ရန်ကုန်တိုင်းဒေသကြီး စည်ပင်ပြင်ပ ၁၁ မြို့နယ်တွင် နိုင်ငံတကာအဆင့်မီ စက်မှုဇုန်များ အကောင်အထည်ဖော်မည့်အစားရှိပြီးသားစက်မှုဇုန်များကို နိုင်ငံတကာအဆင့်မီ လုပ်ဆောင်စေလိုကြောင်း တိုင်းလွှတ်တော်ကိုယ် စားလှယ်အချို့က အကြံပြုသည်။
ရန်ကုန်မြို့တော်ဝန် ဦးမောင်မောင်စိုးက ဇွန်လ ၅ ရက်တွင် ၁၁ မြို့နယ်၌ နိုင်ငံတကာအဆင့်မီ စက်မှုဇုန်များအကောင် အထည်ဖော်ဆောင်ရွက်မည့် အစီရင်ခံစာကို တိုင်းလွှတ်တော်သို့ တင်သွင်းခဲ့သည်။
ကွမ်းခြံကုန်း၊ ကော့မှူး၊ တွံတေး၊ သန်လျင်၊ ကျောက် တန်း၊ ခရမ်း၊ သုံးခွ၊ တိုက်ကြီး၊ မှော်ဘီ၊ လှည်းကူးနှင့် ထန်းတပင်ဟူသည့် ၁၁ မြို့နယ်တွင် နိုင်ငံတကာအဆင့်မီ စက်မှုဇုန်များထူ ထောင်မည်ဖြစ်ကြောင်း ယင်းအစီ ရင်ခံစာ၌ ဖော်ပြထားသည်။
အစီရင်ခံစာနှင့်ပတ်သက်၍ ဇွန်လ ၁၂ ရက် တိုင်းလွှတ်တော် အစည်းအဝေး
တွင် ဦးဇော်မိုးလွင်၊ ဦးရန်ရှင်း၊ ဒေါ်သီတာမောင်၊ ဦးကျော်ဇေယျ အပါအဝင်
ကိုယ် စားလှယ်ခြောက်ဦးက ဆွေးနွေးခဲ့သည်။
လက်ရှိ ရန်ကုန်တိုင်းတွင် တည်ဆောက်ပြီးသား စက်မှုဇုန် များ၌ ရေ၊ မီးမပြည့်စုံခြင်း၊ လမ်း ပန်းဆက်သွယ်ရေးမကောင်းမွန် ခြင်း၊ အလုပ်ရှင်၊ အလုပ်သမား ပြဿနာရှိနေခြင်း၊ တရားဥပဒေ စိုးမိုးမှုအားနည်းခြင်းများရှိနေ၍ စက်မှုဇုန်များကို ဦးစွာ ပြီးပြည့်စုံအောင် ဆောင်ရွက်သင့်ကြောင်း ဒဂုံမြို့နယ် တိုင်းလွှတ်တော်အ မတ် ဦးကျော်ဇေယျက ပြောကြား သည်။
‘‘တိုင်းဒေသကြီးအစိုးရအဖွဲ့ အနေနဲ့ ဖြစ်သင့်၊ ဖြစ်ထိုက်တဲ့ဟာမျိုးကိုပဲ လုပ်စေချင်ပါတယ်။ မဖြစ်သင့်၊ မဖြစ်ထိုက်တဲ့ဟာတွေကို အိပ်မက်လှလှ မက်နေမယ် ဆိုရင်တော့ ၂၀၂၀ ကလည်း နီး လာပါပြီ။ ဒါလေးတွေက အကျိုးသက်ရောက်မှုရှိသွားနိုင်ပါတယ်’’ ဟု ၎င်းက ပြောသည်။
ထို့ပြင် ၁၁ မြို့နယ်ကို တစ်ပြိုင်နက်တည်း အကောင်အထည် ဖော်မည့်အစား တောင်ပိုင်းနှင့် မြောက်ပိုင်းခရိုင်မှ တစ်မြို့နယ်စီ စံပြအနေဖြင့် လုပ်ကိုင်ပြီးမှ စီမံ ချက်ချပါက ပိုမိုကောင်းမွန်နိုင် ကြောင်း ဦးကျော်ဇေယျက အကြံ ပြုတိုက်တွန်းသည်။
