နိုင်ငံ
သမိုင်းတစ်လျှောက် အဆောက်အအုံတစ်ခုတည်းနှင့် တန်ဖိုးအကြီးမားဆုံးသော အရောင်းအဝယ်ဖြစ်ခဲ့သည်။

ဂျပန်တွင် ၂၀၁၇ ခုနှစ်အတွင်း ပြည်တွင်းအသားတင်ထုတ်ကုန် (ဂျီဒီပီ) ဖွံ့ဖြိုးမှု ၁ ဒသမ ၈ ရာခိုင်နှုန်း ရှိခဲ့ပြီး အလုပ်လက်မဲ့နှုန်း ၂ ဒသမ ၅ ရာခိုင်နှုန်းသို့ ကျဆင်းခဲ့ကြောင်း သိရသည်။

ခင်အေးချမ်း မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com