‘‘လက်ရှိ စက်မှုဇုန်တွေမှာ ရင်းနှီးမြှုပ်နှံဖို့အတွက် မဟုတ်ဘဲ မြေဈေးကစားဖို့ ဝယ်ယူထားတဲ့ မြေဧကတွေ ထောင်ချီရှိနေပါ တယ်။ ဒါတွေကို အစိုးရအဖွဲ့အ နေနဲ့ မူလစာချုပ်ပါအတိုင်း ပြန် လည်သိမ်းယူပြီး စီမံခန့်ခွဲသင့်ပါ တယ်’’ ဟု စက်မှုဇုန်စီမံကိန်းများ နှင့်ပတ်သက်၍ မရမ်းကုန်းမြို့ နယ် တိုင်းလွှတ်တော်အမတ် ဦးရန် ရှင်းက ပြောသည်။
စက်မှုဇုန်မြေနေရာ ပြုလုပ် ရန် ကွမ်းခြံကုန်းနှင့် သုံးခွမြို့နယ် တွင် ဧကနှစ်ထောင်ခန့် လျာထား ပြီး သန်လျင်၊ ကျောက်တန်း၊ ထန်းတပင်မြို့နယ်တွင် ဧကတစ် ထောင်ကျော်၊ ကော့မှူး၊ တွံတေး၊ ခရမ်း၊ တိုက်ကြီး၊ မှော်ဘီနှင့် လှည်းကူးမြို့နယ်တွင် ဧကတစ် ထောင်ခန့် အကောင်အထည်ဖော် ရန် လျာထားကြောင်း ဦးမောင် မောင်စိုးက စီမံကိန်းတင်သွင်းရာ တွင် ပြောသည်။
ရွေးချယ်ထားသည့် စက်မှုဇုန်မြေနေရာများကို ပထမအဆင့် မြို့ပြစီမံကိန်းအဖြစ် သတ်မှတ်ပြီး မြေပိုင်ရှင်တောင်သူများက ၂၀ ရာ ခိုင်နှုန်းနှင့် နိုင်ငံတော်အစိုးရက ၈၀ ရာခိုင်နှုန်း အကျိုးအမြတ်ခွဲဝေ ရန် စီစဉ်ထားကြောင်း ၎င်းက ရှင်းပြသည်။
မြို့နယ်များကို နိုင်ငံတကာ အဆင့်မီ စက်မှုဇုန်များ ထူထောင် ခြင်းဖြင့် ဒေသဖွံ့ဖြိုးရေးနှင့် ပြည်သူများအလုပ်အကိုင်ရရှိရေးဖော် ဆောင်ပေးနိုင်မည့်အပြင် ရန်ကုန်မြို့တော်၏ လူဦးရေသိပ်သည်း ကျပ်တည်းမှုများနှင့် ယာဉ်ကြော ပိတ်ဆို့မှုများကိုလည်း အထိုက်အလျောက် လျော့နည်းစေရန် ရည်ရွယ်လုပ်ဆောင်ခြင်းဖြစ်ကြောင်း မြို့တော်ဝန်က ပြောသည်။
မြို့နယ်တစ်ခုချင်းအလိုက် စက်မှုဇုန်ဖော်ဆောင်ခြင်းဖြင့် ရရှိ လာမည့် ဝင်ငွေများကို အဆိုပါ မြို့နယ်တစ်ခုချင်းစီ၏ မြို့ပြနှင့် ကျေးလက်ဒေသဖွံ့ဖြိုးရေးလုပ် ငန်းများအတွက် ပြန်လည်သုံးစွဲ နိုင်ကြောင်း ၎င်းက ဆိုသည်။
အဆိုပါစီမံကိန်း အစီရင်ခံ စာကို ဇွန်လ ၁၃ ရက်(ယနေ့)တွင် ကျန်ရှိသည့် လွှတ်တော်ကိုယ်စား လှယ်များက ဆက်လက်ဆွေးနွေး မည်ဖြစ်သည်။
Credit: 7Daydaily
